ផ្ទុះការតវ៉ាជុំវិញពិភពលោកប្រឆាំងវិធានការបិទខ្ទប់ និងរឹតត្បិតសេរីភាពរបស់ចិន
ចិន ៖ ការតវ៉ាប្រឆាំងនឹងគោលនយោបាយសូន្យកូវីដដ៏តឹងរ៉ឹងរបស់ចិន និងការរឹតបន្តឹងលើសេរី
ចិន ៖ ការតវ៉ាប្រឆាំងនឹងគោលនយោបាយសូន្យកូវីដដ៏តឹងរ៉ឹងរបស់ចិន និងការរឹតបន្តឹងលើសេរី
ចិន ៖ ការតវ៉ាប្រឆាំងនឹងគោលនយោបាយសូន្យកូវីដដ៏តឹងរ៉ឹងរបស់ចិន និងការរឹតបន្តឹងលើសេរីភាពបានរីករាលដាលដល់ទីក្រុងជាច្រើនជុំវិញពិភពលោក។ នេះជាការបង្ហាញពីសាមគ្គីភាពដ៏កម្រប្រឆាំងនៅក្នុងប្រទេសចិនកាលពីចុងសប្តាហ៍។
ក្រុមអ្នកប្រឆាំង និងនិស្សិតជាច្រើនបានធ្វើពិធីកំដរ និងតវ៉ានៅក្នុងទីក្រុងជាច្រើនជុំវិញពិភពលោករួមមានទីក្រុង London, Paris, Tokyo និង Sydney។
ទីភ្នាក់ងារសារព៏ត៌មាន Reuters ចុះផ្សាយថា ក្នុងករណីជាច្រើន មនុស្សរាប់សិបនាក់បានចូលរួមការតវ៉ា ទោះបីការតវ៉ាខ្លះមានមនុស្សជាង ១០០នាក់ចូលរួមក្តី។
ការជួបជុំគ្នានេះជារឿងដ៏កម្រមួយដែលដែលប្រជាជនចិនបានរួបរួមគ្នាដោយកំហឹងនៅក្នុងប្រទេស និងនៅក្រៅប្រទេស។
ការតវ៉ានៅក្នុងប្រទេសចិនកើតឡើងបន្ទាប់ពីមានអគ្គិភ័យនៅក្នុងតំបន់ Xinjiang កាលពីសប្តាហ៍មុនដែលបានសម្លា.ប់មនុស្ស ១០នាក់ ដោយពួកគេទាំងនោះជាប់នៅក្នុងអគារស្នាក់នៅ។ អ្នកតវ៉ានិយាយថា វិធានការបិទខ្ទប់ជាមូលហេតុធ្វើឱ្យមានការស្លា.ប់នោះ ទោះបីមន្ត្រីចិនបដិសេធក៏ដោយ។
កាលពីល្ងាចថ្ងៃចន្ទម្សិលមិញនេះ អ្នកតវ៉ារាប់សិបនាក់បានប្រមូលផ្តុំគ្នានៅក្នុងសង្កាត់ពាណិជ្ជកម្មកណ្តាលនៃទីក្រុងហុងកុង។
ប្រជាជនហុងកុងវ័យ ៥០ឆ្នាំម្នាក់និយាយថា «ខ្ញុំគិតថានេះជាសិទ្ធិធម្មតារបស់មនុស្សក្នុងការបញ្ចេញមតិ។ ខ្ញុំគិតថាពួកគេមិនគួរគាបសង្កត់សិទ្ធិបែបនេះទេ»។
និស្សិតជាច្រើនក៏បានប្រមូលផ្តុំគ្នានៅបរិវេណសកលវិទ្យាល័យចិននៃទីក្រុងហុងកុងផងដែរ ដើម្បីកាន់ទុក្ខដល់អ្នកដែលបានស្លា.ប់នៅក្នុងហេតុការណ៍អគ្គិភ័យនៅក្នុងតំបន់ Xinjiang។
ក្រុមប្រឹក្សាសន្តិសុខជាតិរបស់សេតវិមានបាននិយាយនៅក្នុងសេចក្តីថ្លែងការណ៍មួយថា សហរដ្ឋអាមេរិកជឿជាក់ថាវានឹងពិបាកសម្រាប់ចិនក្នុងការ «គ្រប់គ្រងមេរោគនេះតាមរយៈយុទ្ធសាស្ត្រសូន្យរបស់ពួកគេ»។
សេចក្តីប្រកាសនិយាយថា «មនុស្សគ្រប់រូបមានសិទ្ធិតវ៉ាដោយសន្តិវិធី នៅទីនេះក្នុងសហរដ្ឋអាមេរិក និងជុំវិញ ពិភពលោក»។
ចំណែកអ្នកនាំពាក្យការិយាល័យសិទ្ធិមនុស្សអង្គការសហប្រជាជាតិលោក Jeremy Laurence បានជំរុញឱ្យអាជ្ញាធរធ្វើការឆ្លើយតបទៅនឹងការតវ៉ាឱ្យស្របតាមច្បាប់ និងស្តង់ដារសិទ្ធិមនុស្សអន្តរជាតិ៕ (យោងតាមប្រភព៖ Reuters)
ចែករំលែកព័តមាននេះ