ភ្លើងឆេះផ្ទះ អ្នកជិតខាងភ័.យផងយំផង គិតថា៤នាក់ជាប់ក្នុងផ្ទះមិនរស់ តែពួកគេប្រើវិធីម្យ៉ាងគេចពីគ្រោះថ្នាក់
- ភ្នំពេញ
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយបានកើតឡើង បន្ទាប់ពីផ្ទះបងប្អូនប្រជាពលរដ្ឋ
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយបានកើតឡើង បន្ទាប់ពីផ្ទះបងប្អូនប្រជាពលរដ្ឋ មួយកន្លែង រួម និងសម្ភារៈនៅក្នុងផ្ទះ ត្រូវអគ្គីភ័យលេបត្របាក់អស់ទាំងស្រុង កាលពីវេលាម៉ោង ៣ទៀបភ្លឺថ្ងៃទី១៨ ខែធ្នូ ឆ្នាំ២០២២ ស្ថិតនៅតាមផ្លូវ៩៣ ភូមិឬស្សីកែវ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ។
ម្ចាស់ផ្ទះរងគ្រោះឈ្មោះ សែន សេងហ៊ាន ភេទប្រុស អាយុ៥៣ឆ្នាំ មុខរបរលាងម៉ូតូ ។ ផ្ទះមួយខ្នងដែលត្រូវអគ្គិភ័យឆាបឆេះខាងលើជាប្រភេទសំណង់ថ្មក្រោម ឈើលើ មានទំហំ៩ម៉ែត្រគុណ១២ម៉ែត្រ ។ចំពោះមូលហេតុដែលបណ្តាលឲ្យមានការឆាបឆេះ សមត្ថកិច្ចកំពុងបន្តការស្រាវជ្រាវ ។ ចំពោះសម្ភារៈ ខូចខាត រួមមាន ផ្ទះថ្មក្រោមឈើលើទំហំ៩ម៉ែត្រគុណ១២ម៉ែត្រ ត្រូវភ្លើងឆេះអស់ទាំងស្រុង រួមទាំងម៉ូតូចំនួន២គ្រឿង ម៉ូតូកង់បីឥណ្ឌាចំនួន១គ្រឿង សម្ភារៈប្រើប្រាស់អស់មួយចំនួន និងរាលដាលដល់ផ្ទះថ្មក្រោម ឈើលើចំនួន២ខ្នងផ្ទះ។
យោងតាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញភ្លើងឆេះចេញពីផ្ទះកើតហេតុនៅក្នុងមួយនៅជាន់លើ បង្កការភ្ញាក់ផ្អើលដល់ប្រជាពលរដ្ឋបាននាំគ្នាយកទឹកពន្លត់ រួមទាំងបំពង់ពន្លត់អគ្គិភ័យបាញ់ពន្លត់ ទប់ស្កាត់ និងបានរាយការណ៍ផ្តល់ដំណឹងទៅកាន់សមត្ថកិច្ចមូលដ្ឋានភ្លាមៗផងដែរ។ តែដោយសារភ្លើងឆេះរាលដាលលឿនមិនអាចគ្រប់គ្រង បានម្ចាស់ផ្ទះ និងអ្នកស្នាក់នៅក្នុងបន្ទប់ជួលបាននាំគ្នារត់យកព្រះអាយុរៀងៗខ្លួន ។ ភ្លាមៗនោះសមត្ថកិច្ចមូលដ្ឋានបានសុំជំនួយពីរថយន្តពន្លត់អគ្គិភ័យ ដើម្បីជួយអន្តរាគមន៍បាញ់ពន្លត់ជាបន្ទាន់។ ប៉ុន្មាននាទីក្រោយមក គេបានឃើញរថយន្តពន្លត់អគ្គិភ័យរបស់ការិយាល័យនគរបាលបង្ការពន្លត់អគ្គិភ័យនិងសង្គ្រោះ បានចេញមកអន្តរាគមន៍ជាបន្តបន្ទាប់។
សូមរម្លឹកថា នៅក្នុងហេតុការណ៍នេះ ប្រជាពលរដ្ឋដែលរស់នៅតំបន់កើតហេតុបានប្រាប់អ្នកសារព័ត៌មានអោយដឹងថា មានមនុស្សចាស់ក្មេងប្រមាណ៤នាក់ ជាប់នៅខាងក្នុងផ្ទះកើតហេតុពេលភ្លើងកំពុងឆេះយ៉ាងសន្ធោសន្ធៅ ។ ដោយសារភ្លើងឆេះ ពួកគាត់ភ័.យផងយំផង គិតថាអ្នកនៅខាងក្នុងមិនរស់នោះទេ។ ប៉ុន្តែក្រោយពេលកើតហេតុ សមត្ថកិច្ចជំនាញបានអោយដឹងថា មនុស្សទាំង៣នោះបានរួចផុតពីគ្រោះថ្នាក់ជីវិត ដោយភាពវ័យឆ្លាត និងស្មារតីរឹងមាំ គឺពួកគាត់បានទម្លាយស័ង្កសីនៅផ្នែកខាងលើដំបូល រួចតោងគ្នាឡើងម្នាក់មួយដងចេញទៅផ្នែកខាងក្រោយនៃផ្ទះកើតហេតុ នៅ ក្នុងនោះក៏មានដូនចាស់ម្នាក់ផងដែរ។
ក្នុងប្រតិបត្តិការពន្លត់អគ្គីភ័យខាងលើ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យចំនួន១៩គ្រឿង ប្រើប្រាស់ទឹកអស់ចំនួន១៩រថយន្ត និងរថយន្តទីក្រុងជ្រោយចង្វារចំនួន៦គ្រឿង ប្រើប្រាស់ទឹកអស់ចំនួន៦រថយន្ត ។ រថយន្តពន្លត់អគ្គិភ័យរបស់ទីក្រុងកោះពេជ្រចំនួន២គ្រឿង ប្រើប្រាស់ទឹកអស់ចំនួន២ រថយន្ត ។ រថយន្តពន្លត់អគ្គិភ័យរបស់ក្រុមហ៊ុនស្រាបៀរចំនួន១គ្រឿង ប្រើប្រាស់ទឹកអស់ចំនួន១រថយន្ត ។ ប្រតិបត្តិការពន្លត់បានបញ្ចប់នៅវេលាម៉ោង៤និង៤០នាទីទៀបភ្លឺ នាថ្ងៃខែឆ្នាំដដែល ៕
ចែករំលែកព័តមាននេះ