អ្នកជិតខាងធុំក្លិនស្អុយ ក៏នាំគ្នាទៅមើល ឃើញម្ចាស់ផ្ទះ ផ្អើលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ ស្ត្រីជនជាតិវៀតណាមវ័យចំណាស់ម្នាក់បានស្លា.ប់នៅក្នុងបន្ទប់ទឹករហូតហើមស្អុយ
រាជធានីភ្នំពេញ ៖ ស្ត្រីជនជាតិវៀតណាមវ័យចំណាស់ម្នាក់បានស្លា.ប់នៅក្នុងបន្ទប់ទឹករហូតហើមស្អុយទើបត្រូវបានអ្នកជិតខាងដឹង រួចរាយកាណ៍ជូននគរបាលឲ្យចុះទៅពិនិត្យមើល និងធ្វើកោសល្យវិច័យ ហើយនៅក្បែរសាកស.ពរបស់ស្ត្រីរូបនោះក៏មានសាកស.ពសត្វឆ្កែ២ក្បាលផងដែរ។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោង២និង៣០នាទីរសៀលថ្ងៃទី១៥ ខែធ្នូ ឆ្នាំ២០២២ នៅក្នុងផ្ទះជួលមួយកន្លែង ស្ថិតនៅក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យរាជធានីភ្នំពេញ។
ស្ត្រីចំណាស់រូបនោះឈ្មោះសុខ វណ្ណា អាយុ៧៤ឆ្នាំ ជនជាតិវៀតណាម ស្នាក់នៅក្នុងផ្ទះជួលកើតហេតុខាងលើ ។
បើតាមអ្នករស់នៅជិតខាងនោះបាននិយាយថា ពុំមាននរណាបានដឹងថា ស្ត្រីជនជាតិវៀតណាមដែលស្លា.ប់នោះមានសាច់ញាតិដែរឬអត់នោះទេ ប៉ុន្តែគេឃើញតែស្ត្រីរងគ្រោះស្នាក់នៅផ្ទះជួលខាងលើតែម្នាក់ឯងប៉ុណ្ណោះ ។ ក្រៅពីនេះគាត់បានចិញ្ចឹមសត្វឆ្កែចំនួន៤ក្បាលផងដែរ ហើយរយៈពេលជិត១ខែកន្លងមកហើយពុំដែលឃើញគាត់ចេញក្រៅបន្ទប់ឡើយ ។
តាមប្រភពដដែលបានប្រាប់ឲ្យដឹងបន្តទៀតថា ដោយឡែកនៅវេលារសៀលថ្ងៃកើតហេតុ មានធុំក្លិនស្អុយចម្លែកចេញពីក្នុងផ្ទះរបស់គាត់ ដែលជាហេតុធ្វើឲ្យមានការសង្ស័យយ៉ាងខ្លាំង ទើបពួកគាត់ដែលជាអ្នកជិតខាងបាននាំគ្នាទៅមើល ហើយបានឃើញតែឆ្កែ២ក្បាលកំពុងព្រុស មិនបានឃើញស្ត្រីរូបនោះឡើយ ។ បន្ទាប់មកពួកគាត់ក៏បានរាយការណ៍ជូននគរបាលប៉ុស្តិ៍ចោមចៅទី៣ ឲ្យចុះទៅពិនិត្យមើលស្រាប់តែឃើញស្ត្រីរូបនេះដេលស្លា.ប់ក្បែរបន្ទប់ទឹកមានសភាពហើមស្អុយ ហើយឆ្កែរបស់ស្ត្រីរងគ្រោះចំនួន២ក្បាលក៏បានងា.ប់នៅជិតនោះដែរ។
ក្រោយពេលកើតហេតុ នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋានរាជធានីភ្នំពេញរួមជាមួយគ្រូពេទ្យតុលាការបានចុះទៅធ្វើកោសល្យវិច័យ ប៉ុន្តែនៅពុំទាន់បញ្ជាក់ប្រាប់ឲ្យដឹងថា ស្ត្រីខាងលើស្លា.ប់ ព្រោះតែមូលហេតុអ្វីនៅឡើយទេ៕
ចែករំលែកព័តមាននេះ