ការប៉ះពាល់ទៅនឹងសារធាតុគីមីនៅក្នុងសាប៊ូ និងរបស់ក្មេងលេងអំឡុងពេលកុមារភាពអាចបង្កឱ្យមានការប៉ះពាល់យ៉ាងធ្ងន់ដល់ការអភិវឌ្ឍខួរក្បាលរបស់កុមារ ។ នេះបើតាមការស្រាវជ្រាវថ្មីមួយបានបង្ហាញ ។
ចំណែកឯក្មេងស្រីដែលមានកម្រិតសារធាតុគីមីមួយចំនួនដែលគេស្គាល់ថា phthalates ក្នុងឈាមរបស់ពួកគេខ្ពស់អាចធ្វើឱ្យមានការថយចុះកម្រិតនៃអ៊័រម៉ូនទីរ៉ូអុីត ។ នេះបើតាមការសិក្សាមួយបានរកឃើញ ។ អ្នកនិពន្ធសិក្សាលោក Pam Factor-Litvak នៃសាកលវិទ្យាល័យ Columbiaបាននិយាយថា«ក្រពេញទីរ៉ូអុីតដើរតួនាទីក្នុងការគ្រប់គ្រងការអភិវឌ្ឍខួរក្បាល ។
ការស្រាវជ្រាវពីមុនបានបង្ហាញថាផលិតផលរហូតដល់ទៅ៧០% ដែលយើងលាបលើស្បែករបស់យើងត្រូវបានស្រូបចូលទៅក្នុងចរន្ដឈាម ហើយស្បែកក្បាលរបស់យើងមានអត្រាស្រូបយកខ្ពស់បំផុតជាងកន្លែងផ្សេងទៀតនៅលើរាងកាយរបស់យើង ។
សារធាតុ phthalates ត្រូវបានគេគិតថា អាចមានតួនាទីដូចអ៊័រម៉ូនដែរ ជាពិសេសអ៊័រម៉ូនអឺស្ត្រូសែន ដែលនាំឱ្យមានការរំខានអ៊័រម៉ូនជំរុញឱ្យមានជំងឺផ្សេងៗ ។ ឪពុកម្តាយដែលមានកូនតូចគួរតចៀសវាងការប្រើផលិតផលដែលមានសារធាតុ phthalates ដូចជាសាប៊ូកក់សក់ ថ្នាំក្រចក និងកម្រាលប្លាស្ទិក ។
នៅក្នុងការស្រាវជ្រាវនេះការរំខានដល់អ៊័រម៉ូនទីរ៉ូអីុតមិនបានកើតមានឡើងក្នុងកម្រិតដូចគ្នាចំពោះក្មេងប្រុសនោះទេ ប្រហែលមកពីការស្រាវជ្រាវកន្លងមកបានបង្ហាញថាសារធាតុ phthalatesមានតួនាទីដូចគ្នាតែជាមួយនឹងអ៊័រម៉ូនអឺស្ត្រូសែនប៉ុណ្ណោះ ។
ការស្រាវជ្រាវពីមុនបានបង្ហាញថាការប៉ះពាល់សារធាតុ phthalates នៅពេលមានផ្ទៃពោះមានការទាក់ទងទៅនឹងការថយចុះIQជំងឺហឺត បញ្ហាផ្លូវចិត្តនិងការអភិវឌ្ឍចលនារបស់កូនក្មេង ៕
ចែករំលែកព័តមាននេះ