ភ្នំពេញ៖ នៅល្ងាចថ្ងៃទី៣០ ខែវិច្ឆិកា ឆ្នាំ២០២២ សម្តេចតេជោ នាយករដ្ឋមន្ត្រី ហ៊ុន សែន បាន​ផ្ញើសារជូនជនរួមជាតិ អំពីជោគជ័យ និងមោទកភាពរបស់កម្ពុជា ក្នុងការដាក់ «គុនល្បុក្កតោ» ក្នុងបញ្ជីបេតិកភណ្ឌពិភពលោក កាលពីថ្ងៃទី២៩ ខែវិច្ឆិកា​។

តាមសម្តេចតេជោ នេះគឺជាមោទកភាពថ្មីមួយបន្ថែមទៀត នាចុងអាណត្តិទី៦ នៃរាជរដ្ឋាភិបាល​ សម្រាប់​ប្រជាជនយើងទាំងក្នុង និងក្រៅប្រទេស ក៏ដូចជា សម្រាប់ប្រជាពលរដ្ឋ​នានា នៅក្នុងតំបន់ និងពិភពលោកផងដែរ​។ ការចុះបញ្ជីនេះ បានផ្តល់​ទាំងតម្លៃ ទន្ទឹមគ្នានឹងកាតព្វកិច្ចចំពោះ​កម្ពុជា និងសហគមន៍អន្តរជាតិ ក្នុងកិច្ចសហប្រតិបត្តិការ​រួមគ្នា​ក្នុងការថែរក្សា ការពារក្បាច់​គុនបុរាណ​ខ្មែរ​ដ៏​កម្រមិនអាចកាត់ថ្លៃ​បាន ទុកជាកេរ្តិ៍មរតក​ សម្រាប់​មនុស្សជាតិជំនាន់ក្រោយតរៀងទៅ​។