សម្តេចតេជោ ប្រាប់ឯកអគ្គរដ្ឋទូតអូស្ត្រាលីថា សិទ្ធិរស់រានមានជីវិត គឺសំខាន់បំផុតសម្រាប់កម្ពុជា
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ប្រាប់ឯកអគ្គរដ្ឋទូតអូស្ត្រាលីដែលចប់អាណត្តិថា ដែលសិទ្ធិរស់រានមានជីវិត គឺសំខាន់បំផុតសម្រាប់កម្ពុជា បើគ្មានសិទ្ធិរស់រៀនមានជីវិតទេ កុំនិយាយពីសិទ្ធិផ្សេងៗទៀត។
ការបញ្ជាក់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ខណៈអនុញ្ញាតឲ្យឯកឧត្ដម Pablo Kang ឯកអគ្គរដ្ឋទូតអូស្ត្រាលី ដែលចប់អណត្តិចូលជួបសម្ដែងការគួរសម និងជម្រាបលាបន្ទាប់ពីឯកឧត្តមត្រូវចប់បេសកកម្មការទូតនៅព្រះរាជា ណាចក្រកម្ពុជា កាលពីថ្ងៃទី១៩ ខែធ្នូ ឆ្នាំ២០២២ នៅវិមានសន្តិភាព។
ក្នុងជំនួបឯកឧត្តម Pablo Kang បានសម្ដែងនូវក្ដីរីករាយដែលបានមកបំពេញបេសកកម្មការទូតនៅព្រះរាជាណាចក្រកម្ពុជា នឹងថាទោះបីបេសកកម្មការទូតរបស់ឯកឧត្តម ស្ថិតក្នុងកំឡុងពេលមានជំងឺកូវីដ១៩ក៏ដោយ ឯកឧត្តម បានចូលរួមចំណែកធ្វើការមួយចំនួន ដើម្បីពង្រឹងកិច្ចសហប្រតិបត្តិការ និងទំនាក់ទំនងរវាងប្រទេសទាំងពីរតាមរយៈការជំរុញការផ្ដល់វ៉ាក់សាំង ឧបករណ៍រក្សាវ៉ាក់សាំងលើវិស័យដោះមីន ការបង្កើតអាហារូបករណ៍សម្រាប់និស្សិតកម្ពុជាទៅបន្តការសិក្សានៅប្រទេសអូស្ត្រាលីវិស័យការពារជាតិការជំរុញកិច្ចព្រមព្រៀងពាណិជ្ជកម្មសេរី រវាងអាស៊ា នអូស្ត្រាលី។
ក្នុងឱកាសនោះដែរឯកឧត្តម Pablo Kangក៏បានគោរពសម្ដែង នៅការអបអរសាទរជូនចំពោះសម្ដេចតេជោ ជូនចំពោះរាជរដ្ឋាភិបាលកម្ពុជា ដែលបានរៀបចំ និងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធបានយ៉ាងជោគជ័យ។
ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះរដ្ឋាភិបាលអូស្ត្រាលីដែលបានគាំទ្រកម្ពុជាក្នុងភាពជាប្រធានអាស៊ានហើយក៏បានថ្លែងអំណរគុណផងដែរ ជូនចំពោះឯកឧត្តម Pablo Kang ដែលបានប្រឹងប្រែងអស់ពីកម្លាំងកាយចិត្តជំរុញទំនាក់ទំនងរវាងប្រទេសទាំងពីរ និងកិច្ចសហប្រតិបត្តិការរវាងប្រទេសទាំងពីរតាមរយៈអ្វីដែលបានលើកឡើងខាងដើម រួមទាំងវិស័យកសិកម្មផងដែរ។
ជាមួយគ្នានោះដែរ សម្ដេចតេជោ នាយករដ្ឋមន្ត្រីក៏បានថ្លែងអំណរគុណជូនចំពោះរដ្ឋាភិបាលអូស្ត្រាលីដែលបានផ្ដល់ទាំងវ៉ាក់សាំងកូវីដ១៩ ឧបករណ៍ថែរក្សាវ៉ាក់សាំងដល់កម្ពុជា។
សម្ដេចតេជោ បានបន្ថែមថា ជំនួយនេះពិតជាសំខាន់ណាស់ក្នុងការទប់ស្កាត់ជំងឺកូវីដ១៩ ដែលជាឃាត.ករកំបាំងមុខមិនឱ្យសម្លា.ប់ប្រជាជនកម្ពុជា ដែលសិទ្ធិរស់រានមានជីវិត គឺសំខាន់បំផុតសម្រាប់កម្ពុជា បើគ្មានសិទ្ធិរស់រៀនមានជីវិតទេនោះក៏ពុំចាំបាច់និយាយអំពីសិទ្ធិអ្វីផ្សេងទៀតដែរ។
ជាក់ស្តែងដូចជា ការអនុញ្ញាតឲ្យចុះចតកប៉ាល់ Westerdam ចូលចត ជាសក្ខីភាពដែលកម្ពុជាចាត់ទុកសិទ្ធិរស់រានមានជីវិតសំខាន់ជាងអ្វីៗទាំងអស់ ប្រសិនបើកម្ពុជាបានអនុញ្ញាតឲ្យកប៉ាល់ Westerdam ចុះចតទេនោះមិនដឹងជាវាសនាប្រជាជននៅលើកប៉ាល់នោះទៅជាយ៉ាង ណានោះទេ ដែលនៅពេលដែលប្រទេសជាច្រើនមិនឱ្យកប៉ាល់នោះចូលចត៕
ចែករំលែកព័តមាននេះ