រាជធានីភ្នំពេញ ៖ ជឿជាក់ថា ប្រិយមិត្តភាគច្រើន ដែលនិយមតាមដានពីរឿងហុងស៊ុយច្បាស់ជាស្គាល់អ្នកគ្រូ ហុងស៊ុយ ដ៏ល្បីមួយរូបដែលកន្លងមក អ្នកគ្រូធ្លាប់បានទស្សយ៍ទាយឆុតៗមិនថា រឿងហុយស៊ុយ, កាត់ឆុង, សែនចូលឆ្នាំ ឬការទស្សទាយព្រឹត្តិការណ៍ធំៗនៅថ្ងៃអនាគតនោះទេ។
បើតាមអ្នកគ្រូ ណាលី បានបញ្ជាក់កាលពីពេលថ្មីៗកន្លងមកនេះឲ្យដឹងថា ចំពោះការសែនចូលឆ្នាំចិន ឆ្នាំ២០២៣នេះ គឺត្រូវសែនកណ្តាលផ្ទះ គឺយើងអត់ប៉ះឆុងទេ ទោះយើងដុតទៀនកណ្តាលផ្ទះក៏ដោយ តែទៀនពណ៌ក្រហម គឺល្អ ព្រោះដោយសារអី តារាសាស្ត្រលេខ៤ គឺត្រូវការពណ៌ក្រហម ដែលជាធាតុឈើ។
មួយវិញទៀត នៅពេលដែលសែនយើងប្រើដើមរាសីដាក់លាយជាមួយផ្កា តែយើងប្រើផ្កាពណ៌ក្រហមដែរ ។ឆ្នាំនេះនៅពេលដែលយើងសែន គឺមានថូរផ្កាទាំងសងខាង ដែលមានដើមរាសី និងផ្កាពណ៌ក្រហម មិនមែនពណ៌លឿនទេ។បញ្ជាក់ដើមរាសីជាមួយផ្កាពណ៌ក្រហមមកអបគ្នា។ចំពោះភ្លើងទៀន គឺយើងប្រើទៀនពណ៌ក្រហម។ហេតុអីបានជាខ្ញុំឲ្យប្រើដើមរាសីលាយជាមួយផ្កាពណ៌ក្រហម? ព្រោះតារាសាស្ត្រលេខ៤គឺជាធាតុឈើ ចឹងពណ៌បៃតងគាំទ្រនឹងធាតុឈើហើយ តែពណ៌ក្រហមធ្វើឲ្យធាតុឈើកាន់តែស្រស់ស្រាយ។
ដូច្នេះហើយនៅពេលដែលយើងសែន យើងប្រើដើមរាសី៤ដើម ឬ៩ដើមសងខាង យល់ល្អនៅពេលដែលយើងសែនយក៩ដើមចុះ ដើម្បីអី ?ព្រោះយើងត្រូវគាំទ្រនៅយុគក្រោយ គឺយុគ៩មួយទៀត។
អ្នកគ្រូ ណាលី បានបន្ថែមថា នៅពេលយើងសែនក្នុងឆ្នាំនេះ ឈើ ហើយនឹងភ្លើង គឺល្អបំផុត។ នៅពេលដែលយើងរៀបសែនកម្រាលដែលយើងសែននោះ គឺប្រើពណ៌បៃតងចុះ(នៅកណ្តាលផ្ទះ) បើយើងប្រើទៀនពណ៌ក្រហមទៀតកាន់តែល្អ ។ នៅពេលដែលយើងរៀបចំសែនបែបនេះ គឺធ្វើឲ្យយើងចម្រើនរុងរឿង (អ្នកគ្រូ ណាលីនិយាយ)។
លើសពីនេះទៀតអ្នកគ្រូ ណាលី បញ្ជាក់ថា នៅពេលសែនបែរមុខយើងមើលថា អ្នកណារាសីត្រូវធាតុអី យើងបែរមុខទៅទិសហ្នឹងទៅ ។ បើយើងសែនកណ្តាលផ្ទះយើងត្រូវ តើអ្នកដែលរាសីធាតុណាបែរទៅទិសធាតុណា?
បើសម្រាប់អ្នករាសីដែលត្រូវនឹងធាតុទឹក គឺត្រូវបែរមុខទៅទិសខាងជើង បើរាសីត្រូវជាមួយធាតុមាសត្រូវបែរមុខទៅទិសខាងលិច ឬលិចឆៀងជើង តែបើរាសីត្រូវជាមួយធាតុឈើ ត្រូវអង្គុយបែរមុខទៅកើត បើរាសីត្រូវនឹងធាតុភ្លើងត្រូវបែរមុខទៅទិសខាងត្បូង បើរាសីត្រូវនឹងធាតុដី ត្រូវបែរមុខទៅទិសជើងឆៀងកើត និងត្បូងឆៀងលិច។ អីចឹងតាមរាសីនីមួយនៃសមាជិកគ្រួសារអង្គុយបែរមុខខុសគ្នា អត់ចាំបាច់ទៅអង្គុយចំកន្លែងតែមួយហើយបែរមុខទៅទិសតែមួយទេ (មិនចាំបាច់ទេ)។
ទន្ទឹមនឹងនេះដែរអ្នកគ្រូ ណាលីបានបន្តថា សម្រាប់បងប្អូនដែលមិនមានថ្ងៃខែវិញ ងាយៗបែរចំតារាសាស្ត្រដែលល្អ គឺបែរទៅត្បូង នៅក្នុងម៉ោងហ្នឹងសែន គឺត្រូវបែរមុខទៅទិសខាងត្បូង(អារម្មណ៍ដែលយើងគិតគឺបានផល ឬអ្វីដែលយើងបួងសួង តែត្រូវផ្តោតឲ្យមែនទែន)។
ចំពោះបងប្អូនដែលរាសីត្រូវនឹងធាតុដី ចៃដន្យមិនមែននៅភ្នំពេញទេ ចៃដន្យគាត់សែននៅភចម្ការ ឬនៅតំបន់ដាច់ស្រយាលមិនមានអ្នកភូមិទិញផាវទៅដុត (សម្រាប់តែអ្នកត្រូវនឹងធាតុដីប៉ុណ្ណោះ) បែរមុខ និងដុតទិសខាងត្បូង(ការដុតផាវបើកទំព័រឆ្នាំថ្មី) ដែលហេងៗចូល តែបើនៅភ្នំពេញមិនដុតទេ។
សូមបញ្ជាក់ ៖ កន្លងមកអ្នកគ្រូថា ហ៊ុងស៊ុយ មិនមែនជាជំនឿ ហើយក៏មិនមែនជារឿងងប់ងល់ដែរ។ជំនឿសាសនា គឺជាការគោរពប្រត្តិបត្តិ ការសែនព្រែន ធ្វើពិធីកម្មផ្សេងៗ តាមបែបសាសនា មានការអុចធូប បន់ស្រន់ ផ្សេងៗដូចជា ការរៀបជំនៀងផ្ទះ កុងម៉ា គោរព ហុកឡុកស៊ីវ គោរពទេវតា ឆៃស៊ិងអ៊ា ….. តាមការគោរពរៀងៗខ្លួន ដោយមិនពាក់ព័ន្ទលើហុងស៊ុយទេ។ចំណែកហុងស៊ុយ គឺយើងអាចពិសោធន៍បាន ព្រោះវាជាវិទ្យាសាស្ត្រ និយាយពីគ្រប់យ៉ាងដែលនៅជុំវិញខ្លួនយើង និងឥទ្ធិពលតារាសាស្ត្រ៕
ចែករំលែកព័តមាននេះ