BBC ផ្សាយដោយយោងតាមទិន្នន័យរបស់អង្គការសហប្រជាជាតិ កាលពីថ្ងៃទី២២ ខែមីនា ឆ្នាំ២០១៧ ថា ពលរដ្ឋកូរ៉េខាងជើងប្រហែល២ភាគ៥ខ្វះខាតម្ហូបអាហារ និងជាង៧០% នៃពលរដ្ឋនៅទូទាំងប្រទេស ត្រូវ
BBC ផ្សាយដោយយោងតាមទិន្នន័យរបស់អង្គការសហប្រជាជាតិ កាលពីថ្ងៃទី២២ ខែមីនា ឆ្នាំ២០១៧ ថា ពលរដ្ឋកូរ៉េខាងជើងប្រហែល២ភាគ៥ខ្វះខាតម្ហូបអាហារ និងជាង៧០% នៃពលរដ្ឋនៅទូទាំងប្រទេស ត្រូវពឹងផ្អែកលើជំនួយផ្នែកស្បៀងអាហារ ។ ក្រៅពីនេះពលរដ្ឋកូរ៉េខាងជើងគាគច្រើនមិនអាចចូលដល់វិទ្យាស្ថានផ្នែកសុខភាពសាធា រណៈ ខណៈពេលជំងឺរាករូស និងហើមសួត គឺជាហេតុផលចម្បង២ធ្វើឱ្យកុមារដែលមានអាយុតិចជាង៥ឆ្នាំ បាត់បង់ជីវិត ។
ក្នុងស្ថានភាពដ៏តានតឹងផ្នែកនយោបាយ មានពលរដ្ឋកូរ៉េខាងជើងប្រហែល១៨លាននាក់ នៅទូទាំងប្រទេសប្រឈមមុខនឹងអស្ថិរភាពផ្នែកម្ហូបអាហារ និងខ្វះស្បៀងអាហារ រួមទាំងមានកង្វះខាតលើផ្នែកសេវាកម្មនានា ។ របាយការណ៍របស់UN បង្ហាញថា «ពលរដ្ឋកូរ៉េខាងជើងប្រហែល១០,៥លាននាក់ ឬប្រហែល៤១% នៃពលរដ្ឋនៅទូទាំងប្រទេសខ្វះខាតម្ហូបអាហារ» ។
កូរ៉េខាងជើងជាប្រទេសកុម្មុយនីស្ដឯកោនៅលើពិភពលោក ដោយមានប្រជាជនប្រហែល២៥លាននាក់ ប្រឈមមុខនឹងការខ្វះខាតស្បៀងអាហារក្នុងរយៈពេលជាច្រើនឆ្នាំ ។ មានពលរដ្ឋជាច្រើនសែននាក់បានស្លាប់បាត់បង់ជីវិតដោយសារគ្រោះធម្មជាតិ ដែលកើតឡើងជាយថាហេតុទៅទូទាំងប្រទេសក្នុងអំឡុងទសវត្ស១៩៩០ ។
របាយការណ៍របស់UN បញ្ជាក់ថា ស្ថានការណ៍នោះអាចទទួលការកែលំអបានប្រសើរឡើងនៅពេលក្រោយមួយផ្នែក ដោយសារកូរ៉េខាងជើងបានទទួលការជួយសង្គ្រោះផ្នែកមនុស្សធម៌ពីខាងក្រៅ ប៉ុន្ដែការដាក់ទណ្ឌកម្មពីគម្រោងការសាកស្បងនុយក្លេអ៊ែរ ផ្ដល់ផលប៉ះពាល់ដល់កិច្ចព្យាយាមជំនួយផ្នែកមនុស្សធម៌ដល់កូរ៉េខាងជើងធ្វើឱ្យអង្គភាពផ្ដល់ជំនួយជួបហានិភ័យក្នុងការនាំយកជំនួយជូនដល់ពលរដ្ឋកូរ៉េខាងជើង ៕
ចែករំលែកព័តមាននេះ