លោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម បានប្រាប់កោះសន្តិភាពថា កងកម្លាំងនគរបាលស្រុកសូទ្រនិគម ដឹកនាំបញ្ជាផ្ទាល់ដោយរូបលោក បានធ្វើការស្រាវជ្រាវរហូតឈានដល់ឃាត់ខ្លួនជនសង្ស័យចំនួន៣នាក់
ខេត្តសៀមរាប ៖ លោកវរសេនីយ៍ឯក ឃឹម ផល្លា អធិការនគរបាលស្រុកសូទ្រនិគម បានប្រាប់កោះសន្តិភាពថា កងកម្លាំងនគរបាលស្រុកសូទ្រនិគម ដឹកនាំបញ្ជាផ្ទាល់ដោយរូបលោក បានធ្វើការស្រាវជ្រាវរហូតឈានដល់ឃាត់ខ្លួនជនសង្ស័យចំនួន៣នាក់ កាលពីថ្ងៃទី៩ ខែវិចិ្ឆកា ឆ្នាំ២០២២ នៅក្នុងក្រុងសៀមរាប ពីបទវា.យប្លន់យកម៉ូតូ និងដកហូតបានម៉ូតូប្រគល់ឱ្យជនរងគ្រោះវិញ ។
លោកអធិការបន្តថា ជនសង្ស័យដែលត្រូវបានឃាត់ខ្លួនទាំង៣នាក់នេះ មិនត្រូវបានប្រាប់ឈ្មោះឲ្យដឹងទេ ដែលម្នាក់អាយុ១៧ឆ្នាំ នៅភូមិកន្ត្រក សង្កាត់ស្វាយដង្គំ ក្រុងសៀមរាប ម្នាក់ទៀតអាយុ១៨ឆ្នាំ នៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប និងម្នាក់ទៀតអាយុ១៨ឆ្នាំដែរ នៅភូមិសាលាកន្សែង សង្កាត់ស្វាយដង្គំ ។
លោកអធិការបញ្ជាក់ថា ជនសង្ស័យទាំង៣នាក់ខាងលើនេះ ពាក់ព័ន្ធនឹងការប្រើអំពើហិ.ង្សាយកដងពូថៅវា.យជនរងគ្រោះយកម៉ូតូកាលពីថ្ងៃទី២៣ ខែតុលា ឆ្នាំ២០២២ វេលាម៉ោងប្រមាណ៩និង១០នាទីយប់ នៅលើផ្លូវជាតិលេខ៦ ក្នុងភូមិខ្ចាស់ ឃុំខ្ចាស់ ស្រុកសូទ្រនិគម ។
លោកបន្ថែមថា ជនរងគ្រោះជាម្ចាស់ម៉ូតូភេទប្រុស អាយុ២៣ឆ្នាំ មានទីលំនៅភូមិថ្លាត ឃុំខ្ចាស់ ស្រុកសូទ្រនិគម ។ ជាមួយនឹងការចាប់ឃាត់ខ្លួនជនសង្ស័យទាំង៣នាក់ខាងលើនេះ សមត្ថកិច្ចក៏បានដកហូតវត្ថុតាងម៉ូតូ១គ្រឿង ជារបស់ជនរងគ្រោះ និងបានធ្វើកំណត់ហេតុប្រគល់ម៉ូតូឲ្យម្ចាស់យកទៅប្រើប្រាស់វិញរួចហើយ ។
ករណីខាងលើនេះ យើងបានបញ្ជូនជនសង្ស័យទៅកាន់ការិយាល័យជំនាញខេត្ត ដើម្បីកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ