ខេត្តសៀមរាប ៖ ប្តីប្រពន្ធបានឈ្លោះប្រកែកគ្នាតែងដើរចោលផ្ទះ ខណៈឃើញកូនប្រុសក្តៅខ្លួនស្មានតែផ្តាសាយបន្តិចបន្តួចមិនស្មានថា ខ្លាំងរហូតដល់ប្រកាច់ ហើយមិនព្រមយកទៅពេទ្យទៀត បណ្តាលឱ្យស្លា.ប់ទាំងកណ្តាលយប់ បង្កការភ្ញាក់ផ្អើលដល់សមត្ថកិច្ចចុះមកសួរនាំ។
ប្រភពព័ត៌ពីប្រជាពលរដ្ឋកន្លែងកើតហេតុបានឱ្យដឹងទាំងយប់ថា ទារកអាយុ៨ខែម្នាក់បានស្លា.ប់បាត់បង់ជីវិតបានកើតឡើងនៅម៉ោង២០និង០០នាទីយប់ ថ្ងៃទី២៨ ខែតុលា ឆ្នាំ ២០២២ នៅក្នុងផ្ទះដីឡូតិ៍មួយកន្លែង ក្នុងភូមិកន្ត្រក សង្កាត់ស្វាយដង្គំ ក្រុងសៀមរាប។
ប្រជាពលរដ្ឋបន្តថា ទារករងគ្រោះនេះជាកូននៅក្នុងគ្រួសារទីទាល់ក្រមួយ ដែលបានឈឺប៉ុន្មានថ្ងៃហើយ និងដោយសារតែឪពុកម្តាយគ្មានលទ្ធភាព ព្រមទាំងឈ្មោះប្រកែកគ្នាជារៀងរាល់ថ្ងៃផងទើបធ្វើឱ្យកូនស្លា.ប់បែបនេះ។
ប្រភពពីសមត្ថកិច្ចមូលដ្ឋានបានប្រាប់ឱ្យដឹងនៅរសៀលថ្ងៃទី២៩ ខែតុលាឆ្នាំ២០២២នេះថា បន្ទាប់ពីមានឈ្មោះ រស់ ប៊ុនវ័ន្ត ភេទប្រុស ជាមេភូមិកន្ត្រក បានរាយការណ៍មកលោកនាយប៉ុស្តិ៍ស្វាយដង្គំថា មានករណីទារកស្លា.ប់មិនដឹងមូលហេតុ។
ក្រោយពីទទួលបានព័ត៌មានភ្លាម លោកនាយប៉ុស្តិ៍បានដឹកនាំកម្លាំងចុះទៅដល់ផ្ទះស.ពក្នុងភូមិកន្ត្រក សង្កាត់ស្វាយដង្គំ ក្រុង-ខេត្តសៀមរាប សហការណ៍ជាមួយកម្លាំងព្រហ្មទណ្ឌក្រុង ត្រួតពិនិត្យស.ព និងសួរនាំម្តាយស.ពឈ្មោះ រឿន ស្រីណា អាយុ៣៧ឆ្នាំ មុខរបរនៅផ្ទះ និងប្តីឈ្មោះ ហឿល ហាន់ អាយុ៣៧ឆ្នាំ មុខរបរអ្នកដាក់អន្ទាក់សត្វ ស្ថិតនៅក្នុងភូមិកន្ត្រក សង្កាត់ស្វាយដង្គំ ក្រុងសៀមរាប ហើយទារកដែលស្លា.ប់ឈ្មោះ ហាន់ កោប ភេទប្រុស អាយុ៨ខែ ស្លា.ប់ដោយសារឈឺគ្រុន ផ្តាសាយ រាគផង ក្អួតផង ប្រាំថ្ងៃហើយ មិនបានយកទៅពេទ្យទេ ព្រោះគិតថាឈឺធម្មតា។
ប្រភពពីសមត្ថកិច្ច បានបញ្ជាក់ថា បន្ទាប់ពីសួរនាំម្តាយ (ស.ព) ទារក រួចមក កម្លាំងយើងបានប្រគល់ឱ្យម្តាយយកទៅបញ្ចុះនៅវត្តចកតាមប្រពៃណី។
សូមបញ្ជាក់ថា ក្រុមគ្រួសារមួយគូនេះតែងតែឈ្លោះប្រកែកគ្នាជារៀងរាល់ថ្ងៃឱ្យ តែឈ្លោះគ្នាម្តងប្តីតែងតែដើរចោលផ្ទះសម្បែង បាត់២ទៅ៣យប់ ទើបត្រឡប់មកវិញ ហើយត្រូវគ្នាដដែលធ្វើឱ្យអ្នកជិតខាងលែងរវល់៕
ចែករំលែកព័តមាននេះ