ខេត្តបន្ទាយមានជ័យ ៖ កម្មករមួយចំនួនបម្រើការងារនៅរោងចក្រ ហាតឌីស្ក ក្នុងភូមិនិងសង្កាត់ផ្សារកណ្តាល ក្រុងប៉ោយប៉ែត បានរងរបួស និងដឹកទៅសង្គ្រោះបន្ទាន់នៅឯមន្ទីរពេទ្យ Emergerncy នៅខេត្តបាត់ដំបង និងមួយចំនួនបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា ជប៉ុនមង្គលបូរី កាលពីម៉ោង៨យប់ ថ្ងៃទីថ្ងៃទី១១ មេសា ២០១៧ ដោយសារធ្លាយធុងហ្គាសឡនៅរោងចក្រហាតឌីស្តិ ធ្វើឲ្យកម្មកររត់ចេញព្រោងព្រាត។
ក្នុងពេលកើតហេតុអាជ្ញាធរ និងសមត្ថកិច្ចជំនាញពាក់ព័ន្ធក្នុងក្រុងបានអន្តរាគមន៍ហៅរថយន្តពន្លត់អគ្គិភ័យចុះទៅកន្លែងកើតហេតុ ប៉ុន្តែត្រូវខាងក្រុមហ៊ុនប្រើឧស្ម័នបាញ់ពន្លត់អគ្គីភ័យបាញ់ពន្លត់ទាន់ពេល។ យ៉ាងណាក៏ដោយគេពុំទាន់ប្រាប់ពីអត្តសញ្ញាណជនរងគ្រោះដែលប្រភពថា យ៉ាងតិចមនុស្ស៥នាក់រងរបួសនៅឡើយទេ ខណៈកន្លែងកើតហេតុអ្នកស្រុកបានចោមរោមមើលយ៉ាងច្រើនកុះករ៕
ចែករំលែកព័តមាននេះ