វៀតណាមសម្លឹងឃើញកំណត់ត្រាថ្មី នៃការនាំចេញលើវិស័យកសិកម្ម រុក្ខាប្រមាញ់ និងនេសាទ
វៀតណាម ៖ វិស័យកសិកម្ម រុក្ខាប្រមាញ់ និងនេសាទ របស់ប្រទេសវៀតណាម បានបង្កើតកំណត់ត្រា
វៀតណាម ៖ វិស័យកសិកម្ម រុក្ខាប្រមាញ់ និងនេសាទ របស់ប្រទេសវៀតណាម បានបង្កើតកំណត់ត្រា
វៀតណាម ៖ វិស័យកសិកម្ម រុក្ខាប្រមាញ់ និងនេសាទ របស់ប្រទេសវៀតណាម បានបង្កើតកំណត់ត្រានៃការនាំចេញថ្មីរបស់ខ្លួន នៅក្នុងឆ្នាំ២០២២ ដោយសារតែការធ្វើពិពិធកម្មទីផ្សារ និងផលិតផល។ នេះបើយោងតាមប្រភពពីសារព័ត៌មាន VnExpress បានចេញផ្សាយកាលពីថ្ងៃទី២៦ ខែធ្នូ កន្លងទៅ។
ស្ថិតិបង្ហាញថា ការនាំចេញរបស់វិស័យនេះ ត្រូវបានគេរំពឹងថា នឹងកើនឡើងដល់ ៥៣ពាន់លានដុល្លារ នៅក្នុងឆ្នាំនេះ ជាមួយនឹងអតិរេកពាណិជ្ជកម្មចំនួន ៧.៨ពាន់លានដុល្លារ ដែលកើនឡើងជិត ៤៨% ពីមួយឆ្នាំទៅមួយឆ្នាំ។
ការនាំចេញជលផល នឹងកើនឡើងក្នុងទំហំទឹកប្រាក់ជិត ១១ពាន់លានដុល្លារ ដែលជាចំនួនខ្ពស់មួយ ក្នុងរយៈពេល២០ឆ្នាំ ចាប់តាំងពីវៀតណាមបានចូលរួមក្នុងទីផ្សារអន្តរជាតិ ដោយកំណត់ត្រាត្រូវបានគេមើលឃើញ នៅក្នុងការនាំចេញបង្គា ដែលទទួលបានចំណូលចំនួន ៤.៣ពាន់លានដុល្លារ, ត្រីប្រាចំនួន ២.៤ពាន់លានដុល្លារ និងត្រីធូណាចំនួន ១ពាន់លានដុល្លារ។
ដោយមើលឃើញពីអតិផរណាខ្ពស់រយៈពេល៤០ឆ្នាំចុងក្រោយ និងការប្រែប្រួលរូបិយប័ណ្ណក្នុងទីផ្សារជាច្រើន ជាពិសេសការកើនឡើងតម្លៃលើមុខទំនិញស្ទើរគ្រប់ប្រភេទ ដោយសារតែជម្លោះរវាងរុស្ស៊ី-អ៊ុយក្រែន ដែលបានបង្ខំឱ្យអ្នកនាំចូលពិចារណាកាត់បន្ថយការបញ្ជាទិញ ដែលនាំឱ្យអាជីវកម្មវៀតណាមបានផ្លាស់ប្តូរទីផ្សារ និងផលិតផលចម្រុះដោយភាពបត់បែន។
កិច្ចព្រមព្រៀងពាណិជ្ជកម្មសេរី (FTAs) ជាពិសេសកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP) បានផ្ដល់អត្ថប្រយោជន៍យ៉ាងសំខាន់ដល់ឧស្សាហកម្មនេសាទរបស់វៀតណាម ដោយត្រូវបានពន្យល់ថា ការនាំចេញទៅកាន់ទីផ្សារ CPTPP កើនឡើង ៣០% ដែលស្មើនឹង ២៦-២៧% នៃតម្លៃនាំចេញផលនេសាទសរុបរបស់វៀតណាម។
ដោយឡែក ផលិតផលកសិកម្មវៀតណាម បានចូលទៅកាន់ទីផ្សារថ្មី ឧទាហរណ៍ដូចជា ទុរេន ដំឡូងជ្វា និងសំបុកត្រចៀកកាំ ដែលទទួលបានការអនុញ្ញាតឱ្យដឹកជញ្ជូនទៅកាន់ប្រទេសចិន ហើយផ្លែទទឹម ទៅកាន់សហរដ្ឋអាមេរិក ផ្លែមៀនទៅកាន់ជប៉ុន និងក្រូចឆ្មា និងផ្លែទទឹមទៅកាន់នូវែលសេឡង់។
លោក Hoang Trung ប្រធាននាយកដ្ឋានការពាររុក្ខជាតិក្រោមក្រសួងកសិកម្ម និងអភិវឌ្ឍន៍ជនបទ បាននិយាយថា វិស័យនេះ នឹងខិតខំប្រឹងប្រែងកាន់តែខ្លាំង ដើម្បីឈានទៅដល់ទីផ្សារកាន់តែច្រើនជាមួយនឹងផលិតផលចម្រុះ ប៉ុន្តែសមិទ្ធិផលក្នុងការបើកទីផ្សារ គួរតែត្រូវបានរក្សា។ លោកបានស្នើថា រដ្ឋគួរតែចេញគោលនយោបាយជាក់លាក់លើទីផ្សារ ពន្ធ និងដើមទុន ដើម្បីឈានទៅដល់ទីផ្សារបរទេសកាន់តែប្រសើរឡើងក្នុងពេលខាងមុខ។
បន្ថែមលើសពីនេះទៅទៀត លោកបានសង្កត់ធ្ងន់លើតម្រូវការ ដើម្បីបន្តធ្វើពិពិធកម្មទីផ្សារ ក្នុងនោះរួមទាំងប្រទេសចិន និងបំពេញតម្រូវការរបស់ពួកគេក្នុងសុវត្ថិភាពចំណីអាហារ និងការវេចខ្ចប់ ដោយបង្ហាញជំនឿជាក់ថា កន្លែងដ៏ច្រើននឹងនៅតែមានសម្រាប់ការនាំចេញកសិផលរបស់វៀតណាមនៅឆ្នាំក្រោយ៕
ចែករំលែកព័តមាននេះ