ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់​បទ «​ទឹកភ្នែក​ជីដូន​កាកី​» លាតត្រដាង​ការ​ពិត​នៅ​ពី​ការ​បាត់​ខ្លួន​ពី​វិ​ថី​សិល្បៈ

1 ខែ មុន
  • ភ្នំពេញ

ពុក​ម៉ែ បងប្អូន​ប្រិ​យ​មិត្ត អ្នក​តាម​ប្រាកដជា​ធ្លាប់​បាន​ស្គាល់​ហើយ ម្ចាស់​បទ «​ទឹកភ្នែក​ជីដូន​កាកី​» នោះ​គឺ​អ្នក​នាង ម៉ៅ ស៊ី​ណាត ដែល​ជា​តារាចម្រៀង​ស្រី​សំឡេង​ធ្ងន់ និង​និយម​ចូល​ចិត្ត​ច្រៀង​ត្រាប់​តាម​សំនៀង​ម្ចាស់​បទ​ដើម​អ្នកស្រី

រាជធានី​ភ្នំពេញ ៖ ពុក​ម៉ែ បងប្អូន​ប្រិ​យ​មិត្ត អ្នក​តាម​ប្រាកដជា​ធ្លាប់​បាន​ស្គាល់​ហើយ ម្ចាស់​បទ «​ទឹកភ្នែក​ជីដូន​កាកី​» នោះ​គឺ​អ្នក​នាង ម៉ៅ ស៊ី​ណាត ដែល​ជា​តារាចម្រៀង​ស្រី​សំឡេង​ធ្ងន់ និង​និយម​ចូល​ចិត្ត​ច្រៀង​ត្រាប់​តាម​សំនៀង​ម្ចាស់​បទ​ដើម​អ្នកស្រី ប៉ែន រ៉​ន ដែល​បាន​បាត់​មុខ​ពី​វិ​ថី​សិល្បៈ​មួយ​រយៈពេល​ធំ ដោយ​មិនដឹង​មូលហេតុ​។

Picture

បើ​ទោះបីជា អ្នក​នាង​ហាក់​បាត់​មុខ បាត់​សម្លេង​ពី​វិស័យ​ចម្រៀង​ក្តី តែ​បទ​ចម្រៀង​ជា​ច្រើន​បទ​របស់​អ្នក​នាង​នៅ​តែ​ទទួល​បានការ​គាំទ្រ​។ ប្រាកដ​ណាស់ ទោះបីជា​ឃ្លាតឆ្ងាយ​ពី​សិល្បៈ​ក៏​ពិតមែន តែ​អ្នក​នាង​នៅ​តែ​មានកេរ្តិ៍ឈ្មោះ​បោះ​សម្លេង ហើយ​អ្នកគាំទ្រ​ក៏​ចង់​ដឹង​ពី​សុខទុក្ខ​អ្នក​នាង​ផង​ដែរ​។

ថ្មី​នេះ​ៗ អ្នក​នាង ម៉ៅ ស៊ី​ណាត តារាចម្រៀង​ដែល​មាន​ទឹកដម​សម្លេង​ពីរោះ​រណ្តំ និង​មាន​ចង្កេះអង្ក្រង​តូច​ត្រ​ឡឹ​ង​គួរ​ឱ្យ​ខ្នា​ញ់ បាន​លួច​បង្ហើប​នូវ​ហេតុផល​នៅ​ពីក្រោយ​ការ​បាត់​ខ្លួន​ពី​វិស័យ​ចម្រៀង​រយៈពេល​ជាង​៣​ឆ្នាំ​កន្លង​ទៅ​នេះ និង​បង្ហាញ​អារម្មណ៍​ថា ទោះបីជា​កាយ​ឃ្លាតឆ្ងាយ​ពី​សិល្បៈ តែ​អារម្មណ៍​របស់​តារា​រូប​នេះ​តែងតែ​នឹក និង​ដិតដាម​ដក់ចិត្ត​ជាមួយ​សិល្បៈ​ចម្រៀង​ជា​និច្ច​។

Picture

ជាក់ស្តែង ម្ចាស់​សំនៀង​បទ​ចម្រៀង​ដ៏​ល្បី «​ទឹកភ្នែក​ជីដូន​កាកី​» បាន​បង្ហើរ​សំនៀង​យ៉ាង​អន្លង់​អ​ន្លោ​ច អង្រួន​ចិត្ត​អ្នក​ស្តាប់​នឹករលឹក​ដល់​ជីវិត​កាលពី​អតីតកាល​។ ហើយ​នៅ​ក្នុង​វី​ដេ​អូ​ឃ្លី​ប​ដែល​អ្នក​នាង ម៉ៅ ស៊ី​ណាត បាន​បកស្រាយ​នោះ ហាក់ដូចជា​សំនៀង​សូរសៀង​សម្លេង​របស់​តារា​រូប​នេះ នៅ​តែ​ពីរោះ​រណ្តំ​ចិត្ត​អ្នក​ស្តាប់ មិន​មានការ​ប្រែប្រួល​នោះ​ទេ ជា​រួម​គឺ​ទឹកដម​សម្លេង​នៅ​តែ​ពីរោះ និង​បំពេរ​អ្នក​ស្តាប់​ឱ្យ​លង់លក់​ពេល​ចូល​និទ្រា​មួយ​រំពេច​។

Picture

តាម​រយៈ​បទ​សម្ភាសន៍​ជាមួយ​សារព័ត៌មាន​កោះសន្តិភាព អ្នក​នាង ម៉ៅ ស៊ី​ណាត បានឱ្យ​ដឹង​ថា បច្ចុប្បន្ន ពេល​នេះ​គឺ​អ្នក​នាង​មាន​សុខទុក្ខ​ធម្មតា តែ​តារាចម្រៀង​ស្រី​រូប​នេះ​ពោល​ថា អ្នក​នាង​ពិតជា​មាន​ក្តី​នឹករលឹក​អ្នកគាំទ្រ​ជា​ខ្លាំង​ផង​ដែរ​។

តារា​ស្រី​វ័យ​៤៣​រូប​នេះ បាន​បន្ត​ថា អ្នក​នាង​បាន​ឃ្លាតឆ្ងាយ​ពី​ដែន​សិល្បៈ​ក៏​ពិតមែន ក៏​ប៉ុន្តែ​អ្នក​នាង​នៅ​តែ​នឹករលឹក​អ្នកគាំទ្រ​ជា​ពន់ពេក​កន្លង ទើប​អ្នកស្រី​បង្ហើរ​សំនៀង​ជា​ថ្មី ដោយ​ហាក់ដូចជា​គាស់​អារម្មណ៍​របស់​អ្នកគាំទ្រ​តាមរ​រយៈ​បទ «​ទឹកភ្នែក​ជីដូន​កាកី​» អោយ​បាន​ងើបឡើង​វិញ និង​បាន​ស្តាប់​នូវ​បទ​មួយ​នេះ​ម្តងទៀត​។

Picture

ជា​ការ​ពិត​ណាស់ អ្នក​នាង ម៉ៅ ស៊ី​ណាត ដែល​មាន​ទីកន្លែង​កំណើត​នៅ​រាជធានី​ភ្នំពេញ បាន​បន្ត​ថា កាល​ចូល​សិល្បៈ​របស់​អ្នកស្រី គិត​ចាប់​មក​ដល់​ពេល​បច្ចុប្បន្ន​នេះ គឺ​រយៈពេល​ខ្ទង់​២០​ឆ្នាំ​ហើយ ដែល​អ្នកស្រី​បាន​ប្រ​ឡូង​ក្នុង​សិល្បៈ​។ ចំណែក​មូលហេតុ​ដែល​អ្នកស្រី​បាន​បាត់​មុខ​ពី​វិ​ថី​សិល្បៈ​អស់​រយៈពេល​យូរ​ឆ្នាំ​នេះ គឺ​ដោយសារ​អ្នកស្រី​បាន​ចាប់​យក​អាជីព​ជា​អ្នកលក់​សម្លៀក​បំពាក់​នៅ​ផ្សារ​អូ​ឡាំ​ពេជ្រ​រយៈពេល​៣​ឆ្នាំ​មក​ហើយ​។ ប៉ុន្តែ​ទន្ទឹម​នឹង​លក់ដូរ​រយៈពេល​៣​ឆ្នាំ​កន្លង​ទៅ​នេះ គឺ​ពុំ​សូវ​ជា​កាក់កប់​សម្រាប់​អ្នកស្រី​ឡើយ ដោយ​អាច​និយាយ​បាន​ថា ការ​លក់ដូរ ដូច​ជាមួយ​ថ្ងៃ​កាត់ មួយ​ថ្ងៃកោរ ដោយ​លក់​អោយ​តែ​ថ្លៃ​ឈ្នួល​តូប​គេ​តែ​ប៉ុណ្ណោះ​។ ដូច្នេះ​អ្នក​នាង ម៉ៅ ស៊ី​ណាត ក៏​សម្រេចចិត្ត​ឈប់​លក់​សម្លៀង​បំពាក់​នេះ​ហើយ​។

Picture

តារាចម្រៀង​ដែល​នៅ​មាន​សម្រស់​ស្រស់​សោភា​រូប​នេះ​បាន​បន្ត​ថា កាលពី​អំឡុង​កូ​វី​ដ​-១៩ អ្នក​នាង លក់​ពុំ​សូវ​ជា​ដាច់​នោះ​ទេ ដូច្នេះ​អ្នក​នាង​បាន​រិះរក​មធ្យោបាយ​លក់​សម្លៀង​បំពាក់​តាម​រថយន្ត​វិញ ដោយ​កាលនោះ​ជា​ពេល​ផ្ទុះ​ការ​ឆ្លង​កូ​វី​ដ​-១៩ ខ្លាំង ដូច្នេះ​មិនសូវ​ជា​មាន​មនុស្ស​ទិញ ទើប​អ្នក​នាង ក៏​ដូច​ជា អា​ជីករ​ផ្សេង​ទៀត សម្រេចចិត្ត​លក់​សម្លៀក​បំពាក់​តាម​រថយន្ត ដោយ​ធ្វើ​អោយ​អ្នកគាំទ្រ​ផ្ទុះ​ការ​កើត​សរសើរ​ពី​ការ​តស៊ូ​របស់​អ្នក​នាង​ផង​ដែរ ។

បើ​ទាក់ទង​ជាមួយ​កាយវិការ​វិញ អាច​និយាយ​បាន​ថា តារា​ស្រី​ស្រុក​ខ្មែរ មាន​តែ​អ្នកស្រី ម៉ៅ ស៊ី​ណាត តែ​ប៉ុណ្ណោះ ដែល​មាន​ស្ទា​យ​កាយវិការ​ខុស​គេ ហើយ​ក៏​មាន​មហាជន​ជា​ច្រើន​ដែល​ស្រឡាញ់ និង​ចូល​ចិត្ត​អ្នកស្រី​ជា​ខ្លាំង​តាម​រយៈ​កាយវិការ​មួយ​នេះ​ផង​ដែរ​។

Picture

ទន្ទឹម​នឹង​ការ​គាំទ្រ អ្នកស្រី​បាន​បន្ត​ថា តាម​រយៈពេល​កាយវិការ​នេះ អ្នកស្រី​ក៏​ទទួល​រង​ការ​រិះគន់​យ៉ាង​ចាស់ដៃ​ផង​ដែរ ពី​សំណាក់​មហាជន​មួយ​ចំនួន​តូច​។ ជា​ចុង​ក្រោយ​តារា​ស្រី​កាយវិការ​បាន​រូប​នេះ បាន​ជូនពរ​ទៅ​កាន់​មហាជន​អោយ​ជួប​តែ​សំណាងល្អ សុខភាព​ល្អ ជា​ពិសេស​ចៀស​ឆ្ងាយ​ពី​អ្វី​ដែល​មិនល្អ និង​មួយទៀត តារា​ស្រី​រូប​នេះ បាន​សូម​សំណូមពរ​ទៅ​កាន់​មហាជន សូម​ប្រើ​ភាសា​គោរព​គ្នា​ទៅ​វិញ​ទៅ​មក និង​អោយ​តម្លៃ​មនុស្ស​ជុំវិញ​ខ្លួន ចៀសវាង​ការ​ប្រើ​ភាសា​មិនល្អ ឬ​ជា​ការ​ជាន់ពន្លិច​អ្នក​ដទៃ ព្រោះ​មនុស្ស​ម្នាក់​ៗ​សុទ្ធតែ​មាន​តម្លៃ​របស់​គេ​រៀង​ៗ​ខ្លួន​។ យ៉ាងណាមិញ អ្នក​នាង ម៉ៅ ស៊ី​ណាត បង្ហើប​ថា អ្នក​នាង​ក៏​មាន​បំណង​ចង់​វិល​ចូល​សិល្បៈ​វិញ​ផង​ដែរ​៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023