បុរសម្នាក់ធ្វើឱ្យសមត្ថកិច្ចនិយាយលែងចេញដោយសារតែ…
រាជធានីភ្នំពេញ ៖ បុរសវ័យកណ្តាលម្នាក់ផឹកស្រាអស់២ដបស្រវឹងស្រាជិះម៉ូតូទៅស្រែកជេរសមត្ថកិច្ចចរាចរណ៍ដែលប្រចាំការណ៍គោលដៅរួម
រាជធានីភ្នំពេញ ៖ បុរសវ័យកណ្តាលម្នាក់ផឹកស្រាអស់២ដបស្រវឹងស្រាជិះម៉ូតូទៅស្រែកជេរសមត្ថកិច្ចចរាចរណ៍ដែលប្រចាំការណ៍គោលដៅរួម
រាជធានីភ្នំពេញ ៖ បុរសវ័យកណ្តាលម្នាក់ផឹកស្រាអស់២ដបស្រវឹងស្រាជិះម៉ូតូទៅស្រែកជេរសមត្ថកិច្ចចរាចរណ៍ដែលប្រចាំការណ៍គោលដៅរួមហើយជេរប្រមាថលោកមេប៉ុស្តិ៍ជ័យជំនះត្រូវសមត្ថកិច្ចឃាត់ខ្លួនយកទៅសាលាខណ្ឌដូនពេញដោយឱ្យគាត់សំរាកកុំឱ្យស្រែកជរគេឯងទៀត ហេតុការណ៍នេះបង្កបានកើតឡើងកាលពីវេលាម៉ោង៩និង៤០នាទីយប់ថ្ងៃទី២៤ ខែឧសភា ឆ្នាំ២០១៧ តាមបណ្តោយផ្លូវ២១៤ នៅចំណុចជិតសាលារៀនចតុមុខ ស្ថិតជ័យជំនះ ខណ្ឌដូនពេញ ។
តាមសម្តីរបស់បុរសដែលស្រវឹងស្រាហើយស្រែកឡូឡាមានឈ្មោះ សុង រិត អាយុ៤០ឆ្នាំ មុខរបរជាអ្នកលក់កាសែតនៅមុខផ្សារដើមគរ ស្នាក់នៅផ្ទះជួលគ្មានលេខ សង្កាត់បឹងសាឡាង ខណ្ឌទួលគោក មានស្រុកកំណើតនៅឃុំថ្មពួក ស្រុកកញ្ជៀច ខេត្តព្រៃវែង បានឱ្យដឹងថា មុនពេលកើតហេតុរូបគាត់បានចេញពីផ្ទះម៉ោងជិត៧យប់ហើយជិះម៉ូតូម៉ាកវ៉េវ ពណ៌ខ្មៅ ពាក់ស្លាកលេខភ្នំពេញ 1BN-0166 បានជិះទៅជួបមិត្តភក្តិនៅក្រោយព្រះបរមរាជវាំងហើយបបួលមិត្តភក្តិ៣នាក់ទៀតអង្គុយផឹក លុះពេលដែលផឹកអស់ស្រាអាលិចហ្សង់វីស្គីអស់២ដបស្រវឹងស្រារៀងៗខ្លួនក៏មិនដឹងថា គាត់និយាយអីខុស និងទាស់សំដីជាមួយនរណាម្នាក់នោះទេត្រូវគេព្រួតវាយហើយរត់គេចខ្លួនអស់ ។
ភ្លាមៗនោះគាត់ក៏បានទៅដាក់ពាក្យប្តឹងនៅប៉ុស្តិ៍នគរបាលចតុមុខ ប៉ុន្តែខាងប៉ុស្តិ៍ចតុមុខបានប្រាប់ថា ទៅប្តឹងនៅប៉ុស្តិ៍ជ័យជំនះទៅពីព្រោះកើតហេតុនៅខាងក្រោយព្រះបរមរាជវាំងមិនមែនទឹកដីរបស់គាត់នោះទេធ្វើឲ្យគាត់ខឹងបានជេរនៅប៉ុស្តិ៍ចតុមុខមិនអស់ចិត្តបានជិះម៉ូតូទៅគោលដៅចរាចរណ៍ដែលនៅជិតក្រោយព្រះបរមរាជវាំងធ្វើឱ្យផ្អើលគេឯង ថែមទាំងជេរប្រមាថលោកមេប៉ុស្តិ៍ជ័យជំនះទៀតផងទើបសមត្ថកិច្ចធ្វើការឃាត់ខ្លួនគាត់យកទៅសាលាខណ្ឌដូនពេញ លុះពេលមកដល់សាលាខណ្ឌហើយគាត់មិនព្រមនៅស្ងៀម និងសំរាកនោះទេ ក៏ស្រែកឡូឡាអួតអាងទៀត ទើបសមត្ថកិច្ចយកប្រដាប់វាស់ជាតិអាកុលមកវាស់ជាតិអាកុល ប៉ុន្តែគាត់មិនព្រមឲ្យវាស់ឡើយធ្វើឱ្យសមត្ថកិច្ចនិយាយលេងចេញ ។ ក្រោយពេលកើតហេតុសមត្ថកិច្ចធ្វើការណែនាំគាត់អស់រយៈពេលជិត១ម៉ោង និងលួងលោមឱ្យគាត់សំរាកកុំឱ្យស្រែកជេរតាមផ្លូវរំខាងដល់គេឯងទៀត ៕
ចែករំលែកព័តមាននេះ