កម្មករឃើញសំរាម និងក្រណាត់ លុះទៅជិតប្រមូលដាក់ឡាន បែរជាឃើញទារក ផ្អើលរបងសាលាកសិកម្មចំការដូង
រាជធានីភ្នំពេញ ៖ សាកស.ពទារកម្នាក់ត្រូវបានជនមិនស្គាល់មុខរុំកន្សែង និងច្រកចូលទៅក្នុងថង់
រាជធានីភ្នំពេញ ៖ សាកស.ពទារកម្នាក់ត្រូវបានជនមិនស្គាល់មុខរុំកន្សែង និងច្រកចូលទៅក្នុងថង់ រួចយកទៅបោះចោលនៅតាមចិញ្ចើមផ្លូវមួយកន្លែង ហើយត្រូវបានកម្មករប្រមូលសំរាមក្រុមហ៊ុនMIZUDA ប្រទះឃើញ រួចរាយការណ៍ប្រាប់នគរបាលឲ្យចុះទៅពិនិត្តមើល។
ហេតុការណ៍ខាងលើបានកើតឡើងបង្កឲ្យមានការភ្ញាក់ផ្អើលកាលវេលាម៉ោង៩ព្រឹក ថ្ងៃទី០៦ ខែមករា ឆ្នាំ២០២២ នៅតាមផ្លូវបេតុងជាប់របងសាលាកសិកម្មចំការដូង ស្ថិតនៅក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មានបានប្រាប់ឲ្យដឹងថា ទារកនោះទើបនិងកើតបានប៉ុន្មានថ្ងៃប៉ុណ្ណោះ ហើយពុំដឹងថា ស្លា.ប់ដោយសារតែជម្ងឺ ឬករណីអ្វីផ្សេងនោះទេ ។ ម្យ៉ាងទៀតក៏ពុំដឹងថាឪពុកម្ដាយទារកនេះជានរណា ហើយបានយកស.ពកូនខ្លួនឯងទៅបោះចោលនៅទីនោះតាំងពីពេលណានោះឡើយ ។ នៅជិតកន្លែងកើតហេតុក៏មានផ្ទះអ្នកភូមិដែរ ប៉ុន្តែពុំមាននរណាម្នាក់បានឃើញអ្នកយកស.ពទារកទៅបោះចោលនោះទេ ហើយក៏ពុំចាប់អារម្មណ៍ដែរ ព្រោះតាមផ្លូវនោះមានអ្នកធ្វើដំណើរទៅមកៗជាប់ពុំដាច់ ពុំដឹងថានរណាជានរណាឡើយ។
តាមប្រភពដដែលបានប្រាប់ឲ្យដឹងបន្តទៀតថា នៅវេលាព្រឹកនោះមានកម្មករប្រមូលសំរាមក្រុមហ៊ុន MIZUDA បានធ្វើសកម្មភាពប្រមូលសម្រាមនៅតាមដងផ្លូវខាងលើ លុះពេលទៅដល់ត្រង់ចំណុចកើតហេតុ បានប្រទះឃើញមានសំរាម និងក្រណាត់នៅទីនោះ ។ ពេលនោះក៏បាននាំគ្នាដើរទៅជិតដើម្បីប្រមូលដាក់ក្នុងរថយន្ត ក៏ប្រទះឃើញស.ពទារកម្នាក់នោះ ទើបស្រែកប្រាប់អ្នកភូមិបង្កឲ្យមានការភ្ញាក់ផ្អើលតែម្ដង ។ បន្ទាប់មកបានរាយការណ៍ជូននគរបាលខណ្ឌដង្កោឲ្យចុះទៅពិនិត្យនិងយកស.ពទៅបូជា ព្រមទាំងស្រាវជ្រាវរកឪពុកម្ដាយរបស់ស.ពទារកខាងលើ៕
ចែករំលែកព័តមាននេះ