ខេត្តកំពត ៖ សមត្ថកិច្ចការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តបានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង២៣និង១៥នាទី ថ្ងៃទី២៨ ខែតុលា ឆ្នាំ២០២២ លើផ្លូវជាតិលេខ៣ ត្រង់ចំណុចលើស្ពានព្រែកកំពង់បាយ ស្ថិតក្នុងភូមិទ្វីខាងជើង…
ខេត្តកំពត ៖ សមត្ថកិច្ចការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តបានឲ្យដឹងថា មានករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង២៣និង១៥នាទី ថ្ងៃទី២៨ ខែតុលា ឆ្នាំ២០២២ លើផ្លូវជាតិលេខ៣ ត្រង់ចំណុចលើស្ពានព្រែកកំពង់បាយ ស្ថិតក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពតរវាងរថយន្ត និងម៉ូតូ ដែលមានទិសដៅផ្ទុយគ្នា រួចជ្រុលទៅប៉ះរថយន្តមួយគ្រឿងទៀត បណ្តាលឲ្យមានការខូចខាតរថយន្ត និងម៉ូតូចំនួន៣គ្រឿងនិងស្លា.ប់មនុស្សម្នាក់។
ជាក់ស្តែងទី១- អ្នកបើកបររថយន្តបង្កមានឈ្មោះ ស៊ុយ សុខមុន្នី ភេទប្រុស អាយុ៥២ឆ្នាំ មានទីលំនៅភូមិ១ សង្កាត់អូរចំណារ ក្រុងព្រះសីហនុ ខេត្តព្រះសីហនុ បើកបររថយន្តម៉ាក FORT RANGER RAPTOR ពណ៌ស ពាក់ផ្លាកលេខ ភ្នំពេញ 2BX-1019 មានទិសដៅពីលិចទៅកើត មកដល់ត្រង់ចំណុចលើស្ពានព្រែកកំពង់បាយ បានបុកជាមួយម៉ូតូមួយគ្រឿង ដែលមានទិសដៅផ្ទុយគ្នា ចំពីមុខផ្នែកខាងឆ្វេងនៃរថយន្តរួចបានបន្តជ្រុលទៅកៀររថយន្តមួយគ្រឿងទៀតដែលមានទិសដៅផ្ទុយគ្នាបណ្តាលឲ្យមានការខូចខាតយានយន្តធ្ងន់២គ្រឿង និងស្រាល១គ្រឿង។
២-អ្នកបើកបរម៉ូតូឈ្មោះ ជ្រើង វ៉ូញើ ភេទប្រុស អាយុ២៨ឆ្នាំ ស្នាក់នៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត បើកបរម៉ូតូម៉ាក HONDA DREAM ពណ៌ខ្មៅ ពាក់ផ្លាកលេខ ភ្នំពេញ 1BN-2465 មានទិសដៅពីកើតទៅលិច បណ្តាលឲ្យស្លា.ប់ភ្លាមៗនៅកន្លែងកើតហេតុ។
៣-អ្នកបើកបររថយន្តឈ្មោះ លឹម សម្បត្តិ ភេទប្រុស អាយុ៣៨ឆ្នាំ មានទីលំនៅភូមិត្រពាំងរពៅ សង្កាត់ព្រែកត្នោត ក្រុងបូកគោ ខេត្តកំពត បើកបររថយន្តម៉ាក TOYOTA PRUIS ពណ៌ខ្មៅ ពាក់ផ្លាកលេខ ភ្នំពេញ 2BN-8342 មានទិសដៅពីកើតទៅលិច។
ចំពោះករណីខាងលើនេះដែរបណ្តាលឲ្យមនុស្សស្លា.ប់ចំនួន០១នាក់ រថយន្តខូចខាតកម្រិតធ្ងន់ចំនួន ០១ គ្រឿង ម៉ូតូខូចខាតកម្រិតធ្ងន់ចំនួន០១ គ្រឿង រថយន្តខូចខាតកម្រិតស្រាលចំនួន០១គ្រឿង។
ចំណែកស.ពដែលបានស្លា.ប់ខាងលើប្រគល់ជូនសាច់ញាតិយកទៅធ្វើបុណ្យតាមប្រពៃណី ។ រីឯអ្នកបើកបររថយន្តបង្កឈ្មោះ ស៊ុយ សុខមុន្នី ត្រូវបានសមត្ថកិច្ចឃាត់ខ្លួន ដើម្បីសាកសួរ និងកសាងសំណុំរឿងបញ្ជូនទៅតុលាការចាត់ការតាមនីតិវិធី ។
ចំណែកវត្ថុតាងរួមមានរថយន្តចំនួន០២គ្រឿង និងម៉ូតូចំនួន០១គ្រឿង បានយកមករក្សាទុកនៅការិយាល័យនគរបាលចរាចរណ៍ផ្លូវគោក៕
ចែករំលែកព័តមាននេះ