រាជធានីភ្នំពេញ ៖ យោងលើគណនីហ្វេសប៊ុករបស់តារាចម្រៀង អ៊ាម វន្នី ដែលជាអតីតបេក្ខភាព Cambodian Idol កំពុងជួបទុក្ខធ្ងន់ ដោយសារតែផ្ទះរបស់លោកនៅឯស្រុកកំណើត ត្រូវអគ្គិភ័យលេបត្របាក់អស់គ្មានសល់ កាលពីយប់ថ្ងៃទី២៤ មីនា ។
ជាក់ស្តែង នាព្រឹកថ្ងៃទី២៥ មីនា នេះ លោកអ៊ាម វន្នី ក៏បានLive វីដេអូមួយបង្ហាញពីផ្ទះរបស់លោក ក្រោយពីត្រូវភ្លើងឆេះអស់ខ្ទេចនោះ ដោយលោកបាន «អរគុណបងប្អូន ដែលសួរសុខទុក្ខ» ផងដែរ ។ នៅក្នុងគណនីលោកអ៊ាម វន្នី បានបង្ហាញដែរថា «ជាង300គីឡូពីភ្នំពេញ តេីខ្ញុំមកពន្លត់យ៉ាងម៉េចទាន់ មកដល់សល់តែផេះ» ក្នុងនោះ គេឃើញមានអ្នកគាំទ្រលោកជាច្រើននាក់ បានចូលរួមសោកស្តាយខ្លាំងចំពោះហេតុការណ៍អកុសលនេះ ។
ចំពោះហេតុការណ៍នេះ បានធ្វើឱ្យអ្នកគាំទ្រលោក មានការភ្ញាក់ផ្អើលខ្លាំង ខណៈគេមិនដឹងពីមូលហេតុឆេះ ។ ទោះបីជាយ៉ាងណា កោះសន្តិភាព សូមចូលរួមសោកស្តាយដល់លោកអ៊ាម វន្នី ផងដែរ ។
ចែករំលែកព័តមាននេះ