ផ្ទះលក់ចាបហ៊ួយ លួចបើកល្បែងជល់មាន់តាមអនឡាញ នៅស្វាយជ្រំ ត្រូវបានបង្ក្រាប
- ស្វាយរៀង
ខេត្តស្វាយរៀង៖ បន្ទាប់ពីបានទទួលព័ត៌មាន ទាក់ទងនឹងការភ្នាល់ស៊ីសងល្បែងអនឡាញ ក្នុងភូមិសាស្រ្តស្រុកស្វាយជ្រំ នៅថ្ងៃចន្ទ ទី៩ ខែមករា ឆ្នាំ២០២៣នេះ លោក តូច…
ខេត្តស្វាយរៀង៖ បន្ទាប់ពីបានទទួលព័ត៌មាន ទាក់ទងនឹងការភ្នាល់ស៊ីសងល្បែងអនឡាញ ក្នុងភូមិសាស្រ្តស្រុកស្វាយជ្រំ នៅថ្ងៃចន្ទ ទី៩ ខែមករា ឆ្នាំ២០២៣នេះ លោក តូច…
ខេត្តស្វាយរៀង៖ បន្ទាប់ពីបានទទួលព័ត៌មាន ទាក់ទងនឹងការភ្នាល់ស៊ីសងល្បែងអនឡាញ ក្នុងភូមិសាស្រ្តស្រុកស្វាយជ្រំ នៅថ្ងៃចន្ទ ទី៩ ខែមករា ឆ្នាំ២០២៣នេះ លោក តូច ប៉ូលីវ៉ា អភិបាលរងខេត្ត ដែលជាអនុប្រធានក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ ក្នុងភូមិសាស្រ្តខេត្តស្វាយរៀង ទទួលបន្ទុកស្រុកស្វាយជ្រំ បានដឹកនាំកម្លាំងគណៈបញ្ជាការឯកភាពរដ្ឋបាលស្រុកស្វាយជ្រំ ចុះធ្វើរដ្ឋបាល ទៅលើទីតាំងមួយកន្លែង ដែលជួលសម្រាប់ដាក់ម៉ាស៊ីនកុំព្យូទ័រ ភ្នាល់ស៊ីសងល្បែង ជល់មាន់ តាមអនឡាញ។
អាជីវកម្ម នៅផ្ទះលក់ចាបហ៊ួយនេះ ដែលលួចលាក់បើកលេងខុសច្បាប់ គ្មានការអនុញ្ញាត និងគ្មានអាជ្ញាប័ណ្ណ ស្ថិតនៅក្នុងភូមិសង្កែ ឃុំឈើទាល ស្រុកស្វាយជ្រំ ខេត្តស្វាយរៀង។
បន្ទាប់ពីចុះធ្វើរដ្ឋបាលរួចមក កម្លាំងចម្រុះបានដកហូតវត្ថុតាងមួយចំនួន រួមមាន កុំព្យូទ័រ Laptop ១គ្រឿង ដុំTP-Link ១ និងប័ណ្ណសម្រាប់ចាក់ភ្នាល់មួយចំនួន។
ក្រោយបានសាកសួរព័ត៌មាន និងប្រមូលបានវត្ថុតាងរួចមក ក្រុមការងារ នឹងកសាងសំណុំរឿងបញ្ជូនទៅព្រះរាជអាជ្ញា នៃអយ្យការអមសាលាដំបូងខេត្ត ដើម្បីអនុវត្តតាមនីតិវីធីបន្ត៕ វ៉ាន់ ប៊ុនធឿន
ចែករំលែកព័តមាននេះ