ចិនចាត់វិធានការបង្ក្រាបលើបាតុកម្មកំពុងផ្ទុះឡើងទូទាំងប្រទេស
ចិន ៖ ចិនបានចាត់វិធានការយ៉ាងលឿនដើម្បីបង្ក្រាបបាតុកម្មដែលបានផ្ទុះឡើងនៅទូទាំងប្រទេស
ចិន ៖ ចិនបានចាត់វិធានការយ៉ាងលឿនដើម្បីបង្ក្រាបបាតុកម្មដែលបានផ្ទុះឡើងនៅទូទាំងប្រទេសកាលពីចុងសប្តាហ៍កន្លងទៅនេះ ដោយធ្វើការដាក់ពង្រាយកងកម្លាំងប៉ូលិសនៅកន្លែងតវ៉ាសំខាន់ៗ និងរឹតបន្តឹងការត្រួតពិនិត្យតាមអ៊ីនធឺណេត។ គួររំលឹកថា ផ្ទុះការតវ៉ាជុំវិញពិភពលោកប្រឆាំងវិធានការបិទខ្ទប់ និងរឹតត្បិតសេរីភាពរបស់ចិន
ការតវ៉ាកើតឡើងដោយសារតែមានការខឹងសម្បឹងលើការរឹតបន្តឹងគោលនយោបាយសូន្យកូវីដ (zero-COVID) ប៉ុន្តែដោយសារតែចំនួនអ្នកតវ៉ាកើនឡើងកាន់តែច្រើននៅបាតុកម្មក្នុងទីក្រុងធំៗជាច្រើន ដូច្នេះក៏មានអ្នកខ្លះអំពាវនាវឱ្យមានលទ្ធិប្រជាធិបតេយ្យ និងសេរីភាពប្រសើរជាងមុន។
ក្នុងចំណោមអ្នកតវ៉ារាប់ពាននាក់ មានរាប់រយនាក់បានអំពាវនាវឱ្យដកប្រធានាធិបតីចិន Xi Jinping ចេញពីតំណែង។
ការតវ៉ាបង្កឡើងដោយសារបញ្ហាអភ្គិភ័យឆាបឆេះអគារស្នាក់នៅមួយខ្នងកាលពីថ្ងៃព្រហស្បតិ៍សប្តាហ៍មុននៅក្នុងទីក្រុង Urumqi នៃតំបន់ Xinjiang បណ្តាលឱ្យមនុស្សយ៉ាងតិច ១០នាក់ស្លា.ប់។ ជនរងគ្រោះជាប់នៅក្នុងអគារស្នាក់ ដោយវិធានរឹតបន្តឹងកូវីដបានពន្យារពេលរបស់ក្រុមពន្លត់អគ្គិភ័យទៅជួយជនរងគ្រោះ។
រហូតមកដល់ពេលនេះ សារព័ត៌មាន CNN បានធ្វើការអះអាងថាមានការតវ៉ា ២០កន្លែងកើតឡើងនៅទូទាំងទីក្រុងចំនួន ១៥របស់ចិន រួមមាននៅប៉េកាំង (Beijing) និងសៀងហៃ (Shanhai)៕ (យោងតាមប្រភព៖ CNN)
ចែករំលែកព័តមាននេះ