ខ្មាន់កាំភ្លើងបា.ញ់ជិត10គ្រាប់ចូលខ្លួនសារភាពមុនការកំណត់
រាជធានីភ្នំពេញ ៖ ខ្មាន់កាំងភ្លើងបា.ញ់ជិត១០គ្រាប់នៅខណ្ឌដូនពេញកាលពីយប់ថ្ងៃទី០៧ ខែកក្កដា នៅព្រឹកថ្ងៃទី១៣ ខែកក្កដា
រាជធានីភ្នំពេញ ៖ ខ្មាន់កាំងភ្លើងបាញ់ជិត១០គ្រាប់នៅខណ្ឌដូនពេញកាលពីយប់ថ្ងៃទី០៧ ខែកក្កដា នៅព្រឹកថ្ងៃទី១៣ ខែកក្កដា នេះបានចូលសារភាពនៅទីបញ្ជាការដ្ឋានកងរាជអាវុធហត្ថរាជធានីភ្នំពេញ ។ ខ្មាន់កាំភ្លើងរូបនោះឈ្មោះ ទូច បូភាព អាយុ៣៥ឆ្នាំ អតីតជាមន្ត្រីនគរបាលរាជធានីភ្នំពេញ ។
មន្ត្រីកងរាជអាវុធហត្ថរាជធានីភ្នំពេញបានឲ្យដឹងថា ពេលនេះសមត្ថកិច្ចជំនាញកំពុងធ្វើការសាកសួរលើឈ្មោះ ទូច បូភាព ដូច្នោះមិនទាន់ត្រូវបានកំណត់យ៉ាងណានៅឡើយទេ ជំហ៊ានដំបូងយើងសាកសួរឲ្យដឹងពីដើមចមសិនសំខាន់ថា តើឈ្មោះ ទូច បូភាព ទទួលស្គាល់ការផ្ទុះអាវុធនោះដែរ ឬអត់ ? បើគេទទួលស្គាល់ហើយសមត្ថនឹងបន្តនីតិវិធី ។
គួរបញ្ជាក់ថា នៅថ្ងៃទី១២ ខែកក្កដា ឆ្នាំ២០១៧ ព្រះរាជអាជ្ញារងអមសាលាដំបូងរាជធានីភ្នំពេញលោក សៀង សុខ បានចេញដីកាបញ្ជាឲ្យឈ្មោះ ទូច បូភាព ដែលខ្មាន់កាំភ្លើងបាញ់ជិត១០គ្រាប់នៅក្នុងខណ្ឌដូនពេញចូលទៅបង្ហាញខ្លួននៅអធិការដ្ឋាននគរបាលខណ្ឌដូនពេញ ឲ្យបានមុនថ្ងៃទី២២ ខែសីហា ឆ្នាំ២០១៧ ៕
អត្ថបទពាកព័ន្ធ ៖ ជននេះ… ត្រូវចូលខ្លួនឱ្យបានមុនថ្ងៃទី២២ សីហា ខាងមុខ
ចែករំលែកព័តមាននេះ