ឆ្លងឆ្នាំ ២ថ្ងៃ មានភ្ញៀវទេសចរ ២លាននាក់ ធ្វើដំណើរកម្សាន្ត នៅទូទាំងប្រទេស
- ភ្នំពេញ
ភ្នំពេញ៖ នៅទូទាំងប្រទេស ទទួលបានភ្ញៀវសរុបប្រមាណ ២,០២២,៩២០នាក់។ ក្នុងនោះ ភ្ញៀវជាតិ ២,០០៦,១១៧នាក់ និងភ្ញៀវបរទេស ១៦,៨០៣នាក់។ នេះបើតាមក្រសួងទេសចរណ៍។…
ភ្នំពេញ៖ នៅទូទាំងប្រទេស ទទួលបានភ្ញៀវសរុបប្រមាណ ២,០២២,៩២០នាក់។ ក្នុងនោះ ភ្ញៀវជាតិ ២,០០៦,១១៧នាក់ និងភ្ញៀវបរទេស ១៦,៨០៣នាក់។ នេះបើតាមក្រសួងទេសចរណ៍។…
ភ្នំពេញ៖ នៅទូទាំងប្រទេស ទទួលបានភ្ញៀវសរុបប្រមាណ ២,០២២,៩២០នាក់។ ក្នុងនោះ ភ្ញៀវជាតិ ២,០០៦,១១៧នាក់ និងភ្ញៀវបរទេស ១៦,៨០៣នាក់។ នេះបើតាមក្រសួងទេសចរណ៍។
គោលដៅទេសចរណ៍សំខាន់ៗមួយចំនួន ត្រូវបានក្រសួងទេសចរណ៍ ប្រកាសថា រួមមាន៖ រាជធានីភ្នំពេញ ៤៥៥,៨៣២នាក់ ខេត្តព្រះសីហនុ ៣៣៨,៥៥២នាក់ ខេត្តសៀមរាប ៣៣៧,៧៦៩នាក់ ខេត្តកំពត ៣៣០,៦៥៩នាក់ ខេត្តបាត់ដំបង ១៥៨,១១០នាក់ ខេត្តកែប ៨៨,៣៥៦នាក់ ខេត្តត្បូងឃ្មុំ ៨៤,៦៨៣នាក់ និងខេត្តកំពង់ចាម ៧៦,៩០១នាក់។
ក្រសួងទេសចរណ៍ ក៏បានប្រកាសថា តួលេខខាងលើ កើនឡើង ៧៦.៦៥% ធៀបនឹងពិធីឆ្លងឆ្នាំសកលឆ្នាំ២០២២។ ចំពោះរាជធានីភ្នំពេញ មានប្រជាពលរដ្ឋប្រមាណជាង ៤៥ម៉ឺននាក់ បានដើរកម្សាន្ត នៅគោលដៅសំខាន់ៗ ដូចជា នៅតំបន់កោះពេជ្រ មាត់ទន្លេមុខព្រះបរមរាជវាំង តំបន់កម្សាន្តជ្រោយចង្វារ តំបន់វិមានឈ្នះឈ្នះ ពហុកីឡដ្ឋានមរតកតេជោ ជាដើម។
ក្រសួងទេសចរណ៍ លើកឡើងថា គោលដៅទេសចរណ៍នានាទូទាំងប្រទេស សុទ្ធតែទទួលបានចំនួនភ្ញៀវទេសចរយ៉ាងផុសផុល។ បន្ទប់សណ្ឋាគារ ផ្ទះសំណាក់ រីស៊ត និងបឹងហ្កាឡូ ត្រូវបានភ្ញៀវកក់ស្ទើរពេញ ១០០% ផងដែរ។
ដោយឡែក ប្រជាពលរដ្ឋមួយចំនួន បានជ្រើសរើសយកការជួបជុំ នៅតាមគេហដ្ឋាន (ហូបចុក ច្រៀងកម្សាន្តជាលក្ខណៈគ្រួសារ និងមិត្តភក្តិ)។ ខ្លះទៀត បានចេញទៅដើរកម្សាន្ត និងជួបជុំឆ្លងឆ្នាំ នៅតាមភោជនីយដ្ឋាន កន្លែងកម្សាន្តមនុស្សពេញវ័យ និង Sky Bar ជាដើម៕
ចែករំលែកព័តមាននេះ