ខ្ចៅស្ងោរសាងស្នេហ៍ បែរជាលោកចោរលួចម៉ូតូទៅបាត់
រាជធានីភ្នំពេញ ៖ បុរសម្នាក់បាននាំសង្សារទៅដើរលេង បន្ទាប់មកបានទៅអង្គុយហូបខ្ចៅស្ងោរ នៅម្ដុំមុខវត្តឧណ្ណាលោមក្នុងភូមិសាស្ត្រ ខណ្ឌដូនពេញ រាជធានីភ្នំពេញ
រាជធានីភ្នំពេញ ៖ បុរសម្នាក់បាននាំសង្សារទៅដើរលេង បន្ទាប់មកបានទៅអង្គុយហូបខ្ចៅស្ងោរ នៅម្ដុំមុខវត្តឧណ្ណាលោមក្នុងភូមិសាស្ត្រ ខណ្ឌដូនពេញ រាជធានីភ្នំពេញ បន្ទាប់មកបានប្រាសខ្លួនដេកលេង ហើយក៏ស្រាប់តែលង់លក់មិនដឹងខ្លួនមួយភាំង ក៏ត្រូវបានចោរធ្វើសកម្មភាពលួចកាច់សោកម៉ូតូ១គ្រឿងជិះគេចខ្លួនទៅបាត់ ចំណែកស្ត្រីជាសង្សារមិនបានដេកទេ ប៉ុន្តែមិនបានដឹងថាត្រូវចោរលួចយកម៉ូតូនោះឡើយ។
ក្រោយពេលកើតហេតុបុរសនោះមិនបានប្ដឹងនគរបាលនៅក្នុងខណ្ឌដូនពេញនោះជួយឡើយ បែរជាធ្វើដំណើរទៅកាន់ប៉ុស្ដិ៍នគរបាលចោមចៅទៅវិញ តែពេលនោះនគរបាលចោមចៅ មិនបានទទួលពាក្យបណ្ដឹងនោះឡើយ និងបានប្រាប់ឲ្យគាត់ទៅប្ដឹងនៅឯខណ្ឌដូនពេញនោះវិញ ព្រោះកើតហេតុនៅទីនោះ។ហេតុការណ៍នោះបានកើតឡើង កាលពីវេលាម៉ោង៣ទាបភ្លឺឈានចូលថ្ងៃទី១៩ ខែមេសា ឆ្នាំ២០១៧ នៅត្រង់ចំណុចមុខវត្តឧណ្ណាលោម ស្ថិតនៅក្នុងខណ្ឌដូនពេញ រាជធានីភ្នំពេញ ហើយរហូតដល់វេលាម៉ោង៤ល្ងាចថ្ងៃដដែល ទើបបុរសនោះបានធ្វើដំណើរទៅកាន់ប៉ុស្ដិ៍ចោមចៅ ខណ្ឌពោធិ៍សែនជ័យ ដើម្បីដាក់ពាក្យបណ្ដឹង។
បុរសដែលជាជនរងគ្រោះឈ្មោះ ម៉ៅ សុភ័ក្ត្រ អាយុ២៥ឆ្នាំ មុខរបរបើកបររថយន្ត ស្នាក់នៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ និងមានស្រុកកំណើតនៅក្នុងភូមិថ្កូវ ឃុំត្រពាំងគង ស្រុកសំរោងទង ខេត្តកំពង់ស្ពឺ។ ចំណែកស្ត្រីដែលជាសង្សារឈ្មោះ ភាព សុជាតិ អាយុ២១ឆ្នាំ មុខរបរកម្មកររោងចក្រកាត់ដេរ ស្នាក់នៅក្នុងភូមិត្រពាំថ្លឹង សង្កាត់ចោមចៅ។ ដោយឡែកម៉ូតូដែលបាត់បង់នោះ ម៉ាកZOOMER-X ពណ៌ទឹកក្រូច ស៊េរីឆ្នាំ២០១៥ ពាក់ស្លាកលេខ ភ្នំពេញ1CC- 2139។
តាមប្រភពព័ត៌មានបានឲ្យដឹងថា នៅមុនពេលកើតហេតុបុរសខាងលើ បានជិះម៉ូតូដឹកសង្សារដើរលេង បន្ទាប់មកបាននាំគ្នាទៅអង្គុយហូបខ្ចៅស្ងោរ នៅមុខវត្តឧណ្ណាលោម បន្ទាប់មកបុរសនោះ បានប្រាស់ខ្លួនដេកលេងទេ ក៏ស្រាប់តែលង់លក់តែម្ដង។ ខណៈនោះស្រាប់តែក្រុមចោរបានចូលទៅធ្វើសកម្ម ភាពលួចកាច់សោកម៉ូតូយកទៅបាត់ស្រមោល ចំណែកឯនាងជាសង្សារមិនបានដេកទេ ប៉ុន្តែមិនដឹងថាយ៉ាងម៉េចទើបអត់ដឹងចោរកាច់សោកម៉ូតូបែបនេះឡើយ។
ក្រោយពេលកើតហេតុ បុរសនោះមិនបានប្ដឹងនគរបាលភ្លាមៗនោះឡើយ រហូតដល់ដល់វេលាម៉ោង៤ល្ងាច ទើបធ្វើដំណើរទៅកាន់ប៉ុស្ដិ៍នគរបាលចោមចៅ ដើម្បីដាក់ពាក្យបណ្ដឹង ប៉ុន្តែដោយសារតែហេតុការណ៍នោះកើតឡើងនៅក្នុងភូមិសាស្ត្រខណ្ឌដូនពេញ ទើបនគរបាលប៉ុស្ដិ៍ចោមចៅ ឲ្យបុរសនោះទៅប្ដឹងនៅខណ្ឌដូនពេញនោះវិញ៕
ចែករំលែកព័តមាននេះ