អ្នកទាំងអស់គ្នាប្រាកដជាបានដឹង និងស្គាល់ហើយ នៅកម្មវិធីប្រឡងប្រកួតប្រជែងសម្រស់បវរកញ្ញាចក្រវាល ឬហៅថា Miss Univers 2022 ដែលបានដំណើរការប្រកួតនិងបានបញ្ចប់ទៅដោយយ៉ាងរលូនកាលពីពេលថ្មីៗនេះ ហើយដោយក្នុងនោះ
រាជធានីភ្នំពេញ ៖ អ្នកទាំងអស់គ្នាប្រាកដជាបានដឹង និងស្គាល់ហើយ នៅកម្មវិធីប្រឡងប្រកួតប្រជែងសម្រស់បវរកញ្ញាចក្រវាល ឬហៅថា Miss Univers 2022 ដែលបានដំណើរការប្រកួតនិងបានបញ្ចប់ទៅដោយយ៉ាងរលូនកាលពីពេលថ្មីៗនេះ ហើយដោយក្នុងនោះគេនាំគ្នាសង្កេតឃើញមានបេក្ខភាពជាច្រើនបានដាក់ពាក្យទៅចូលរួមប្រកួតយ៉ាងច្រើនសន្ធឹកសន្ធាប់មកពីជុំវិញពិភពលោក សុទ្ធសឹងតែមានសម្រស់ស្រស់ស្អាត សមត្ថភាព និងចំណេះដឹងខ្លាំងមិនធម្មតាឡើយ។
ហើយអ្វីដែលពិសេសជាងនេះទៅទៀតនោះ បើមកមើលចំពោះបវរកញ្ញាចក្រវាលកម្ពុជារបស់យើង ដែលមានរូបសម្រស់ស្រស់ស្អាតអំណោយផលពីធម្មជាតិមុខដូចគំនូរនោះ គឺកញ្ញា ហង្ស ម៉ានីតា Miss Universe Cambodia ប្រចាំឆ្នាំ២០២២ ដែលគ្រងមកុដកាលពីពេលថ្មីៗនេះ ដែលជាកូនកាត់ខ្មែរ-បារាំងរូបនេះវិញ មានទាំងរូបសម្រស់ស្រស់ស្អាត សមត្ថភាពខ្លាំង ចំណេះដឹងមិនធម្មតាឡើយ តែគួរអោយស្ដាយដែលមិនអាចចូលថប់បាន។
យ៉ាងណាមិញ ឃើញថា ក្រោយពេលបេក្ខជនជាច្រើនរូបបានទៅចូលរួមការប្រកួតអស់រយៈពេលជាច្រើនថ្ងៃរួចមក នៅទីបំផុតកាលពីព្រឹកថ្ងៃទី១៥ ខែមករា ឆ្នាំ២០២៣កន្លងទៅនេះ កម្មវិធីបវរកញ្ញាចក្រវាលពិភពលោក Miss Universe Cambodia 2022 បានមកដល់វគ្គផ្តាច់ព្រ័ត្រហើយ ដោយក្នុងនោះចំពោះលទ្ធផលបវរកញ្ញាកម្ពុជាយើងមិនបានឈានចូលដល់ Top ណាមួយនោះឡើយ រហូតធ្វើអោយអ្នកគាំទ្រហាក់មានការមិនសប្បាយចិត្ត ពេលគេមិនអោយបវរកញ្ញាខ្មែរចូលថប់។
តែយ៉ាងណាក៏ដោយ មានមហាជននៅក្នុងប្រទេសកម្ពុជាទាំងមូល នៅតែមានមោទនភាពយ៉ាងខ្លាំងគ្រប់ៗគ្នាចំពោះនាងដែលបានបង្ហាញនៅស្នាដៃ សមត្ថភាពរបស់ខ្លួនអោយបណ្ដាប្រទេសផ្សេងៗបានឃើញ ដោយសារតែការខិតខំប្រឹងប្រែងរបស់នាងរយៈពេលកន្លងមក បើទោះបីជាមិនបានជោគជ័យនៅលើឆាកអន្តរជាតិពិតមែនក៏ដោយ។
មិនទុកចាំយូរ បន្ទាប់ពីបានតាមដាន និងដឹងថា កញ្ញា ហង្ស ម៉ានីតា មិនបានចូលដល់ Top ណាមួយបាននៅក្នុងកម្មវិធីដែលស្ថិតនៅលើទឹកដីសហរដ្ឋអាមេរិក ទ្រាំលែងបានតទៅទៀតភ្លាមៗនោះ ស្រាប់តែ Peypey dy បានចេញមុខមកបង្ហោះសារនៅលើគណនីហ្វេសប៊ុកផេកផ្ទាល់ខ្លួន ដោយបាននិយាយលើកឡើងបែបនេះថា «សោកស្តាយដែល CAMBODIA មិនអាចចូល Top 16 ប៉ុន្តែ Manita ពិតជាល្អបំផុតសំរាប់ CAMBODIA រួចហើយ អរគុណចំពោះការខិតខំ និងធ្វើអោយពួកយើងមានមោទកភាពចំពោះអ្នក នៅមានប្រទេសខ្លាំងៗជាច្រើន ដែលតែងតែចូល Top កំពូលក៏មិនអាចចូល Top ក្នុងឆ្នាំនេះ ដូច្នេះសូមកុំបាក់ទឹកចិត្ត យើងដឹងហើយថា Miss Universe ជាកម្មវិធីកំពូល ខ្លាំងប៉ះខ្លាំង ដូច្នេះការដែលចូល Top គឺមិនមែនជារឿងងាយស្រួលទេ ប៉ុន្តែត្រូវចាំថា យើងចាញ់ក្នុងចំណោមអ្នកខ្លាំង»។
ឃើញដូចនេះ ក៏មានអ្នកចូលទៅខមិនព្រាតថា «ខ្ញុំពេញចិត្ត និងស្រលាញ់ Caption មួយនេះរបស់បងខ្លាំងណាស់ អរគុណដែលបានគាំទ្រ ស្រលាញ់ចូលចិត្ត Manita គាត់ធ្វើបានល្អបំផុតហើយ» «ខ្ញុំនិយាយមែន ហួសចិត្តមិនស្ទើរនោះទេ សូម្បីតែ Philippines ដែលជាជើងខ្លាំងអាស៊ីឆ្នាំនឹងក៏អត់បានចូល Top ដែរ» «មានអារម្មណ៍ថា កម្មវិធីហ្នឹងដូចរើសអើងអាស៊ីដល់ហើយ ជាប់ប្រទេសដដែលៗ បានឡាវមួយគត់អាស៊ី» «ច្រើនឆ្នាំហើយ គេមើលមិនឃើញ អាណិត តែបេក្ខភាពទេ» «គាត់ធ្វើបានល្អណាស់ អរគុណការខំប្រឹងរបស់គាត់សំរាប់ប្រទេសកម្ពុជា» «ប៉ុន្មានឆ្នាំនឹង កម្ពុជាជ្រើសរើសបរវកញ្ញាបញ្ជួនទៅឆាកអន្តរជាតិខ្លាំងៗណាស់ ប៉ុន្តែខាងកម្មវិធីគេមើលមិនឃើញទាល់តែសោះ»។
អ្នកខ្លះបាននិយាយលើកឡើងថា «តើយកបរវរកញ្ញាមកពីណាទៀតនៅឆ្នាំក្រោយ ?បើឆ្នាំនេះមានទាំងព្រមហើយនៅតែមិនបានចូល top ទៀតនោះ»។ មួយខំនួនទៀតក៏បានបញ្ចេញមតិចំៗថា «មិនចង់បាក់ទឹកចិត្តទេ តែស្តាយសមត្ថភាព ម៉ានីតា ណាស់ មិនដឹងត្រូវរកបេក្ខភាពបែបណាមកប្រកួតទៀតទេ ទើបត្រូវចិត្ត Miss Univers?»៕
ចែករំលែកព័តមាននេះ