ADផ្ទាំងផ្សព្វផ្សាយពាណិជ្ជកម្ម

Picture

ពិធី​ប្រណាំងទូក​រយៈពេល​២​ថ្ងៃ មាន​ភ្ញៀវ​មក​មើល​កំសាន្ត​ប្រមាណ​ជិត​៩​ម៉ឺន​នាក់

2 ខែ មុន
  • ស្វាយរៀង

ពិធី​ប្រណាំងទូក​រយៈពេល​២​ថ្ងៃ​នៅ​ខេត្តបន្ទាយមានជ័យ មាន​ភ្ញៀវ​មក​មើល​កំសាន្ត​ប្រមាណ​ជិត​៩​ម៉ឺន​នាក់ ដែល​ត្រូវ​បាន​បិទ​ការ​ប្រណាំង​នៅ​ល្ងាច​

ខេត្តបន្ទាយមានជ័យ ៖ ពិធី​ប្រណាំងទូក​រយៈពេល​២​ថ្ងៃ​នៅ​ខេត្តបន្ទាយមានជ័យ មាន​ភ្ញៀវ​មក​មើល​កំសាន្ត​ប្រមាណ​ជិត​៩​ម៉ឺន​នាក់ ដែល​ត្រូវ​បាន​បិទ​ការ​ប្រណាំង​នៅ​ល្ងាច​ថ្ងៃ​ទី​០៥ ខែវិច្ឆិកា ឆ្នាំ​២០២២ នៅ​ដងស្ទឹង ក្រោយ​សាកលវិទ្យាល័យ​ជាតិ​មាន​ជ័យ ក្រុង​សិរី​សោភ័ណ​។

Picture

ក្នុង​ពិធី​បិទ​ការ​ប្រណាំងទូក ឯកឧត្តម អ៊ុ​រាត្រី អភិបាល​ខេត្តបន្ទាយមានជ័យ បាន​មាន​ប្រសាសន៍​ថា ប្រណាំងទូក​ខេត្តបន្ទាយមានជ័យ ដើម្បី​អបអរសាទរ​ពិធី​ប្រណាំងទូក​បណ្តែតប្រទីប និង​សំពះ​ព្រះ​អកអំបុក ដែល​បាន​រៀបចំ​ការ​ប្រណាំង​រយៈពេល​២​ថ្ងៃ គឺ​ចាប់ពី​ថ្ងៃ​០៤ ដល់​ថ្ងៃ​ទី​០៥ ខែវិច្ឆិកា ឆ្នាំ​២០២២ ដែល​មាន​ចំនួន​២៦​ទូក មាន​ចំណុះ​៥​នាក់​រហូត​ដល់​៧៥​នាក់ ។

Picture

ឯកឧត្តម​បាន​បញ្ជាក់​ថា លទ្ធផល​ការ​ប្រណាំងទូក​រយៈពេល​២​ថ្ងៃនេះ ទូក​ចំណុះ​៧០​នាក់​ដែល​ជាប់​ចំណាត់ថ្នាក់​លេខ​១ មានឈ្មោះ​ថា «​សុវណ្ណ​រាជសីហ៍​បារមី​បន្ទាយ​មហានគរ​» លេខ​២ បាន​ទៅ​លើ​ទូក​ឈ្មោះ «​មង្គល​បូ​រី​មាន​ជ័យ​បារមី​នាយ​កន​សន្តិភាព​» និង​លេខ​៣ បាន​ទៅ​លើ​ទូក​ឈ្មោះ «​ពិសី​មាន​ជ័យ​បារី​ស្រី​ស្អាត​»​។ ចំណែក​ទូក​ចំណុះ​៤៥​នាក់ លេខ​១ បាន​ទៅ​លើ​ទូក «​តេ​ជោ​សែន​ជ័យ​បារមី​នាគរាជ​» លេខ​២ បាន​ទៅ​លើ​ទូក «​ព្រះ​ពន្លា​មាន​ជ័យស្រី​ក្រឡេក​ញញឹម​»​។

Picture

ឯកឧត្តម​បាន​បញ្ជាក់​ថា រីឯ​ទូក​ចំណុះ​២២​នាក់ លេខ​១ បាន​ទៅ​លើ​ទូក​ឈ្មោះ «​សាមគ្គី​មាន​ជ័យ​បារមី​សារាយអណ្តែត​» លេខ​ទី​២ បាន​ទៅ​លើ​ទូក​ឈ្មោះ «​មហាលាភ​ម៉ៅ​ម៉ា​ល័យ​មាន​ជ័យ​» និង​លេខ​៣ បាន​ទៅ​លើ​ទូក​ឈ្មោះ «​សន្ទុះ​នាគរាជ​សែន​ជ័យ​បារមី​មាន​ឬ​ទ្ធិ​» និង​ទូក​ចំណុះ​៥​នាក់ លេខ​១ បាន​ទៅ​លើ​ទូក​ឈ្មោះ «​កូន​សារាយ​តូច​» លេខ​២ បាន​ទៅ​លើ​ទូក​ឈ្មោះ «​បុប្ផា​ជាយ​ដែន​» និង​លេខ​៣ បាន​ទៅ​លើ​ទូក​ឈ្មោះ «​មច្ឆា​ជ្រែក​ទឹក​»​។

Picture

ឯកឧត្តម កែ គឹ​ម​យ៉ា​ន ឧបនាយករដ្ឋមន្ត្រី និង​ជា​ប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿង​ញៀ​.​ន​បាន​មាន​ប្រសាសន៍​ថា ជា​លទ្ធផល​ការ​ប្រណាំងទូក​ចំណុះ​៤៥​នាក់​មាន​៣​ទូក លេខ​១​ទទួល​បាន​ពាន​១ ទង់​១ ថវិការ​៦​លាន​រៀល​, ចំណាត់ថ្នាក់​លេខ​២ ថវិកា​៥​លាន​រៀល និង​ចំណាត់ថ្នាក់​លេខ​៣ ថវិកា​៤​លាន​រៀល​។ ទូក​ចំណុះ​៤០​នាក់ មាន​២​ទូក លេខ​១ ទទួល​ពាន និង​ទង់​១​។ ទូក​ចំណុះ​២២​នាក់ មាន​១៤​ទូក លេខ​១ ទទួល​បាន​ពាន​១ ទង់​១ ថវិការ​៤​លាន​រៀល​។ ទូក​ចំណុះ​៥​នាក់ មាន​៥​ទូក លេខ​១ ទទួល​បាន​ពាន​១ ទង់​១ ថវិការ​៥​សែន​រៀល​។

Picture

លោក ឈឿ​ន សេរី​វុ​ធ ប្រធាន​មន្ទីរ​ទេសចរណ៍​ខេត្តបន្ទាយមានជ័យ បាន​ប្រាប់​ដែរ​ថា ការ​ប្រណាំងទូក​នៅ​ខេត្តបន្ទាយមានជ័យ គឺ​មាន​រយៈពេល​២​ថ្ងៃ ហើយ​ក៏​មាន​ភ្ញៀវ​មក​មើល​កំសាន្ត​សរុប​ចំនួន ៨៨.៦២១​នាក់ ក្នុង​នោះ​មាន​ភ្ញៀវ​បរទេស​ចំនួន​២១​នាក់ (​នៅ​ថ្ងៃ​ទី​០៤ ខែវិច្ឆិកា ឆ្នាំ​២០២២ មាន​ភ្ញៀវ​មក​មើល​កំសាន្ត​ចំនួន​៣៦.២៤០​នាក់ និង​ថ្ងៃ​ទី​៥ ខែវិច្ឆិកា ឆ្នាំ​២០២២ មាន​ភ្ញៀវ​មក​មើល​កំសាន្ត​ចំនួន​៥២.៣៨១​នាក់​)៕

Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023