សំដីមេបក្សប្រឆាំងនៅស្រុកអាមេរិក
រាជធានីភ្នំពេញ ៖ មេគណបក្សប្រឆាំងលោក កឹម សុខា បានបង្ហាញពីស្ថានការណ៍នយោបាយទាំងមុន និងក្រោយការបោះឆ្នោត
រាជធានីភ្នំពេញ ៖ មេគណបក្សប្រឆាំងលោក កឹម សុខា បានបង្ហាញពីស្ថានការណ៍នយោបាយទាំងមុន និងក្រោយការបោះឆ្នោតឃុំ សង្កាត់ និងបោះឆ្នោតថ្នាក់ជាតិនៅក្នុងប្រទេសកម្ពុជាខាងមុខនេះ ។ ក្នុងកិច្ចសម្ភាសន៍ជាមួយវិទ្យុវីអូអេក្នុងពេលទស្សនកិច្ចនៅសហរដ្ឋអាមេរិកអស់រយៈជាងមួយសប្តាហ៍លោក កឹម សុខា ប្រធានគណបក្សសង្គ្រោះជាតិបានបញ្ជាក់ថា «បញ្ហាសំខាន់យើង ចង់ឲ្យសហរដ្ឋអាមេរិកចាប់អារម្មណ៍លើស្ថានការណ៍នយោបាយបច្ចុប្បន្ន និងការបោះឆ្នោតឃុំ សង្កាត់ និងបោះឆ្នោតជ្រើសរើសអ្នកតំណាងរាស្ត្រ» ។
លោកបន្តថា ជាទូទៅយើងបានបង្ហាញពីការបោះឆ្នោត និងស្ថានការណ៍នយោបាយនៅកម្ពុជា ប៉ុន្តែសំខាន់នោះជំហរពីរបស់គណបក្សសង្គ្រោះជាតិនៅពេលដឹកនាំប្រទេស ។ បក្សសង្គ្រោះជាតិបានបង្ហាញជំហរពីចំណងមិត្តភាព និងសហប្រតិបត្តិការជាមួយអាមេរិកក៏ដូចជាមួយអន្តរជាតិ ។ លោកបញ្ជាក់ថា «អ្វីដែលយើងត្រូវការពីអាមេរិក គឺមិនមែនតែថ្ងៃបោះឆ្នោតនោះទេ ។ ទាំងបរិយាកាសមុនបោះឆ្នោត ថ្ងៃបោះឆ្នោត និងថ្ងៃក្រោយ ការបោះឆ្នោត ។ មុនបោះឆ្នោតយើងក៏បានប្រាប់ពីការគំរាមកំហែងនានាមកលើយើង» ។ ទាក់ទងនិងការគំរាមកំហែងលោកកឹម សុខាបានអះអាង ថា សហគមន៍អន្តរជាតិបានកំពុងតាមដានយ៉ាងយកចិត្តទុកដាក់ ។ចំណែកគណបក្សសង្គ្រោះជាតិវិញប្រសិនបើមានសង្គ្រាមកើតឡើងដោយករណីណាមួយនោះ លោកនឹងដោះស្រាយដោយសន្តិវិធី ។ លោកបញ្ជាក់ថា«យើងមិនយកកំលាំងបាយ កំលាំងអាវុធមកដោះស្រាយ នោះទេ ប្រជាពលរដ្ឋដឹងហើយ។ បក្សយើងមិនមែនជាអ្នកបាញ់បោះនោះទេ!យើងមិនយកខ្មែរ ជាសត្រូវនោះទេ»។
លោក កឹម សុខា បានជួបសំណេះសំណាលជាមួយសហគមន៍ខ្មែរ ផ្ដោតលើ ស្ថានភាពនយោបាយ និងការបោះឆ្នោតនៅកម្ពុជានាពេលខាងមុខ ជាងច្រើននៅសហរដ្ឋអាមេរិក ។ ទោះយ៉ាងណាក្តីគេមិនទាន់ឃើញលោក កឹម សុខា ប្រធានគណបក្សសង្គ្រោះជាតិ បានជួបជាមួយលោកសម រង្ស៊ីអតីតប្រធានគណបក្សសង្គ្រោះជាតិ ខណៈលោក កឹម សុខា មិនមានគោលបំណងជួបលោក សម រង្ស៊ី នោះទេ ។ យ៉ាងណាក្តីសម្រាប់ការលើកឡើងរបស់ប្រធានគណបក្សប្រឆាំងនេះ មិនទាន់មាន ឆ្លើយតបពីអ្នកនាំពាក្យបក្សកាន់អំណាចលោក សុខ ឥសាននោះទេ ខណៈទូរស័ព្ទទៅគ្មានអ្នកលើក ៕
ចែករំលែកព័តមាននេះ