ជោលី និយាយតាមទូរស័ព្ទជាមួយប្រេត ភីតលើកដំបូង
តារាហូលីវូដ នាងអេនចេលីណា ជោលី និងលោកប្រេត ភីត បានទាក់ទងគ្នាតាមទូរស័ព្ទ ជាលើកដំបូង ក្រោយពីលែងលះគ្នាអស់រយៈពេលជាង៦ខែកន្លងមក ។
ក្នុងរយៈពេលចុងក្រោយនេះ ភាគី នីមួយៗ
តារាហូលីវូដ នាងអេនចេលីណា ជោលី និងលោកប្រេត ភីត បានទាក់ទងគ្នាតាមទូរស័ព្ទ ជាលើកដំបូង ក្រោយពីលែងលះគ្នាអស់រយៈពេលជាង៦ខែកន្លងមក ។
ក្នុងរយៈពេលចុងក្រោយនេះ ភាគី នីមួយៗបានជួលមេធាវីតវ៉ារឿងក្តីនៃការលែងលះនេះនិងបែងចែកការចិញ្ចឹមកូន ។ បច្ចុប្បន្នហាក់ដូចជាធូរស្រាលបន្តិច ដោយពួកគេបានទាក់ទងគ្នាតាមទូរស័ព្ទជាលើកដំបូង ក្រោយពីខកខានជាយូរកន្លងមក ។
ប្រភពជិតស្និទ្ធឱ្យដឹងថា«បច្ចុប្បន្ន អ្វីៗគ្រប់យ៉ាងរបស់ប្រេត ភីត និងអេនចេលីណា ជោលី កំពុងដំណើរការយ៉ាងរលូន ដោយពួកគេគ្មានភាពឆេវឆាវដូចពេលកន្លងមកទេ ។ ពួកគេរមែងយកចិត្តទុកដាក់លើកូន ដោយព្យាយាមប្រតិបត្តិគ្រប់បែបយ៉ាងដែលល្អទៅលើកុមារ» ។
ក្នុងអំឡុង៦ខែកន្លងមក លោកប្រេត ភីត ហាក់ដូចជាមមាញឹកលើការងារ ខណៈពេលអេនចេលីណា ជោលី បំពេញតួនាទីផ្នែកសិទ្ធិមនុស្សជាមួយអង្គការសហប្រជាជាតិ ។ ការស្រុះស្រួលពីចំណងមិត្តភាពនេះ ឆ្លុះបញ្ចាំងថា ភាគី នីមួយៗអាចរកចំណុចបញ្ចប់ជម្លោះបាន ក្រោយពីលេចឮព័ត៌មានអាម៉ាស់នៅលើពិភពលោក លើករណីដែលលោកប្រេត ភីត ឈ្លោះទាស់ទែងជាមួយម៉ាដុក ជាកូនប្រុសច្បងនៅលើយន្តហោះ ។
ដោយសាររឿងនោះហើយ បានក្លាយទៅជាការបែកបាក់ក្នុងក្រុមគ្រួសារ ។
អេនចេលីណា ជោលី ធ្លាប់បញ្ជាក់ទាំងក្តុកក្តួលដល់BBCថា«យើងជាគ្រួសារតែមួយ ហើយយើងនឹងនៅជាគ្រួសារតែមួយរហូតតទៅ និងសង្ឃឹមថា យើងនឹងរឹងមាំ និងនៅជាគ្រួសារតែមួយបន្តទៀត» ៕
ចែករំលែកព័តមាននេះ