ឃាត់ខ្លួនជនសង្ស័យ២នាក់ ក្នុងចំណោមបក្ខពួក៣នាក់
ខេត្តកណ្តាល ៖ ទីតាំងលួចលាក់ជួញដូរគ្រឿងញៀ.នមួយកន្លែងត្រូវបានកម្លាំងសមត្ថកិច្ចនគរបាលស្រុកកៀនស្វាយ ចេញប្រតិបត្តិការណ៍ចុះបង្ក្រាបជនសង្ស័យ២នាក់ ក្នុងចំណោមបក្ខពួក៣នាក់
ខេត្តកណ្តាល ៖ ទីតាំងលួចលាក់ជួញដូរគ្រឿងញៀនមួយកន្លែងត្រូវបានកម្លាំងសមត្ថកិច្ចនគរបាលស្រុកកៀនស្វាយ ចេញប្រតិបត្តិការណ៍ចុះបង្ក្រាបជនសង្ស័យ២នាក់ ក្នុងចំណោមបក្ខពួក៣នាក់ ដោយដកហូតបានវត្ថុតាងមានថ្នាំញៀនចំនួន៤កញ្ចប់ធំ និងឧបករណ៍ប្រើប្រាស់ជាច្រើនកាលពីវេលាម៉ោង១១ និង៣០នាទីព្រឹកថ្ងៃទី២១ ខែមិថុនា ឆ្នាំ២០១៧ នៅចំណុចភូមិទួលត្នោ ឃុំគគីរ ស្រុកកៀនស្វាយ ខេត្តកណ្ដាល។
មុខសញ្ញាជួញដូរថ្នាំញៀនដែលសមត្ថកិច្ចឃាត់ខ្លួនមាន ទី១-ឈ្មោះ ធឿន ទី ភេទប្រុស អាយុ២២ឆ្នាំជនជាតិខ្មែរ និងទី២.ឈ្មោះ នី ហ្សា ភេទប្រុស អាយុ១៥ឆ្នាំ ជនជាតិខ្មែរ។
ចំណែកម្នាក់ទៀតដែលរត់គេចខ្លួនរួចនោះឈ្មោះ ស្រៀង ទូ ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិ ឃុំខាងលើទាំង៣នាក់។ សមត្ថកិច្ចឲ្យដឹងថា ដោយមានការសហការពីពលរដ្ឋល្អបានផ្ដល់ព័ត៌មានមកប៉ុស្ដិ៍នគរបាលរដ្ឋបាលគគីរថា មានមុខសញ្ញាកំពុងធ្វើសកម្មភាពជួញដូរគ្រឿងញៀននៅផ្ទះឈ្មោះ ធឿន ទី ត្រង់ចំណុចខាងលើភ្លាមនោះលោក វែង កុសល នាយប៉ុស្តិ៍គគីរក៏បានរាយការណ៍សុំបទបញ្ជាពីលោក ប៉ា សំអិត អធិការស្រុកហើយលោកអធិការបានឲ្យកម្លាំងផ្នែកប្រឆាំងបទល្មើសគ្រឿងញៀនស្រុកសហការជាមួយចុះទៅធ្វើការបង្ក្រាបឃាត់ខ្លួនមុខសញ្ញាបាន២នាក់រត់រួចម្នាក់ ដកហូតបានវត្ថុតាងម្សៅក្រាមថ្លាពណ៌ស សង្ស័យសារធាតុញៀនចំនួន៤កញ្ចប់ធំ ជញ្ជីងសម្រាប់ថ្លឹងគ្រឿងញៀន១ និងឧបករណ៍ប្រើប្រាស់វេចខ្ចប់ថ្នាំញៀនមួយចំនួនធំទៀត។
ក្រោយឃាត់ខ្លួនមុខសញ្ញាជួញដូរគ្រឿងញៀនទាំង២នាក់រួមជាមួយវត្ថុតាងត្រូវបាននគរបាលជំនាញស្រុកកៀនស្វាយកសាងសំណុំរឿងចាត់ការតាមនីតិវិធី។ សមត្ថកិច្ចបញ្ជាក់ថា ឈ្មោះ ធឿន ទី ម្ចាស់ផ្ទះគឺជាមុខសញ្ញាចាស់មានដីកាបង្គាប់ឲ្យចាប់ខ្លួនលេខ201ចុះថ្ងៃទី២៨ ខែមីនា ឆ្នាំ២០១៧ចេញដោយចៅក្រមសើបសួរលោក អ៊ី ម៉ាណូ ក្នុងពាក់ពន្ធ័ករណីជូញដូរដោយខុសច្បាប់នូវសារធាតុញៀន៕
ចែករំលែកព័តមាននេះ