នៅក្មេងល្ហក់មិនគួរណាធ្វើរឿងបែបហ្នឹង..!
ខេត្តប៉ៃលិន ៖ មានក្រុមក្មេងស្ទាវដែលតែងតែធ្វើសកម្មភាពដើរគាស់ផ្ទះប្រជាពលរដ្ឋហើយលួចយកទ្រព្យសម្បត្តិ
ខេត្តប៉ៃលិន ៖ មានក្រុមក្មេងស្ទាវដែលតែងតែធ្វើសកម្មភាពដើរគាស់ផ្ទះប្រជាពលរដ្ឋហើយលួចយកទ្រព្យសម្បត្តិ និងរំខានដល់ការរស់នៅរបស់ប្រជាពលរដ្ឋក្នុងភូមិត្រូវបានប្រជាពលរដ្ឋដឹងទាន់ក៏បិទទ្វារពីខាងក្រៅរួចរាយការណ៍ និងចាប់បញ្ជូនឲ្យសមត្ថកិច្ច ខណៈកំពុងតែលួចគាស់ទ្វាររបងចូលបំរុងលួចយកទ្រព្យសម្បត្តិបន្តទៀត ។ ហេតុការណ៍នេះបានកើតឡើងកាលពីវេលាម៉ោង៣និង១៥នាទីទាបភ្លឺឈានចូលថ្ងៃទី២៨ ខែឧសភា ឆ្នាំ២០១៧ ស្ថិតនៅចំណុចសំបុកចាប ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីលោក ឆម វ៉ាន់ធី នាយការិយាល័យនគរបាលព្រហ្មទណ្ឌកំរិតធ្ងន់ និងជាប្រធានក្រុមបង្ក្រាបនៃស្នងការនគរបាលខេត្តប៉ៃលិនបានឲ្យដឹងថា ក្រោយពីមានសេចក្តីរាយការណ៍ពីប្រជាពលរដ្ឋកម្លាំងរបស់លោកក៏ចុះទៅដល់ទីតាំង និងបានឃាត់ខ្លួនជនសង្ស័យចំនួន២នាក់ទី១-ឈ្មោះ ប៊ី មករា ភេទប្រុស អាយុ១៦ឆ្នាំ រស់នៅផ្សារព្រំ និងទី២- ឈ្មោះ ម៉ី គឹមសៀង ភេទប្រុស អាយុ១៦ឆ្នាំ រស់នៅភូមិ អូរឈើក្រំ ឃុំស្ទឹងកាច់ ស្រុក សាលាក្រៅ ទាំ២នាក់សុទ្ធតែមិនមានមុខរបរអ្វីនោះឡើយ ។ ប្រភពបន្តទៀតថា ចំណែកជនរងគ្រោះឈ្មោះ ស ភេទស្រី អាយុ៥៤ឆ្នាំ រស់នៅផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រជាពលរដ្ឋរស់នៅក្នុងភូមិខាងលើបានឱ្យដឹងថា ក្មេងទាងពីរនាក់ខាងលើតែងតែធ្វើសកម្មភាពដើរលួចទ្រព្យសម្បត្តិប្រជាពលរដ្ឋជារៀងរាល់យប់លុះដល់ថ្ងៃកើតហេតុ ខណៈម្ចាស់ឃើញទាន់ពេលក៏ប្តឹងនគរបាលឱ្យចាប់ឃាត់ខ្លួនតែម្តង ៕
ចែករំលែកព័តមាននេះ