សមត្ថកិច្ចលេងមួយក្បាច់ «ព្រួញមួយបា.ញ់បានសត្វពីរ»
រាជធានីភ្នំពេញ ៖ សិស្សសាលា៤នាក់ជាប់ពាក់ព័ន្ធករណីធ្វើសកម្មភាព
រាជធានីភ្នំពេញ ៖ សិស្សសាលា៤នាក់ជាប់ពាក់ព័ន្ធករណីធ្វើសកម្មភាព
រាជធានីភ្នំពេញ ៖ សិស្សសាលា៤នាក់ជាប់ពាក់ព័ន្ធករណីធ្វើសកម្មភាពឆក់កាបូបអ្នកដំណើរ កាលពីថ្ងៃទី៦ ខែមេសា ឆ្នាំ២០១៧ ត្រូវបានសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញចាប់ឃាត់ខ្លួនក្រោយពីឆក់កាបូបជនរងគ្រោះ ។
យុវសិស្ស៤នាក់ទី១-ឈ្មោះ ចិត្រ ចន្ទ័សីហា ភេទប្រុស អាយុ១៦ឆ្នាំ ទីលំនៅផ្លូវលំ សង្កាត់ភ្នំពេញថ្មី ខណ្ឌសែនសុខ, ទី២-ឈ្មោះ សែម ចាន់ពិសិដ្ឋ ភេទប្រុស អាយុ១៦ឆ្នាំ ស្នាក់នៅផ្ទះគ្មានលេខផ្លូវលំ សង្កាត់ភ្នំពេញថ្មី ខណ្ឌសែនសុខ, ទី៣-ឈ្មោះ ឡុង គឹមឡេង ភេទប្រុស អាយុ១៦ឆ្នាំ ស្នាក់នៅផ្ទះគ្មានលេខ ផ្លូវលេខ១១៣ សង្កាត់ផ្សារដើម.គ ខណ្ឌទួលគោក និងទី៤-ឈ្មោះ សូរ រ៉ូហ្សា ភេទប្រុស អាយុ១៧ឆ្នាំ ស្នាក់នៅ១៩៦ ផ្លូវលំ សង្កាត់កាកាប ខណ្ឌពោធិសែនជ័យ រាជធានីភ្នំពេញ ។ ជនសង្ស័យទាំង៤នាក់បានធ្វើសកម្មភាពឆក់កាបូបពីជនរងគ្រោះឈ្មោះ នង ស៊ីរ៉េ ភេទស្រី អាយុ៤៣ឆ្នាំ មានទីលំនៅផ្ទះលេខ៣៦ ផ្លូវលេខ៣៣៩ សង្កាត់បឹងកក់១ ខណ្ឌទួលគោក ។
តាមប្រភពពីសមត្ថកិច្ចបានឲ្យដឹងថា ក្នុងកាបូបនោះមានជញ្ជៀនផ្លាកទីនដាំពេជ្រ១វង់តម្លៃ៩៥០ដុល្លារ ប្រាក់ដុល្លារ១៦០ដុល្លារ លុយខ្មែរ២០០.០០០រៀល ទូរស័ព្ទដៃ១គ្រឿង និងឯកសារមួយចំនួន ។ សមត្ថកិច្ចបានបន្តថា នៅវេលាម៉ោងខាងលើជនរងគ្រោះបានជិះម៉ូតូចេញពីផ្ទះក្នុងគោលបំណងទៅកាន់អធិការនគរបាលខណ្ឌជ្រោយចង្វារលុះដល់ពាក់កណ្តាលផ្លូវ ស្រាប់តែត្រូវចោរ១ក្រុមជិះម៉ូតូ២គ្រឿងមានគ្នា៤នាក់បានធ្វើសកម្មភាពឆក់កាបូបយកទៅបាត់ ។
ក្រោយពីកើតមានអំពើឆក់ជនរងគ្រោះបានដាក់ពាក្យបណ្តឹង និងសមត្ថកិច្ចការិយាល័យជំនាញនគរបាលព្រហ្មទណ្ឌបានបើកការស៊ើបអង្កេតជាបន្ទាន់ដោយបានដឹងថា ក្រុមចោរដែលសុទ្ធតែជាសិស្សបោះបង់ចោលការសិក្សាកំពុងតែចែកទ្រព្យដែលឆក់បាននៅក្នុងផ្ទះសំណាក់ ជាមួយក្រុមជក់គ្រឿងញៀន១ក្រុម ត្រូវសមត្ថកិច្ចក្របួចបានទាំងអស់ ។ ក្រោយពីឃាត់ខ្លួនជនសង្ស័យពាក់ពន្ធ់ឆក់កាបូប៤នាក់ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ចំណែកក្រុមជក់គ្រឿងញៀន៤-៥នាក់ប្រគល់ទៅខាងសង្គមកិច្ច ៕
ចែករំលែកព័តមាននេះ