កាលពីពេលថ្មីៗកន្លងទៅនេះ អ្នកនិយមលេងនៅក្នុងបណ្ដាញសង្គមមិនតិចនាក់នោះទេ មានការភ្ញាក់ផ្អើលយ៉ាងខ្លាំងភ្លុកទឹកភ្លុកដី បន្ទាប់ពីបានដឹងដំណឹងថា
រាជធានីភ្នំពេញ ៖ កាលពីពេលថ្មីៗកន្លងទៅនេះ អ្នកនិយមលេងនៅក្នុងបណ្ដាញសង្គមមិនតិចនាក់នោះទេ មានការភ្ញាក់ផ្អើលយ៉ាងខ្លាំងភ្លុកទឹកភ្លុកដី បន្ទាប់ពីបានដឹងដំណឹងថា YouTuber ប្រុសស្រីល្បីឈ្មោះមួយគូដែលកំពុងតែទទួលបាននៅការគាំទ្រ និងឆក់យកបេះដូងហ្វេនៗមិនតិចនាក់ និងនាំគ្នាបុកពោះគ្រប់ៗគ្នា នោះគឺកំលោះសង្ហារមុខដូចកូរ៉េ លោក ហេង វិសាល និងស្រីស្រស់ ជា ស្រីនា លេងមួយក្បាច់នេះ ធ្វើអោយអ្នកគាំទ្រជ្រួលច្របល់មិនស្ទើរនោះឡើយ ក្រោយពេលលេចលឺតម្រុយថា «អ្នកទាំងពីរបានត្រៀមរៀបចំពិធីភ្ជាប់ពាក្យជាមួយគ្នាហើយនៅថ្ងៃទី០៩ ខែតុលា ឆ្នាំ២០២២នេះតែម្ដង»។
នេះបើយោងទៅតាមការបង្ហោះនៅលើគណនីហ្វេសប៊ុកមួយ ដែលបានរៀបចំឈុតផ្កា ក្នុងពិធីពិសាស្លាភ្ជាប់ពាក្យ ដោយមានការបញ្ជាក់ច្បាស់យ៉ាងច្បាស់ៗបែបនេះថា «ជាថ្ងៃមង្គលរបស់កូនស្រីម្ចាស់ហាង ប្រណិតនារី សំអាងការ»។ ក្នុងនោះផងដែរ គេក៏បានឃើញមានមិត្តៗនិងអ្នកលេងនៅក្នុងបណ្ដាញសង្គមនាំគ្នាធ្វើការបង្ហោះសារជូនពរ និងអបអរសាទរទៅដល់ YouTuber ទាំងពីរនាក់នេះជាច្រើនផងដែរ ដោយនាំគ្នាញញឹមបិទមាត់មិនជិតនិងចូលទៅសម្ដែងអារម្មណ៍រំភើបសប្បាយរីករាយ ចំពោះអ្នកទាំងពីរជាខ្លាំងមិនធម្មតានោះឡើយ និងរង់ចាំមើលនៅថ្ងៃពិសេសរបស់អ្នកទាំងពីរគ្រប់ៗគ្នាតែម្ដងថា រឿងនេះពិត ឬមួយក៏គ្រាន់តែសម្ដែង។
ជាក់ស្ដែង អ្វីដែលធ្វើអោយពុកម៉ែបងប្អូននាំគ្នាទន្ទឹងរង់ចាំដាច់បាយដាច់ទឹកទៅវិញនោះ បន្ទាប់ពីមានការងឿងឆ្ងល់ឥតឈប់ឈរពេក មិនទុកចាំយូរ ស្រាប់តែកំលោះសង្ហារ ហេង វិសាល បានចេញមុខមកបង្ហោះសារទាំងក្ដៅៗអោយអ្នកគាំទ្របានដឹងយ៉ាងដូច្នេះថា «សួស្តីពុកម៉ែបងប្អូន មិត្តភក្តិជាទីស្រឡាញ់ទាំងអស់គ្នា ខ្ញុំមកទីនេះ ដើម្បីបកស្រាយចម្ងល់ថា ខ្ញុំនិងនា កំពុងថត MV ឬកម្មវីធីមែនទែន។ ចម្លើយនោះ គឺមែនទែន ហើយខ្ញុំនិងនា ពិតជាសុំទោសចំពោះការស្ងាត់តាំងពីម្សិលមិញ មូលហេតុដោយសារពួកខ្ញុំភ័យពេក ពួកខ្ញុំអត់ចង់កុហក ហើយអត់ដឹងធ្វើម៉េច មានតែស្ងាត់ម៉ងទៅ ដោយសារគំរោងរបស់ពួកយើង គឺចង់បង្ហាញទំនាក់ទំនងរបស់យើងនៅពេលកម្មវិធីចាប់ផ្តើមប៉ុណ្ណោះ ប៉ុន្តែឡូវបើជ្រុលជាធ្លាយមុនហើយ ចឹងមានតែសារភាពម៉ងទៅ»។
បុរសសង្ហារ ហេង វិសាល បន្តថា «ចុងក្រោយ ពួកខ្ញុំពិតជាអរគុណដល់ពុកម៉ែបងប្អូនមិត្តភក្តិ និងបងៗទាំងអស់ ចំពោះការជូនពរ និងក្តីស្រឡាញ់ចំពោះពួកខ្ញុំ។ ជួបគ្នាកម្មវិធីថ្ងៃនេះ ម៉ោង២រសៀល»។
បន្ទាប់ពីបានលឺតារាប្រុសរូបនេះ ប្រកាសបើកចំហរបែបនេះភ្លាម ក៏មានហ្វេនៗជាច្រើននាំគ្នាចូលទៅខមិនព្រោងព្រាតថា «ទាល់តែខាងហង្សមាស ចេញផ្សាយ១ទៀត បានខ្ញុំជឿ» «បងឯងអញ្ជើញជាសាធារណៈ ឬក៏មិចបង ស្រួលខ្ញុំរៀបចំខ្លួនទៅ» «បាច់និយាយអីច្រើនទេ add តែ story អោយច្រើនៗមកបានហើយអាយដល» «បងសាលឯង ធ្វើអោយមនុស្សគ្រប់គ្នាដែលដឹងរឿង គឺពិតជាសាងកំហុសចំពោះហ្វេន បើប្រាប់តាំងយប់ ខ្ញុំនឹងពួកម៉ាកខ្ញុំប្រហែលបានដេកលក់ស្រួល តែយប់មិញនេះ គឺថាបញ្ឈរភ្នែកទល់ភ្លឺ» «ជូនពរអោយអាយដល មានសុភមង្គលស្រលាញ់គ្នា រហូតដល់ចាស់កោងខ្នង» «អត់អីទេ អោយតែបានប្រាប់ប៉ុណ្ណឹងអស់ចិត្តហើយ តាមសម្រួលទៅកុំភ័យអី មិនអីទេសុទ្ធគ្នាយើងតាស៎បងសាល» «មើលរូបពួកបងហើយមានអារម្មណ៍ថា យល់សប្ដិយ៉ាងមិចមិនដឹង»« ខ្ញុំមិនបានដេកសោះ ដោយសារចង់ដឹងរឿងបងឯង២នាក់ពេក តែពេលនេះបានដឹងហើយ»៕
ចែករំលែកព័តមាននេះ