ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ ២ភូមិ ផ្ទុះកំហឹង លើកគ្នា មកដក​បង្គោល​បេតុង ដែល​ក្រុមហ៊ុនរ៉ូយ៉ាល់រេលវេ បិទផ្លូវ មិនឱ្យឆ្លងកាត់​ផ្លូវ​រថភ្លើង

2 ខែ មុន
  • ភ្នំពេញ

រាជធានីភ្នំពេញ៖ ប្រជាពលរដ្ឋ ២ភូមិ គឺភូមិព្រៃសាលា និងភូមិចំការឪឡឹក សង្កាត់កាកាបទី២ បានផ្ទុះកំហឹងយ៉ាងខ្លាំង ដោយនាំគ្នា ដកបង្គោលបេតុង ដែលក្រុមហ៊ុនរ៉ូយ៉ាលរេលវេ…

រាជធានីភ្នំពេញ៖ ប្រជាពលរដ្ឋ ២ភូមិ គឺភូមិព្រៃសាលា និងភូមិចំការឪឡឹក សង្កាត់កាកាបទី២ បានផ្ទុះកំហឹងយ៉ាងខ្លាំង ដោយនាំគ្នា ដកបង្គោលបេតុង ដែលក្រុមហ៊ុនរ៉ូយ៉ាលរេលវេ បោះបិទផ្លូវ​ចេញចូលភូមិរបស់ពួកគាត់ ដែលធ្លាប់ធ្វើដំណើរឆ្លងកាត់ផ្លូវរថភ្លើង ជាយូរមកហើយ។

ការតវ៉ានេះ បានផ្ទុះឡើង កាលពីវេលាម៉ោងប្រមាណ ៤ និង ៣០នាទីរសៀល ថ្ងៃទី២៥ ខែ​វិច្ឆិកា ឆ្នាំ២០២២ នៅចំណុចរថភ្លើង ដែលស្ថិតនៅក្នុងភូមិព្រៃសាលា សង្កាត់កាកាបទី២ ខណ្ឌពោធិ៍​សែនជ័យ រាជធានីភ្នំពេញ។

ប្រជាពលរដ្ឋ បានអោយដឹងថា កំណាត់ផ្លូវលំឆ្លងកាត់ផ្លូវរថភ្លើងនេះ ត្រូវបានប្រជាពលរដ្ឋ ប្រមាណជាង ២០០គ្រួសារ រស់នៅភូមិចំការឪឡឹក (ខាងក្រោយវត្តតាំងក្រសាំងខាងជើង) និងភូមិព្រៃសាលា បានធ្វើដំណើរឆ្លងកាត់ចេញចូលជាយូរមកហើយ។

ព័ត៌មានអោយដឹងទៀត នៅព្រឹកថ្ងៃទី២៥ ខែ​វិច្ឆិកា ឆ្នាំ​២០២២នេះ មិនដឹងមូលហេតុអ្វីនោះទេ ស្រាប់តែខាងក្រុមហ៊ុនរ៉ូយ៉ាល់រេលវេ បានយកកំណាត់សសរថ្ម ចំនួន ៦ដើម ទៅជីកដាំ បិទផ្លូវ មិនអោយរថយន្តចេញចូលឆ្លងកាត់ផ្លូវរថភ្លើងទៅវិញ​។

ប្រជាពលរដ្ឋ មានការងឿងឆ្ងល់ថា ចំណុចឆ្លងកាត់ផ្លូវដែកនោះ ជាគម្រោងផ្លូវចូលរួមជា​កម្មសិទ្ធិ​សាធារណៈ ហេតុអ្វី បានសុខៗ នាំគ្នាទៅវិញ? តើអោយពួកគាត់ចេញចូលរថយន្តតាមផ្លូវណា? ទន្ទឹមនោះ ប្រជាពលរដ្ឋទាំង ២ភូមិ ក៏ផ្ទុះប្រតិកម្ម និងមានកំហឹងយ៉ាងខ្លាំង ហើយក៏​បាននាំគ្នាជួប​ប្រមូលផ្តុំ នៅវេលារសៀល ហើយដកបង្គោលនោះចេញវិញ​តែម្តង។

ប្រជាពលរដ្ឋ ក៏​បានសំណូមពរ ដល់រដ្ឋបាលរាជធានីភ្នំពេញ មេត្តាជួយត្រួតពិនិត្យក្រុមហ៊ុន ផ្លូវដែកផង កុំចេះតែដើរបិទផ្លូវបែបនេះ។ បើសិនចំណុចឆ្លងកាត់ផ្លូវដែកនោះ វាអាចបង្កគ្រោះថ្នាក់ ក៏ក្រុមហ៊ុន គួររៀបចំដាក់ប៉ារ៉ាស់ ដើម្បីបញ្ចៀសគ្រោះថ្នាក់ ប្រសើរជាងបិទផ្លូវ មិនអោយ​ប្រជាពលរដ្ឋ ដែល​ធ្លាប់​ធ្វើដំណើរតាមផ្លូវនោះ មិនអាច​ចេញចូល​រថយន្តបានដូច្នេះ៕ ម៉េង ធា

Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023