ប្រិយមិត្តពុកម៉ែបងប្អូនប្រាកដជាបានស្គាល់ច្បាស់រួចមកហើយ នៅកំលោះសង្ហារ សៀក និងកញ្ញា មីណា ដែលតែងតែត្រូវបានមហាជនចាប់គូរឲ្យក្លាយជាគូស្នេហ៍ពិតប្រាកដក្នុងឆាកជីវិតពិត ឲ្យដូចទៅនឹងការសម្ដែងតាមរយៈវីដេអូជាច្រើនលើបណ្ដាញសង្គម ដែលអ្នកទាំងពីរ
រាជធានីភ្នំពេញ ៖ ប្រិយមិត្តពុកម៉ែបងប្អូនប្រាកដជាបានស្គាល់ច្បាស់រួចមកហើយ នៅកំលោះសង្ហារ សៀក និងកញ្ញា មីណា ដែលតែងតែត្រូវបានមហាជនចាប់គូរឲ្យក្លាយជាគូស្នេហ៍ពិតប្រាកដក្នុងឆាកជីវិតពិត ឲ្យដូចទៅនឹងការសម្ដែងតាមរយៈវីដេអូជាច្រើនលើបណ្ដាញសង្គម ដែលអ្នកទាំងពីរតែងតែបង្ហាញភាពស្និទ្ធស្នាលជាមួយគ្នាដូចជា គូស្នេហ៍នោះ ថ្មីៗនេះ ត្រូវបានមហាជនជាច្រើននាំគ្នាលើកឡើងចំៗទៅកាន់អ្នកទាំងពីរ ដោយមានទាំងមតិចោទសួរ មតិជូនពរ និងចង់ឲ្យពួកគេក្លាយជាគូស្នេហ៍ពិតប្រាកដនិងគ្នា ក្រោយឃើញ សៀក បង្ហោះរូបភាពបណ្ដើរគ្នាក្នុងឈុតពណ៌ខ្មៅទាំងពីរនាក់ ទៅចូលរួមកម្មវិធីមួយ។
ប្រាកដណាស់ កាលពីថ្ងៃទី១៨ ខែតុលា ឆ្នាំ២០២២ ម្សិលមិញនេះ Youtuber និងជា Content Creator កំលោះសង្ហារ សៀក បានធ្វើអោយអ្នកគាំទ្រផ្ទុះការចាប់អារម្មណ៍ និងភ្ញាក់ផ្អើលជាខ្លាំង ក្រោយឃើញលោកបង្ហោះរូបភាព៧សន្លឹកជាមួយ កញ្ញា មីណា ដែលជា Content Creator និងជា Youtuber ដូចគ្នាផងដែរ។
តាមរយៈរូបភាពទាំងនោះបានបង្ហាញអោយឃើញថា កំលោះសង្ហារមានមន្តស្នេហ៍ សៀក និងកញ្ញា មីណា កំពុងបណ្ដើរគ្នាក្នុងឈុតសម្លៀកបំពាក់ពណ៌ខ្មៅ បង្ហាញភាពស្និទ្ធស្នាល ហើយម្នាក់ៗពោរពេញទៅដោយស្នាមញញឹម មើលទៅពិតជាសាកសមនឹងគ្នាគ្មានកន្លែងទាស់តែម្ដង។ ក្នុងរូបភាពទាំងនោះ អង្គុយជិតគ្នាដោយ សៀក សម្លឹងមើលកញ្ញា មីណា មិនដាក់ភ្នែកទាល់តែសោះ នេះពិតជាសាកសមដែលអ្នកគាំទ្រចាប់គូរអោយអ្នកទាំងពីរក្លាយជាគូស្នេហ៍ពិតប្រាកដមិនខុសមែន។
យ៉ាងណាមិញ អ្វីដែលកាន់តែធ្វើអោយអ្នកគាំទ្រកាន់តែលើសជាតិស្ករ និងច្រណែនមិនស្ទើរនោះ ក្នុងការបង្ហោះកំលោះសង្ហារ សៀក ក៏បានពោលពាក្យបញ្ឈឺចិត្តអ្នកគាំទ្រក្នុងន័យលេងសើចមួយឃ្លាថា «សូមទោសអ្នកអត់គូរ» អមជាមួយ Emoji ឌឺដងថែមទៀតផង។
ដោយឡែក ក្រោយឃើញដូច្នេះភ្លាម មិនចាំយូរមហាជនអ្នកប្រើប្រាស់បណ្ដាញសង្គមជាច្រើននាំគ្នាលើកឡើងចំៗ និងចោទសួរទៅកាន់អ្នកទាំងពីរគ្មានប្រណីថា «បងសាល និងបងនា ភ្ជាប់ពាក្យរួចហើយ នៅឡើយតែបង សៀក និងបង មីណា ពេលណាទើបភ្ជាប់ពាក្យដែរ?»។ អ្នកប្រើប្រាស់បណ្ដាញសង្គមផ្សេងទៀតចោទសួរថា «បងសៀក និងបងមីណា ចង់កុហកហ្វេន ដូចបងសាល និងបងនា ដែរមែន?» ។
អ្នកនិយមលេងបណ្ដាញសង្គមដទៃទៀតពោលថា «ចង់អោយបងសៀក និងបងមីណា ក្លាយជាគូស្នេហ៍ពិតតប្រាកដ ដូចក្នុងវីដេអូការសម្ដែងរបស់បងទាំងពីរ ពិសេសចង់អោយដូចបងសាល និងបងនា តែម្ដង»។ អ្នកគាំទ្រផ្សេងទៀតជូនពរយ៉ាងដូច្នេះថា «ជូនពរអោយស្នេហាបងទាំងពីរប្រែក្លាយជាស្នេហាពិត និងអោយបានដូចក្ដីស្រមៃអ្នកគាំទ្រផងចុះ»។
អ្នកគាំទ្រផ្សេងទៀតលើកឡើងចំគ្មានប្រណីថា «ពេលណាបងទាំងពីរនាក់ភ្ជាប់ពាក្យ ខណៈសំណួរមួយនេះ ពិតជាត្រូវចិត្តអ្នកគាំទ្រ និងចាក់ដោតខ្លាំងណាស់»។ អ្នកលេងបណ្ដាញសង្គមផ្សេងទៀតពោលសរសើរថា «ពិតជាស្រស់ស្អាត ស្រស់សង្ហារ និងសាកសមគ្នាខ្លាំងណាស់បងទាំងពីរ» ។ក្នុងនោះក៏នៅមានមតិជាច្រើនទៀត ដែលយើងមិនអាចលើកយកមករៀបរាប់អស់បាននោះឡើយ។
សូមបញ្ជាក់ផងដែរថា ចំពោះអ្នកទាំងពីរមិនទាន់មានការបញ្ជាក់ ឬបកស្រាយលម្អិតចេញពីសាមីខ្លួន កំលោះសង្ហារ សៀក និង កញ្ញា មីណា នៅឡើយទេថា ទំនាក់ទំនងរបស់ពួកគេទាំងពីរអ្នកត្រូវជាអ្វីនឹងគ្នាអោយប្រាកដ ពោលគឺមិនដឹងថា «ជាគូស្នេហ៍ មិនរួមក្រុមការងារ ឬជាអ្វីអោយប្រាកដនោះឡើយ ដោយគ្រាន់តែដឹងត្រឹមថាអ្នកទាំងពីរ គឺជា Youtuber និងជា Content Creator ដ៏ល្បីល្បាញ និងទទួលបានការគាំទ្រយ៉ាខ្លាំងពីសំណាក់មហាជន ជាពិសេសអ្នកទាំងពីរមានហ្វេនគាំទ្រយ៉ាងច្រើនលើសលប់តែម្ដង»៕
ចែករំលែកព័តមាននេះ