ADផ្ទាំងផ្សព្វផ្សាយពាណិជ្ជកម្ម

Picture

ស្លុតចិត្ត​! ម៉ូតូ​០៣​គ្រឿង​បុក​បន្តបន្ទាប់​គ្នា ធ្វើ​ឱ្យ​មនុស្ស​៥​នាក់​ជួប​គ្រោះ​លើ​ផ្លូវជាតិ​លេខ​៥៩

2 ខែ មុន
  • បន្ទាយមានជ័យ

យ៉ាង​ហោច​ណាស់​មាន​មនុស្ស​២​នាក់​បាន​ស្លា​.​ប់​បាត់បង់​ជីវិត និង​០៣​នាក់​ទៀត រង​របួសធ្ងន់​-​ស្រាល​ក្នុង​ហេតុការណ៍​គ្រោះថ្នាក់​ចរាចរណ៍​រវាង​ម៉ូតូ​០៣​គ្រឿង​បុក​បន្ត​គ្នា បង្ក​ឱ្យ​មានការ

ខេត្តបន្ទាយមានជ័យ ៖ យ៉ាង​ហោច​ណាស់​មាន​មនុស្ស​២​នាក់​បាន​ស្លា​.​ប់​បាត់បង់​ជីវិត និង​០៣​នាក់​ទៀត រង​របួសធ្ងន់​-​ស្រាល​ក្នុង​ហេតុការណ៍​គ្រោះថ្នាក់​ចរាចរណ៍​រវាង​ម៉ូតូ​០៣​គ្រឿង​បុក​បន្ត​គ្នា បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​០៩​និង​១០​នាទី​យប់ ថ្ងៃ​ទី​០៧ ខែវិច្ឆិកា ឆ្នាំ​២០២២ នៅ​លើ​ផ្លូវជាតិ​លេខ​៥៩ ត្រង់​ចំណុច​ចន្លោះ​បង្គោល​គីឡូ​លេខ​៧-៨ ស្ថិត​នៅ​ក្នុងភូមិ​រស្មី​សាមគ្គី សង្កាត់​និមិត្ត ក្រុង​ប៉​ប៉ ខេត្តបន្ទាយមានជ័យ​។

Picture

នគរបាល​បាន​បញ្ជាក់​ថា នៅ​មុន​ពេល​កើតហេតុ មាន​ម៉ូតូ​ហុងដា​ឌ្រី​ម​០១​គ្រឿង បើកបរ​ពី​កើត​ទៅ​លិច បាន​បុក​ជាមួយ​ម៉ូតូ​អ៊ិ​ច​សិន​ទ័​រ ដែល​បើកបរ​ពី​លិចទៅ​កើត​ច្រាសទិស​គ្នា បណ្តាល​អោយ​ដួល បន្ទាប់​មក​មាន​ម៉ូតូ​ម៉ាក​ហុងដា​វ៉េវ​០១​គ្រឿង​ទៀត​បើកបរ​ពី​កើត​ទៅ​លិច ក៏​បាន​ជ្រុល​មក​បុក​បន្ត​គ្នា​ទៀត បណ្តាល​ឱ្យ​មនុស្ស​២​នាក់​បាន​ស្លា​.​ប់ និង​មនុស្ស​៣​នាក់​ទៀត​រង​របួសធ្ងន់​-​ស្រាល​។

នគរបាល​បាន​បន្ត​ថា ក្នុង​ហេតុការណ៍​ខាងលើ​នេះ ម៉ូតូ​ហុងដា​ឌ្រី​ម​ជិះ​គ្នា​០២​នាក់​ស្លា​.​ប់​ទាំង​០២​នាក់ រួម​មាន​៖ ១- ឈ្មោះ ហាក់ ជី​ចា ភេទ​ស្រី អាយុ​១៤​ឆ្នាំ មុខរបរ​សិស្ស រស់នៅ​ភូមិ​សូ​រិ​យា សង្កាត់​និមិត្ត ក្រុង​ប៉ោយ​ប៉ែ​ត ខេត្តបន្ទាយមានជ័យ (​ស្លា​.​ប់​នៅ​កន្លែង​កើតហេតុ​), ២- ឈ្មោះ ផៅ ឃឹម ភេទ​ស្រី អាយុ​១៥​ឆ្នាំ​មុខរបរ​សិស្ស រស់នៅ​ភូមិ​អន្លង់​ស្វាយ សង្កាត់​និមិត្ត ក្រុង​ប៉ោយ​ប៉ែ​ត ខេត្តបន្ទាយមានជ័យ (​ស្លា​.​ប់​នៅ​កន្លែង​កើតហេតុ​)​។

Picture

ប្រភព​ដដែល​បន្ត​ថា ចំណែក​ម៉ូតូ​ម៉ាក​អ៊ិ​ច​សិន​ទ័​រ ជិះ​គ្នា​០២​នាក់​រង​របួសធ្ងន់​ទាំង​០២​នាក់ រួម​មាន ៖ ១-​ឈ្មោះ ដែន ភេទ​ប្រុស អាយុ​២២​ឆ្នាំ មុខរបរ​កម្មករ រស់នៅ​ភូមិ​អូរ​អំពិល សង្កាត់​ទួល​ពង្រ ក្រុង​ប៉ោយ​ប៉ែ​ត ខេត្តបន្ទាយមានជ័យ និង​២- ឈ្មោះ តិក ភេទ​ប្រុស អាយុ​១៩​ឆ្នាំ មុខរបរ​កម្មករ រស់នៅ​ភូមិ​អូរ​អំពិល សង្កាត់​អន្លង់​ស្វាយ ក្រុង​ប៉ោយ​ប៉ែ​ត ខេត្តបន្ទាយមានជ័យ​។ ជន​រង​គ្រោះ​ទាំង​០២​នាក់ ត្រូវ​បាន​រថយន្ត​សង្គ្រោះ​ដឹក​យក​ទៅ​មន្ទីរពេទ្យ​។ ចំណែក​ឯខាង​ម៉ូតូ​វ៉េវ រង​របួសស្រាល​ម្នាក់ មានឈ្មោះ ឃុន នី ភេទ​ប្រុស អាយុ​២២​ឆ្នាំ មុខរបរ​កម្មករ រស់នៅ​ភូមិ​អូរ​អំពិល សង្កាត់​ទួល​ពង្រ ក្រុង​ប៉ោយ​ប៉ែ​ត ខេត្តបន្ទាយមានជ័យ (​រង​របួសស្រាល​) ត្រូវ​បាន​សាច់ញាតិ​ដឹក​យក​ទៅ​ពេទ្យ​។

Picture

នគរបាល​បាន​បញ្ជាក់​ថា ក្នុង​ករណី​គ្រោះថ្នាក់​ចរាចរណ៍​ខាងលើ​នេះ នៅ​មិនដឹង​ពី​មូលហេតុ​នោះ​ទេ គឺ​ស្ថិត​ក្នុង​ការ​ស្រាវជ្រាវ ហើយ​ចំពោះ​វត្ថុ​តាង​ម៉ូតូ​រង​ការ​ខូច​ខូច​ធ្ងន់​ចំនួន​០២​គ្រឿង (​ម៉ាក​ហុងដា​ឌ្រី​ម និង​ម៉ូតូ​អ៊ិ​ច​សិន​ទ័​រ​) ចំណែក​ម៉ូតូ​ម៉ាក​វ៉េវ រង​ការ​ខូចខាត​ស្រាល ហើយ​ត្រូវ​បាន​យក​មក​រក្សា​ទុក​នៅ​ប៉ុស្តិ៍​រដ្ឋបាល​សង្កាត់​និមិត្ត ក្រុង​ប៉ោយ​ប៉ែ​ត ដើម្បី​រង់ចាំ​ធ្វើការ​ស្រាវជ្រាវ​ពី​មូលហេតុ និង​ដោះស្រាយ​នៅ​ពេល​ក្រោយ​៕

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023