បុរសម្នាក់ជិះម៉ូតូឆ្លងស្តុបផ្សារមាន់អាំង ជួបគ្រោះអកុសលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ បុរសម្នាក់បានស្លា.ប់ពេលបញ្ជូនទៅសង្គ្រោះនៅមន្ទីរពេទ្យ បន្ទាប់ពីជិះម៉ូតូ MSX
រាជធានីភ្នំពេញ ៖ បុរសម្នាក់បានស្លា.ប់ពេលបញ្ជូនទៅសង្គ្រោះនៅមន្ទីរពេទ្យ បន្ទាប់ពីជិះម៉ូតូ MSX
រាជធានីភ្នំពេញ ៖ បុរសម្នាក់បានស្លា.ប់ពេលបញ្ជូនទៅសង្គ្រោះនៅមន្ទីរពេទ្យ បន្ទាប់ពីជិះម៉ូតូ MSXមួយគ្រឿងឆ្លងកាត់ស្តុបបំបែកជា៤ រួចត្រូវរថយន្តមួយគ្រឿងបុ.កពេញទំហឹង ហើយព្យាយាមបើកគេចខ្លួនបាត់ស្រមោល កាលពីវេលាម៉ោង១១និង៥០នាទីយប់ ថ្ងៃទី១៣ ខែធ្នូ ឆ្នាំ២០២២ ត្រង់ចំណុចស្តុបផ្សារមាន់អាំង តាមបណ្ដោយផ្លូវ៣១៥កែងនឹងផ្លូវ៥៩២ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
ជនរងគ្រោះឈ្មោះ ឆាត តឿយ ភេទប្រុស អាយុ២៣ឆ្នាំ មានស្រុកកំណើតនៅឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញបុរសរងគ្រោះជិះម៉ូតូមួយគ្រឿងម៉ាក MSX ពណ៌ខៀវ ពាក់ស្លាកលេខ ភ្នំពេញ 1GK-6053 ធ្វើដំណើរតាមបណ្ដោយផ្លូវ៥៩២ ទិសដៅពីកើតទៅលិច លុះមកដល់ចំណុចកើតហេតុម៉ូតូនោះក៏បានជិះឆ្លងកាត់ស្តុប ស្រាប់តែមានរថយន្តមួយគ្រឿងមិនចាំម៉ាកធ្វើដំណើរតាមបណ្ដោយផ្លូវ៣១៥ ទិសដៅពីជើងទៅត្បូង និងក្នុងល្បឿនយ៉ាងលឿន ។ រួចក៏ជ្រុលទៅបុ.កម៉ូតូពេញទំហឹង បណ្តាលឲ្យបុរសរងគ្រោះរងរបួសធ្ងន់ធ្ងរ និងម៉ូតូបានរងការខូចខាតយ៉ាងដំណំ ចំណែកឯរថយន្តបានបន្ថែមល្បឿនបើកគេចខ្លួនបាត់ស្រមោលដោយសុវត្ថិភាព។
បន្ទាប់មកក៏រថយន្តរបស់គ្លីនិកឯកជនសម្ភពពន្លឺបានមកដឹកយកជនរងគ្រោះទៅសង្គ្រោះ តែជាអកុសល ខណៈពេលដែលដឹកបានពាក់កណ្តាលផ្លូវជនរងគ្រោះបានស្លា.ប់បាត់ទៅហើយ។
ក្រោយពេលកើតហេតុ សមត្ថកិច្ចមូលដ្ឋាននិងសមត្ថកិច្ចជំនាញក៏បានចុះធ្វើការវាស់វែងយកម៉ូតូជនរងគ្រោះទៅរក្សាទុកនៅអធិការដ្ឋាននគរបាលខណ្ឌទួលគោក។ ចំណែកឯស.ពជនរងគ្រោះត្រូវសមត្ថកិច្ចប្រគល់ឲ្យទៅក្រុមគ្រួសារដឹកយកទៅធ្វើបុណ្យទៅឯខេត្តបន្ទាយមានជ័យ ដែលជាស្រុកកំណើត៕
ចែករំលែកព័តមាននេះ