រាជធានីភ្នំពេញ ៖ បុរសបែកថ្នាំម្នាក់ ជិះម៉ូតូទៅដឹកសង្សារចេញពីធ្វើការ តែដោយសារប្រើប្រាស់ថ្នាំញៀនលើសចំណុះ បានជិះម៉ូតូផ្តួលចោលនៅលើស្ពានអាកាស៧មករា រួចហើយរត់គ្រវីទង់ជាតិ ស្រែកឡូឡាបង្កឲ្យមានការភ្ញាក់ផ្អើលកាលពីវេលាម៉ោង០២និង៣០នាទី រំលងអធ្រាត្រឈានចូល ថ្ងៃទី១៥ ខែមិថុនា ឆ្នាំ២០១៧ ត្រង់ចំណុចខាងលើស្ពានអាកាស៧មករា ត្រើយខាងកើត ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
រាជធានីភ្នំពេញ ៖ បុរសបែកថ្នាំម្នាក់ ជិះម៉ូតូទៅដឹកសង្សារចេញពីធ្វើការ តែដោយសារប្រើប្រាស់ថ្នាំញៀនលើសចំណុះ បានជិះម៉ូតូផ្តួលចោលនៅលើស្ពានអាកាស៧មករា រួចហើយរត់គ្រវីទង់ជាតិ ស្រែកឡូឡាបង្កឲ្យមានការភ្ញាក់ផ្អើលកាលពីវេលាម៉ោង០២និង៣០នាទី រំលងអធ្រាត្រឈានចូល ថ្ងៃទី១៥ ខែមិថុនា ឆ្នាំ២០១៧ ត្រង់ចំណុចខាងលើស្ពានអាកាស៧មករា ត្រើយខាងកើត ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញមានម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០០៦ ពណ៌ខ្មៅ ពាក់ស្លាកលេខ តាកែវ ១C-៦១១៥ បើកបរដោយបុរសម្នាក់ តាមបណ្តោយផ្លូវសហព័ន្ធស្ស៉ី ក្នុងទិសដៅពីលិចទៅកើត លុះមកដល់ចំណុចកើតហេតុ ក៏បានផ្តួលម៉ូតូចោលកណ្តាលផ្លូវ នៅគល់ស្ពានអាកាស៧មករាត្រើយខាងកើត រួចធ្វើសកម្មភាពកាន់ទង់ជាតិរត់គ្រវី និងស្រែកឡូឡាពេញដងផ្លូវ ។ បើតាមសម្តីបុរសខាងលើទាំងសភាពបែកថ្នាំ បានឲ្យដឹងថារូបគេមានឈ្មោះ យិន សូរិយា អាយុ២០ឆ្នាំ មុខរបរមិនពិតប្រាកដ ស្នាក់នៅភូមិកាកាប សង្កាត់កាកាប ខណ្ឌពោធិ៍សែនជ័យ រូបគេទើបតែជក់គ្រឿងញៀនអស់ចំនួនដប់ដុល្លារគ្នាបួននាក់ រួចក៏ជិះម៉ូតូចេញមកបំណងទៅយកសង្សារនៅម្តុំបាបារាំង តែពេលជិះមកដល់ចំណុចកើតហេតុម៉ូតូរបស់គេ ក៏បានធ្លាក់ច្រវាក់ទើបគេផ្តួលចោលតែម្តងទៅ ។
ក្រោយពេលកើតហេតុដោយម៉ូតូជនបែកថ្នាំខាងលើធ្លាក់ច្រវាក់មិនអាចជិះបាន ទើបសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលទឹកល្អក់ទី១ ដោយឡែកបុរសបែកថ្នាំខាងលើត្រូវបានសមត្ថកិច្ចដឹកទៅផ្ទុះវិញ រងចាំព្រឹកស្អែកមកយកត្រលប់ទៅវិញ ៕
ចែករំលែកព័តមាននេះ