បើសិនជាមិនចង់ឈឺក្បាលជាមួយបញ្ហា «គ្មាន មិនចាកចេញ មិនបង់ប្រាក់» អ្នកត្រូវតែបញ្ជាក់ឲ្យលម្អិតគ្រប់ចំណុចទាំងអស់ដូចខាងក្រោមនេះ ៖
១-ថ្លៃឈ្នួលត្រូវច្បាស់លាស់ ៖
បើសិនជាយឺតយ៉ាវ ត្រូវបង់លើការពិន័យប៉ុន្មាន និងបង់ប្រាក់មិនលើសពីថ្ងៃទីប៉ុន្មាន ដោយបញ្ជាក់ឲ្យបានច្បាស់លាស់ ហើយបើមិនសងរយៈពេលយូរប៉ុនណា ម្ចាស់ផ្ទះជួលនឹងមានសិទ្ធិប្រាប់ផ្អាកកិច្ចសន្យាបាន ។
២-ពេលវេលា ៖
ម្ចាស់ផ្ទះជួលអាចបញ្ជាក់រយៈពេលនៃការជួល ការបន្តកិច្ចសន្យាជួល ឬលក្ខខណ្ឌការផ្អាកកិច្ចសន្យាជួលដូចជា ផ្តល់ដំណឹងជាមុនប៉ុន្មានខែ ។ ក្នុងករណីមិនបញ្ជាក់ពីពេលវេលា អ្នកជួលត្រូវផ្តល់ដំណឹងជាមុន១ខែ តាមចំណុចបង្គាប់នៃច្បាប់ (ថៃ) ។
៣-លក្ខខណ្ឌនៃការជួល ៖
កំណត់ចំនួនអ្នកជួលដើម្បីបង្ការការខូចបង់នានា ។ លក្ខខណ្ឌផ្សេងៗ គួរតែបញ្ជាក់ឲ្យច្បាស់លាស់ដូចជា ការថែមថយ ថ្លៃចំណែកកណ្តាល ថ្លៃទឹក-ភ្លើង រួមទាំងការផ្អាកកិច្ចសន្យាក្នុងករណីណាខ្លះ ។
ប្រសិនជាកើតករណី «គ្មាន មិនចាកចេញ មិនបង់ប្រាក់» ម្ចាស់ផ្ទះជួលគួរបញ្ជាក់នៅក្នុងកិច្ចសន្យាទុកយ៉ាងច្បាស់លាស់ថា ម្ចាស់ផ្ទះអាចចាក់សោទ្វារបន្ទប់ ឬផ្តាច់ទឹក ផ្តាច់ភ្លើងបាន បើអ្នកជួលធ្វើខុសពីកិច្ចសន្យា ដូចជា មិនព្រមរើចេញ ឬមិនបង់ប្រាក់ឈ្នួល ដោយមិនចាត់ទុកថា ជាអំពើខុសច្បាប់លើការបំពានដល់អ្នកជួលទេ ។ ម្យ៉ាងទៀត ក៏ត្រូវកំណត់ឲ្យអ្នកជួលផ្តល់កិច្ចសហការជាមួយម្ចាស់ផ្ទះផងដែរ មុននឹងផ្អាកកិច្ចសន្យា ដោយអនុញ្ញាតឲ្យអ្នកជួលថ្មីអាចចូលមើលបន្ទប់បាន ខណៈកិច្ចសន្យាជួលនៅមិនទាន់គ្រប់កំណត់ ។
លើសពីនេះ គឺបញ្ជាក់ពីការហាមបន្ថែមកូនសោបិទទ្វារមុនទទួលបានការអនុញ្ញាត ហើយបើអាចបន្ថែមកូនសោបាន គឺត្រូវមានកូនសោសម្រាប់ម្ចាស់ផ្ទះផងដែរ ៕
ចែករំលែកព័តមាននេះ