ប្រទេសអារ៉ាប៊ីសាអូឌីត ៖ ប្រភពមួយបានប្រាប់សារព័ត៌មាន Reuters កាលពីថ្ងៃពុធថា អារ៉ាប៊ីសាអូឌីត ជាប្រទេសនាំចេញប្រេងធំជាងគេលើពិភពលោក បានជូនដំណឹងដល់ក្រុមហ៊ុនចម្រាញ់ប្រេងអាស៊ី
ប្រទេសអារ៉ាប៊ីសាអូឌីត ៖ ប្រភពមួយបានប្រាប់សារព័ត៌មាន Reuters កាលពីថ្ងៃពុធថា អារ៉ាប៊ីសាអូឌីត ជាប្រទេសនាំចេញប្រេងធំជាងគេលើពិភពលោក បានជូនដំណឹងដល់ក្រុមហ៊ុនចម្រាញ់ប្រេងអាស៊ី ពីការកាត់បន្ថយការផ្គត់ផ្គង់លើកដំបូងរបស់ខ្លួន តាំងពីកិច្ចព្រមព្រៀងបន្ថយផលិតកម្មរបស់អង្គការ OPEC ចូលជាធរមាននៅខែមករា ។
ទោះជាយ៉ាងណា ការជូនដំណឹងពីការកាត់បន្ថយក្នុងខែមិថុនា បានផ្តល់សញ្ញាបន្ថែមដល់ប្រទេសជាសមាជិកអង្គការ OPEC ថា ការកាត់បន្ថយទិន្នផលនេះបានបរាជ័យដើម្បីទប់ស្កាត់ការផ្គត់ផ្គង់ប្រេងឆៅលើសតម្រូវការជាសកល ។
អង្គការ OPEC ពីមុនបានរក្សាការផ្គត់ផ្គង់ដល់អតិថិជននៅក្នុងទីផ្សារអាស៊ីដែលមានកំណើនខ្ពស់ជាលំដាប់ ខណៈកាត់បន្ថយការផ្គត់ផ្គង់នៅអឺរ៉ុប និងសហរដ្ឋអាមេរិក ។
សារព័ត៌មាន Reuters បានរាយការណ៍កាលពីថ្ងៃទី៩ ឧសភាថា ក្រុមហ៊ុន Saudi Aramco គ្រប់គ្រងដោយរដ្ឋ នឹងកាត់បន្ថយការផ្គត់ផ្គង់ប្រេងទៅអតិថិជនអាស៊ីប្រមាណជា៧លានបារ៉ែលក្នុងខែមិថុនា ខណៈរក្សាកិច្ចព្រមព្រៀងផលិត ។
ការនាំចេញប្រេងទៅកាន់ជប៉ុន ជាប្រទេសនាំចូលធំជាងគេទី៤លើពិភពលោកក្នុងរយៈពេល២ថ្ងៃ ស្មើ៧លានបារ៉ែល ។
ក្រុមហ៊ុន Aramco និងក្រុមហ៊ុនផលិតដទៃ ដែលជាធម្មតាជូនដំណឹងប្រចាំខែទៅកាន់រោងចក្រចម្រាញ់ប្រេង និងអ្នកទិញផ្សេងទៀតពីការផ្គត់ផ្គង់ធ្លាក់ចុះ ដោយបញ្ជាក់ពីគោលបំណងរបស់ពួកគេដើម្បីបែងចែកទៅអតិថិជននីមួយៗ។ ជាធម្មតា ពួកគេរក្សាបរិមាណក្នុងកម្រិតឯកភាពគ្នាមុន ប៉ុន្តែពេលខ្លះអាចកាត់បន្ថយ ឬបង្កើនការផ្គត់ផ្គង់ គឺអាស្រ័យលើលក្ខខណ្ឌទីផ្សារ ។
ប្រភពបន្តថា ក្រុមហ៊ុនចម្រាញ់ប្រេងនៅអាស៊ីបានស្នើមុនដើម្បីទទួលបានការផ្គត់ផ្គង់កាន់តែច្រើន ប៉ុន្តែមានការជូនដំណឹងថា ក្រុមហ៊ុនផលិតនឹងកាត់បន្ថយការផ្គត់ផ្គង់ក្នុងខែមិថុនា ។
ប្រទេសចម្រាញ់ប្រេងនៅអាស៊ីទី២ បានទទួលដំណឹងពីការកាត់បន្ថយបរិមាណប្រេងសម្រាប់ខែមិថុនា ដែលមានស្ថិរភាពកាលពីខែមុន ។ នេះបើតាមប្រភពពីឧស្សាហកម្មមួយផ្សេងទៀត ៕
ចែករំលែកព័តមាននេះ