តើគួរថែទាំនិងសម្អាតត្រចៀកបែបណា?
រាជធានីភ្នំពេញ ៖ តើលោកអ្នកជ្រាបដែលឬទេថា អាចម៍ត្រចៀក និងរោមនៅខាងក្នុងត្រចៀកមានលក្ខណៈពិសេសបែបណាខ្លះ? តើគួរតែសម្អាត និងថែទាំយ៉ាងដូចម្តេចខ្លះ?
បើតាមលោកវេជ្ជបណ្ឌិតអ៊ុង នរិន្ទ អនុប្រធាន
រាជធានីភ្នំពេញ ៖ តើលោកអ្នកជ្រាបដែលឬទេថា អាចម៍ត្រចៀក និងរោមនៅខាងក្នុងត្រចៀកមានលក្ខណៈពិសេសបែបណាខ្លះ? តើគួរតែសម្អាត និងថែទាំយ៉ាងដូចម្តេចខ្លះ?
បើតាមលោកវេជ្ជបណ្ឌិតអ៊ុង នរិន្ទ អនុប្រធាន
រាជធានីភ្នំពេញ ៖ តើលោកអ្នកជ្រាបដែលឬទេថា អាចម៍ត្រចៀក និងរោមនៅខាងក្នុងត្រចៀកមានលក្ខណៈពិសេសបែបណាខ្លះ? តើគួរតែសម្អាត និងថែទាំយ៉ាងដូចម្តេចខ្លះ?
បើតាមលោកវេជ្ជបណ្ឌិតអ៊ុង នរិន្ទ អនុប្រធានផ្នែកត្រចៀក ច្រមុះ បំពងក E3(អគាទី៣)នៃមន្ទីរពេទ្យព្រះអង្គឌួង និងជាសមាជិកសមាគម ត្រចៀក ច្រមុះ បំពង់ក ក្បាលកម្ពុជា រៀបរាប់ប្រាប់កោះសន្តិភាពឱ្យដឹងកាលពីពេល ថ្មីៗកន្លងមកថា នៅក្នុងត្រចៀកគឺមានក្រពេញប្រព័ន្ធការពារ ហើយក្រពេញនោះបានបញ្ចេញទឹក សើមៗដែលយើងហៅថាអាចម៍ត្រចៀក ។
អាចម៍ត្រចៀក មានតួនាទីការពារមិនឱ្យធូលីដី សត្វល្អិត និងមេរោគចេញទៅដល់ក្រដាសត្រចៀកបានទេ ។ ចំណែករោមខាងក្នុងត្រចៀកមានតួនាទីបក់អាចម៍ត្រចៀកមកខាងក្រៅដូច្នេះគេមិនឱ្យខ្វេះ កាយអាចម៍ត្រចៀកឬក៏កោររោមត្រចៀកទេ ព្រោះវាជាប្រព័ន្ធការពារត្រចៀក ។ ត្រចៀក មិនថាមនុស្សធំក្តី ឬក្មេងតូចក្តី ការថែទាំគឺមានលក្ខណៈសាមញ្ញដូចគ្នា ដោយលោកអ្នកគ្រាន់តែអនុវត្តតាមវិធីដូចខាងក្រោមនេះ ៖
១-ការពារកុំឱ្យសើម និងត្រូវជូតផ្តិតឱ្យបានស្អាត ព្រោះកាលណាត្រចៀកសើម អាចធ្វើឱ្យដុះផ្សិត ហើយរមាស់ធ្វើឱ្យលោកអ្នកទ្រាំមិនបាន រហូតដល់យករបស់មិនស្អាត ខ្វារ ឆ្កឹះ ដែលអាចធ្វើឱ្យមេរោគឆ្លងចូលនាំឱ្យកើតមានបញ្ហារលាកត្រចៀកបានយ៉ាងងាយ ។
២-ត្រូវតែសម្អាត និងអនាម័យទាំងក្រៅស្លឹកត្រចៀក និងខាងក្នុងត្រចៀក ។
៣-ជាទូទៅតាមច្បាប់ក្បួនពេទ្យអាចម៍ត្រចៀក គេមិនឱ្យលាងសម្អាត ខ្វេះ កាយ ត្បារនោះទេ ព្រោះវាជាលក្ខណៈធម្មជាតិ និងជាប្រព័ន្ធការពារ និងអាចចេញមកខាងក្រៅដោយខ្លួនឯង ។ អ្នកជំងឺភាគច្រើនដែលមានបញ្ហារលាកត្រចៀក ច្រើនតែបណ្តាលមកពីការខ្វេះ កាយអាចម៍ត្រចៀក ដូច្នេះទម្លាប់ទាំងនេះគួរតែកែប្រែដោយការជូតសម្អាតវិញ ។
អាចម៍ត្រចៀករបស់លោកអ្នក កម្របង្កជាបញ្ហាធ្ងន់ដល់សុខភាពខ្លាំងណាស់ ដូច្នេះបើមិនចាំបាច់ទេ ឬមិនមានផលរំខានទេ អ្នកមិនគួរឆ្កឹះ ឬត្បារវាចេញនោះទេ ។ ការមានអាចម៍ត្រចៀក គឺជារឿងធម្មតាទេ ហើយអ្នកមិនចាំបាច់បារម្ភ ឬខ្វាយខ្វល់ពីវាច្រើនពេកទេ ប៉ុន្តែសូមប្រញាប់ទាក់ទងទៅគ្រូពេទ្យភ្លាម ប្រសិនបើអ្នកសង្កេតឃើញត្រចៀកលោកអ្នក និងកូនលោកអ្នកមានបញ្ហាមួយចំនួន ដូចជា ស្តាប់មិនសូវច្បាស់អាចម៍ត្រចៀកមានលក្ខណៈរឹង ឈឺក្នុងត្រចៀក រមាស់ត្រចៀកខ្លាំង មានទឹករងៃហូរ មានខ្ទុះ មានឈាម មានក្លិនស្អុយ និងលាយឡំជាមួយនឹងសញ្ញាក្តៅខ្លួនទៀតនោះគួរប្រញាប់ទៅពិភាក្សាជាមួយគ្រូពេទ្យទើបជាការប្រសើរ ៕
ចែករំលែកព័តមាននេះ