ជង់មិនភ្លេចកុកទេ បក្សពួកចោរ AK គេចខ្លួនបាន4ឆ្នាំ
រាជធានីភ្នំពេញ ៖ បក្សពួកក្រុមចោរប្លន់ប្រដាប់អាវុធ AK ម្នាក់ ដែលបានរត់គេចខ្លួនតាំងពីឆ្នាំ២០១៣ មក នៅល្ងាចថ្ងៃទី៨ មេសា ត្រូវបានកម្លាំងសមត្ថកិច្ចនគរបាល
រាជធានីភ្នំពេញ ៖ បក្សពួកក្រុមចោរប្លន់ប្រដាប់អាវុធ AK ម្នាក់ ដែលបានរត់គេចខ្លួនតាំងពីឆ្នាំ២០១៣ មក នៅល្ងាចថ្ងៃទី៨ មេសា ត្រូវបានកម្លាំងសមត្ថកិច្ចនគរបាល
រាជធានីភ្នំពេញ ៖ បក្សពួកក្រុមចោរប្លន់ប្រដាប់អាវុធ AK ម្នាក់ ដែលបានរត់គេចខ្លួនតាំងពីឆ្នាំ២០១៣ មក នៅល្ងាចថ្ងៃទី៨ មេសា ត្រូវបានកម្លាំងសមត្ថកិច្ចនគរបាលខេត្តកំពង់ចាម សហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃ ស្នងការដ្ឋាននគរបាលរាជធានីភ្នំពេញ និងនគរបាលខណ្ឌសែនសុខចាប់ខ្លួន និងនាំទៅទទួលទោសនៅខេត្តកំពង់ចាមជាកន្លែងដែលបុគ្គលម្នាក់នេះបានចូលរួមសកម្មភាពប្លន់ ប្រដាប់អាវុធ ។
បក្សពួកក្រុមចោរប្លន់ AK ម្នាក់ដែលចាប់ខ្លួននេះឈ្មោះ ញ៉ែម យី ភេទប្រុស អាយុ៤៥ឆ្នាំ មានស្រុកកំណើតនៅភូមិអង្គរជ័យក្រោម ឃុំមហាខ្ញូង ស្រុកកោះសូទិន ខេត្តកំពង់ចាម ។ ការចាប់ឃាត់ខ្លួនបក្សពួកចោរប្លន់ម្នាក់នេះ ត្រូវបានសមត្តកិច្ចឲ្យដឹងថា ជាការអនុវត្តតាមដីកាបង្គាប់ឲ្យចាប់ខ្លួនលេខ៤៣ របស់លោក ទិតសុទ្ធី បូរ៉ាល័ក្ខណ៍ ចៅក្រមស៊ើបសួរសាលាដំបូងខេត្តកំពង់ចាម ។
សមត្ថកិច្ចបន្តថា តាមដីកាចាប់ខ្លួនគឺយោងទៅលើពាក្យបណ្តឹងរបស់ជនរងគ្រោះ និងជុំវិញការបំភ្លឺរបស់សាក្សីដែលបានចង្អុលបង្ហាញថា ឈ្មោះ ញ៉ែម យី ពិតជាបានចូលរួមប្រព្រឹត្តក្នុងបទអំពើកំហែងយកដោយមានស្ថានទម្ងន់ទោស ដោយប្រើប្រាស់អាវុធប្លន់នៅចំណុចភូមិទី៥ ឃុំព្រែកតានង់ ស្រុកកោះសូទិន ខេត្តកំពង់ចាម កាលពីថ្ងៃទី២១
វិច្ឆិកា ២០១៣ ដោយកាំភ្លើងវែង។ លោកវរៈសេនីយ៍ឯក ជាវ វិបុល ប្រធានការិយាល័យនគរបាលព្រហ្មទណ្ឌកម្រិតធ្ងន់ក្រសួងមហាផ្ទៃ ដែលដឹកនាំកម្លាំងអនុវត្តដីកាចាប់ខ្លួនបក្សពួកក្រុមប្លន់ប្រដាប់អាវុធនោះបានឲ្យដឹងថា ជនសង្ស័យ ក្រោយពីធ្វើសកម្មភាពប្លន់ប្រដាប់អាវុធនៅស្រុកកោះសូទិន ខេត្តកំពង់ចាម ចុងឆ្នាំ២០១៣នោះមក បានគេចខ្លួនទៅធ្វើការនៅប្រទេសថៃមួយរយៈ ។
លោក ជាវ វិបុល បន្តថា ប្រហែលជាគិតឃើញថា សមត្តកិច្ចភ្លេចខ្លួនក៏វិលមកស្រុកខ្មែរវិញ និងបានមកលាក់ខ្លួនធ្វើការសំណង់នៅក្នុងខណ្ឌសែនសុខ រាជធានីភ្នំពេញ ទើបត្រូវចាប់ខ្លួន និងបានបញ្ជូនឲ្យទៅអនុវត្តទោសនៅខេត្តកំពង់ចាម ។ ក្រុមអ្នកតាមដាននិយាយថា ជង់មិនដែលភ្លេចកុកទេ ។ ទោះអ្នកឯងហោះហើរទៅឆ្ងាយដល់ទីណា យូរប៉ុណ្ណាក៏ដោយ ពេលណាភ្លេចខ្លួនបានវិលរកជង់វិញដដែល ៕
ចែករំលែកព័តមាននេះ