ប្រធានមន្ទីរកសិកម្មឱ្យមេព្រៃចុះចាប់ឈើហុប14គោយន្តយឺតពេកបាត់អស់
ខេត្តកំពង់ឆ្នាំង ៖ ដោយសារតែមានការយឺតយ៉ាវក្នុងការបង្ក្រាបបទល្មើសព្រៃឈើ ធ្វើឱ្យឈើហុបប្រភេទផ្ចឹកធំៗចំនួន១៤គោយន្តដែលបានកា.ប់ដឹក
ខេត្តកំពង់ឆ្នាំង ៖ ដោយសារតែមានការយឺតយ៉ាវក្នុងការបង្ក្រាបបទល្មើសព្រៃឈើ ធ្វើឱ្យឈើហុបប្រភេទផ្ចឹកធំៗចំនួន១៤គោយន្តដែលបានកាប់ដឹកចេញពីដែនជម្រកសត្វព្រៃភ្នំឱរ៉ាល់ខេត្តពោធិ៍សាត់ បានរបូតរត់រួចដោយសុវត្ថិភាព កាលពីរសៀលថ្ងៃទី១៩ ខែមីនា ឆ្នាំ២០១៧ នៅក្នុងភូមិដំណាក់ខ្លុង ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំង ។
កាលពីរសៀលនោះមានក្រុមអ្នកកាសែតមួយក្រុមបានប្រទះឃើញគោយន្ត១៤គ្រឿងដឹកឈើហុបប្រភេទផ្ចឹក បើកមកដល់ភូមិដំណាក់ខ្លុង ក៏បានរាយការណ៍ទៅលោកប្រធានមន្ទីរកសិកម្មខេត្ត ពេលនោះលោកប្រធានមន្ទីរបានបញ្ជាឱ្យសង្កាត់រដ្ឋបាលព្រៃឈើគ្រាំងស្គារចុះបង្ក្រាប ប៉ុន្តែដោយសារតែភាពអសកម្មយឺតយ៉ាវយូរម៉ោងពេក គោយន្តដឹកឈើល្មើសច្បាប់ទាំងអស់នោះក៏បាននាំគ្នាបើកគេចចូលព្រៃបាត់អស់។
ក្រុមអ្នកបើកគោយន្តទាំងនោះបាននិយាយថា ពួកគាត់រស់នៅក្នុងស្រុកសាមគ្គីមានជ័យ បាននាំគ្នាឡើងទៅកាប់ឈើទាំងនេះនៅក្នុងដែនជម្រកសត្វព្រៃភ្នំឱរ៉ាល់ខេត្តពោធិ៍សាត់ដោយត្រូវបង់លុយឱ្យមន្ត្រីការពារដែនជម្រកសត្វព្រៃក្នុង១គោយន្ត៦ម៉ឺនរៀលទើបចូលកាប់ឈើនៅលើភ្នំបាន ។ នៅពេលដឹកឈើត្រឡប់មកវិញត្រូវបង់លុយឱ្យមេព្រៃស្រុកភ្នំក្រវាញក្នុង១គោយន្ត៦ម៉ឺនរៀល បង់ឱ្យនគរបាលនិងអាវុធហត្ថក្នុងមួយស្ថាប័ន២ម៉ឺនរៀល ហើយពេលចូលដល់ដីស្រុកទឹកផុស ត្រូវបង់ឱ្យមេព្រៃក្តុលក្នុង១គោយន្ត១០ម៉ឺនរៀល មេព្រៃរមាស១០ម៉ឺនរៀល នៅពេលជួបនគរបាលស្រុក និងអាវុធហត្ថស្រុកត្រូវបង់ឱ្យគេក្នុង១គោយន្ត២ម៉ឺនរៀលទៀតគឺបង់ឱ្យហូរហែរហូតឱ្យតែជួបសមត្ថកិច្ច ទើបអាចដឹកឈើទៅដល់ផ្ទះបាន។
ក្រុមអ្នកបើកគោយន្តទាំងនោះបានប្រាប់ទៀតថា ក្នុងមួយជើងពួកគាត់ត្រូវចំណាយពេលឡើងកាប់ឈើនិងដឹកឈើមកវិញរយៈពេល១ខែ និងក្នុង១គោយន្តដឹកឈើបាន២ម៉ែត្រគូបយកទៅលក់បានលុយ១៥០ម៉ឺនរៀល តែត្រូវចំណាយរត់ការតាមផ្លូវអស់ពាក់កណ្តាលនៅសល់ពាក់កណ្តាលសម្រាប់ផ្គត់ផ្គង់គ្រួសារ ។
គេមិនដឹងថា ការយឺតយ៉ាវក្នុងការបង្ក្រាបនេះមិនដឹងថា មកពីមន្ត្រីជំនាញនៅឆ្ងាយពេក ឬមានចេតនាដំអក់យ៉ាងណានោះទេ ទើបបណ្តោយឱ្យបទល្មើសដឹកឈើយ៉ាងព្រហើននេះរត់រួចទៅបាន ៕
ចែករំលែកព័តមាននេះ