ប្តីប្រពន្ធជិះរ៉ឺម៉កម៉ូតូមកពីទិញបន្លែ ត្រូវជនសង្ស័យធ្វើសកម្មភាពផ្អើលមុខមណ្ឌលសុខភាពទឹកថ្លា
- ភ្នំពេញ
រាជធានីភ្នំពេញ ៖ ប្តីប្រពន្ធពីរនាក់ជិះម៉ូតូសណ្តោងរ៉ឺម៉កមកពីទិញបន្លែយកទៅលក់បន្ត ត្រូវបាន
រាជធានីភ្នំពេញ ៖ ប្តីប្រពន្ធពីរនាក់ជិះម៉ូតូសណ្តោងរ៉ឺម៉កមកពីទិញបន្លែយកទៅលក់បន្ត ត្រូវបាន
រាជធានីភ្នំពេញ ៖ ប្តីប្រពន្ធពីរនាក់ជិះម៉ូតូសណ្តោងរ៉ឺម៉កមកពីទិញបន្លែយកទៅលក់បន្ត ត្រូវបានក្រុមជនសង្ស័យធ្វើសកម្មភាពឆ.ក់កាបូបស្ពាយមិនបានសម្រេច បណ្ដាលឲ្យម៉ូតូសណ្តោងរ៉ឺម៉ករេចង្កូតទៅបុករបាំងថ្មពុះចែកទ្រូងផ្លូវធ្លាក់បន្លែពេញផ្លូវ កាលពីវេលាម៉ោង២និង២០នាទីឈានចូលថ្ងៃទី៣ ខែវិច្ឆិកា ឆ្នាំ២០២២ នៅចំណុចខាងមុខមណ្ឌលសុខភាពទឹកថ្លា តាម បណ្ដោយផ្លូវសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
តាមប្រភពពីបុរសជាជនរងគ្រោះបានរៀបរាប់ប្រាប់ឲ្យដឹងថា នៅមុនពេលកើតហេតុ គាត់និងប្រពន្ធ បានជិះម៉ូតូសណ្តោងរ៉ឺម៉កដឹកបន្លែមួយគ្រឿង ដែលពួកគាត់ទើបតែមកពីទិញបន្លែនៅឯផ្សារព្រែកអញ្ចាញ យកទៅលក់បន្តនៅផ្សារជម្ពូវ័ន ដោយបានធ្វើដំណើរតាមបណ្ដោយផ្លូវសហព័ន្ធរុស្ស៊ី ទិសដៅពីកើតទៅលិច។
បុរសរងគ្រោះបានបន្តថា លុះមកដល់ចំណុចកើតហេតុ ក៏ស្រាប់តែលេចមុខជនសង្ស័យចំនួន២នាក់ជិះម៉ូតូ២គ្រឿងមិនចាំម៉ាក ជិះតាមពីក្រោយជនរងគ្រោះ រួចជនសង្ស័យក៏បានធ្វើសកម្មភាពឆ.ក់កាបូបស្ពាយរបស់បុរសរងគ្រោះដែលស្ពាយជាប់នឹងខ្លួន បណ្តាលឲ្យដាច់ខ្សែកាបូបមិនបានសម្រេចធ្វើឲ្យម៉ូតូសណ្តោងរ៉ឺម៉ករបស់ជនរងគ្រោះរេចង្កូតទៅបុ.ករបាំងថ្មពុះចែកទ្រូងផ្លូវធ្លាក់បន្លែពីលើ រ៉ឺម៉ករាយប៉ាយពេញផ្លូវ និងបណ្តាលឲ្យជនរងគ្រោះរងរបួសស្រាល ចំណែកឯជនសង្ស័យក៏បាននាំគ្នាបន្ថែមល្បឿនជិះគេចខ្លួនចេញពីកន្លែងកើតហេតុបាត់ស្រមោលតែម្ដង។
ក្រោយពេលកើតហេតុ ក៏មានសមត្ថកិច្ចមូលដ្ឋានបានចុះមកធ្វើការអន្តរាគមន៍ តែដោយជនរងគ្រោះមិនបានបាត់បង់ទ្រព្យសម្បត្តិនិងប្រញាប់ទៅលក់បន្លែផង ពួកគាត់ក៏បានបន្តដំណើរចេញទៅបាត់ដោយមិនបានទៅដាក់ពាក្យបណ្ដឹងអ្វីនោះទេ ៕
ចែករំលែកព័តមាននេះ