ឡើងពង្រាយខ្សែអ៊ិនធឺណិត មិនប្រយ័ត្នជ្រុលប៉ះខ្សែកាបឆក់ស្លា.ប់
រាជធានីភ្នំពេញ ៖ ជាងអ៊ិនធឺណិតម្នាក់ ត្រូវខ្សែភ្លើងឆក់ស្លា.ប់ បន្ទាប់ពីរូបខ្លួនដាក់ជណ្តើរឡើងលើបង្គោលភ្លើង ដើម្បីពង្រាយខ្សែអ៊ិនធឺណិត
រាជធានីភ្នំពេញ ៖ ជាងអ៊ិនធឺណិតម្នាក់ ត្រូវខ្សែភ្លើងឆក់ស្លាប់ បន្ទាប់ពីរូបខ្លួនដាក់ជណ្តើរឡើងលើបង្គោលភ្លើង ដើម្បីពង្រាយខ្សែអ៊ិនធឺណិត មិនប្រយ័ត្នក៏ជ្រុលទៅប៉ះនឹងខ្សែកាបបណ្តាលឲ្យឆក់ស្លាប់មួយរំពេច បង្កឲ្យមានការភ្ញាក់ផ្អើលជាខ្លាំង កាលពីវេលាម៉ោង៣ និង៤០នាទីរសៀល ថ្ងៃទី១១ ខែកក្កដា ឆ្នាំ២០១៧ នៅចំណុចក្បែរផ្ទះសំណាក់ស្លឹកមាស ស្ថិតតាមបណ្តោយផ្លូវលេខ៣៧១ ក្នុងភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ រាជធានីភ្នំពេញ។ ជនរងគ្រោះមានឈ្មោះ នុង ភេទប្រុស អាយុ៣២ឆ្នាំ មុខរបរជាជាងតបណ្តាញអ៊ិនធឺណិត ឲ្យក្រុមហ៊ុនឯកជនមួយឈ្មោះ ខ្មែរខម និងមានទីលំនៅផ្ទះជួលសង្កាត់ស្ទឹងមានជ័យ ខណ្ឌមានជ័យ ហើយមានស្រុកកំណើតខេត្តកំពង់ស្ពឺ ។ ជនរងគ្រោះក៏មានប្រពន្ធ និងកូនស្នាក់នៅ ភ្នំពេញជាមួយផងដែរ។
ប្រភពព័ត៌មានឲ្យដឹងថា ជនរងគ្រោះមានគ្នា៣នាក់ ដោយពួកគេទាំង៣នាក់បានចាប់ផ្តើមពង្រាយ ខ្សែអ៊ិនធឺណិតតាំងពីវេលាម៉ោង១០ព្រឹក ថ្ងៃខែដដែល មកម្លេះ តាំងពីចំណុចមុខឃខ្លោងទ្វារវត្តអង្គពោធិញាណ ដោយក្នុងនោះគ្នារបស់ពួកគេម្នាក់ជាអ្នករង់ចាំនៅចំណុចចាប់ផ្តើម និង២នាក់ទៀតត្រូវពង្រាយឲ្យដល់មុខផ្សារ PC ទើបបញ្ចប់។ លុះពង្រាយមកដល់ចំណុចបង្គោលភ្លើងខាងលើ ជនរងគ្រោះ បានដាក់ជណ្តើរឡើងទៅលើ ដោយឲ្យគ្នាគ្នីម្នាក់រង់ចាំនៅខាងក្រោមហុចឧបករណ៍ផ្សេងៗឲ្យ ខ្លួន។ ខណៈឡើងទៅបានមួយសន្ទុះ បុរសជាអ្នកនៅខាងក្រោម បានស្រែកសួរជនរងគ្រោះថា មានត្រូវការអ្វីទៀតទេ0x017d7 ដោយស្រែកសួរជាច្រើនដងដោយមិនឮឆ្លើយតប បុរសដែលនៅខាងក្រោម សង្ស័យថា ជនរងគ្រោះជាគ្នារបស់ខ្លួន ប្រហែលត្រូវខ្សែភ្លើងឆក់ហើយ ក៏សម្រេចធាក់ជណ្តើរឲ្យដួល ធ្លាក់ទាំងជណ្តើរ និងមនុស្សចុះមកដល់ដី បណ្តាលឲ្យរងរបួសធ្ងន់។
ភ្លាមៗនោះបង្កឲ្យមានការភ្ញាក់ផ្អើលដល់ប្រជាពលរដ្ឋ និងកម្លាំងនគរបាលមូលដ្ឋានចុះអន្តរាគមន៍ទំនាក់ទំនងរថយន្តសាមុយមក ទទួលយកជនរងគ្រោះទៅសង្គ្រោះ ប៉ុន្តែពេលរថយន្តសាមុយមកដល់មិនបានប៉ុន្មាននាទីផង ជនរងគ្រោះត្រូវដាច់ដង្ហើមស្លាប់បាត់ទៅហើយ។ ក្រោយការស្លាប់ សមត្ថកិច្ចបានសម្រេចបញ្ចូនសពមកកាន់វត្តសន្សំកុសលដើម្បីធ្វើការពិនិត្យបន្ថែម។ ក្នុងនោះសមត្ថកិច្ចក៏បានអញ្ចើញបុរស២នាក់ដែលជាគ្នីគ្នាឲ្យជួយបំភ្លឺបន្ថែមផងដែរ ជុំវិញការឆក់ ស្លាប់ខាងលើនេះ។ យ៉ាងណាមិញ នៅល្ងាចថ្ងៃខែឆ្នាំដដែល សមត្ថកិច្ចពុំទាន់អាចទំនាក់ទំនងទៅក្រុម គ្រួសារសាច់ញាតិជនរងគ្រោះបាននៅឡើយទេ ដោយសម្រេចតម្កល់ទុកនៅវត្តសន្សំកុសលបណ្តោះ អាសន្ន៕
ចែករំលែកព័តមាននេះ