ឮសូរសំឡេងផ្ទុះខ្លាំងៗ អ្នកភូមិនាំគ្នាទៅមើលឃើញអណ្ដាតភ្លើងសន្ធោសន្ធៅផ្អើលឆោឡោនៅម្តុំបុរីកីឡា
- ភ្នំពេញ
ករណីអគ្គិភ័យមួយបានបង្កការឆាបឆេះដល់ផ្ទះប្រជាពលរដ្ឋយ៉ាងសន្ធោសន្ធៅនៅម្តុំបុរីកីឡា បង្កឱ្យមានការភ្ញាក់ផ្អើល
ករណីអគ្គិភ័យមួយបានបង្កការឆាបឆេះដល់ផ្ទះប្រជាពលរដ្ឋយ៉ាងសន្ធោសន្ធៅនៅម្តុំបុរីកីឡា បង្កឱ្យមានការភ្ញាក់ផ្អើល
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ករណីអគ្គិភ័យមួយបានបង្កការឆាបឆេះដល់ផ្ទះប្រជាពលរដ្ឋយ៉ាងសន្ធោសន្ធៅនៅម្តុំបុរីកីឡា បង្កឱ្យមានការភ្ញាក់ផ្អើលទាំងកណ្តាលរាត្រី រហូតដល់រថយន្តពន្លត់អគ្គិភ័យចេញអន្តរាគមន៍ភ្លាមៗ កាលពីវេលាម៉ោង១និង២៥នាទីរំលងអធ្រាត្រឈានចូលថ្ងៃទី២៦ ខែធ្នូ ឆ្នាំ២០២២ នៅចំណុចបុរីកីឡា អគាទី៦ ស្ថិតនៅក្នុងមូលដ្ឋានសង្កាត់វាលវង់ ខណ្ឌ៧មករា។
យោងតាមប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានលឺសម្លេងផ្ទុះខ្លាំងៗជាច្រើនដង អំឡុងពេលប្រជាពលរដ្ឋកំពុងតែគេង ភ្លាមៗនោះអ្នកភូមិបានទៅមើល ស្រាប់តែឃើញអណ្តាតភ្លើងពណ៌ក្រហមកំពុងតែឆាបឆេះតូបនៅក្រោមអគារទី៦ បង្កឱ្យក្លាយជាអគ្គិភ័យតែម្តង។
ប្រភពដដែលបន្តថា ភ្លាមៗនោះផងដែរ ប្រជាពលរដ្ឋបាននាំគ្នាយកបំពង់ឧស្ម័នមកជួយបាញ់ពន្លត់ ដោយខ្លះទៀតបានផ្តល់ដំណឹងទៅសមត្ថកិច្ចមូលដ្ឋាន ដើម្បីសុំជំនួយពីភ្នាក់ងារអគ្គិភ័យចេញរថយន្តមកជួយអន្តរាគមន៍បាញ់ទឹកពន្លត់។
ក្រោយពីទទួលដំណឹងខាងលើនេះភ្លាម កម្លាំងការិយាល័យនគរបាលបង្ការពន្លត់អគ្គិភ័យ និង រថយន្តសង្គ្រោះបានចេញរថយន្តជាច្រើនគ្រឿង ដើម្បីធ្វើការអន្តរាគមន៍បាញ់ពន្លត់ផងដែរ។
គួរបញ្ជាក់ថា អគ្គិភ័យខាងលើនេះ ត្រូវបានរលត់ទៅវិញទាំងស្រុង ក្រោយការអន្តរាគមន៍ពីមន្ត្រីជំនាញនៃការិយាល័យនគរបាលបង្ការពន្លត់អគ្គិភ័យ និងសង្គ្រោះ បានបាញ់ទឹកអោយរលត់ទាំងស្រុងនៅម៉ោង២និង១០នាទីអធ្រាត្រ ថ្ងៃទី២៦ ខែធ្នូ ឆ្នាំ២០២២ ដោយប្រើប្រាស់រថយន្តពន្លត់ជាច្រើនគ្រឿង។
បើតាមលោកវរសេនីយ៍ឯក ព្រហ្ម យ៉ន បានអោយដឹងថា ការបាញ់ទឹលពន្លត់នេះ បានប្រព្រឹត្ត ទៅយ៉ាងរលូន និងគ្មានអ្នករងរបួសនោះទេ។ ចំណែកមូលហេតុដែលបណ្តាលឲ្យឆាបឆេះនោះ សមត្ថកិច្ចជំនាញកំពុងធ្វើការស្រាវជ្រាវនៅឡើយ៕
ចែករំលែកព័តមាននេះ