បុរសវ័យចំណាស់ម្នាក់បានស្លា.ប់ភ្លាមៗ និងម្នាក់ទៀតរងរបួស បណ្តាលមកពីគ្រោះធម្មជាតិរន្ទះបា.ញ់ ខណៈពេលពួកគេចំនួន០៦នាក់ ក្នុងនោះស្រី២នាក់ បាននាំគ្នាទៅ
ខេត្តស្វាយរៀង ៖ បើតាមសេចក្តីរាយការណ៍បន្តថា បុរសវ័យចំណាស់ម្នាក់បានស្លា.ប់ភ្លាមៗ និងម្នាក់ទៀតរងរបួស បណ្តាលមកពីគ្រោះធម្មជាតិរន្ទះបាញ់ ខណៈពេលពួកគេចំនួន០៦នាក់ ក្នុងនោះស្រី២នាក់ បាននាំគ្នាទៅជ្រកភ្លៀងនៅក្រោមដើមឈើអាកាស្យា ខណៈពេលទៅឃ្វាលក្របី។ ហើយខណៈកំពុងតែជ្រកភ្លៀងនោះ ស្រាប់មានផ្គរន្ទះយ៉ាងខ្លាំងកក្រើកដីវាលស្រែ បន្ទាប់មកទៀតស្រាប់តែរន្ទះបាញ់១គ្រា.ប់ចំកន្លែងពួកគេជ្រកភ្លៀងតែម្តង បណ្តាលឲ្យឈ្មោះ កឹម សាន ភេទប្រុស អាយុ៦៩ឆ្នាំ ស្លា.ប់ភ្លាមៗនៅនឹងកន្លែង និងម្នាក់ទៀតរងបួសស្រាល និងធ្វើឲ្យមនុស្ស៤នាក់ផ្សេងទៀតភ័យតក់ស្លុតយ៉ាងខ្លាំង ដោយសារតែភ្លើងរន្ទះជះក្តៅដល់ពួកគេ។
ប្រភពដដែលបន្តថា ក្រោយពីរន្ទះបាញ់ ជនរងគ្រោះដែលគ្មានរបួសបាននាំគ្នាជួយគ្រាអ្នករបួសទៅភូមិ និងរាយការណ៍ជូនមេភូមិឲ្យជួយប្តឹងទៅសមត្ថកិច្ចតែម្តង។
បើតាមសមត្ថកិច្ចបានឲ្យដឹងថា នៅថ្ងែទី០៥ ខែកញ្ញា ឆ្នាំ២០២២ វេលាម៉ោង១និង៤៥នាទីរសៀល មន្ត្រីនគបាលប៉ុស្តិ៍រដ្ឋបាលឃុំញរ បានទទួលព័ត៌មានតាមរយៈទូរស័ព្ទពីឈ្មោះចាន់ និមិត្ត ភេទប្រុស អាយុ៥៧ឆ្នាំ ជាជំនួយការភូមិរោទិ៍ ឃុំញរ ស្រុកកំពង់រោទិ៍ ខេត្តស្វាយរៀង ថាមានករណីមនុស្សស្លា.ប់ និងរងរបួសម្នាក់ (ដោយសាររន្ទះបាញ់)។
ក្រោយពីបានទទួលព័ត៌មានខាងលើនេះភ្លាម កម្លាំងនគរបាលប៉ុស្តិ៍រដ្ឋបាលឃុំញរ សហការជាមួយជំនាញនគរបាលស្រុកកំពង់រោទិ៍ ចុះទៅដល់កន្លែងកើតហេតុពិនិត្យ ក៏បានឃើញថា មានជនរងគ្រោះឈ្មោះកឹម សាន ភេទប្រុស អាយុ៦៩ឆ្នាំ មានទីលំនៅភូមិរោទិ៍ ឃុំញរ ស្រុកកំពង់រោទិ៍ ខេត្តស្វាយរៀង មុខរបរកសិករ បានទៅឃ្វាលក្របីនៅចំណុចខាងកើតហេតុភូមិរោទិ៍ ព្រំប្រទល់នឹងភូមិព្រៃចារ ស្ថិតក្នុងឃុំខ្សែត្រ ចម្ងាយពីផ្ទះរបស់ខ្លួន (ជនរងគ្រោះ) ប្រហែល៦០០ម៉ែត្រនៅពេលដែលមានភ្លៀងធ្លាក់មក ក៏បាននាំគ្នាទៅជ្រកក្រោមដើមអាកាស្យា ដែលមានគ្នា៦នាក់ ក្នុងនោះស្រី២នាក់ ហើយក៏ត្រូវបានរន្ទះបាញ់ បណ្តាលឲ្យស្លា.ប់នៅនឹងកន្លែងម្នាក់ដែលមានឈ្មោះ កឹម សាន។ ចំណែកឈ្មោះ ង៉ា សុផាន់ណា ភេទប្រុស អាយុ១៧ឆ្នាំ នៅភូមិ-ឃុំជាមួយគ្នា បានរងរបួសស្រាល ហើយត្រូវក្រុមគ្រួសារបញ្ជូនទៅព្យាបាលនៅមន្ទីរពេទ្យឯកជនផ្សាកំពង់រោទិ៍ផងដែរ។
ក្រោយពីជំនាញ នៃអធិការដ្ឋាននគរបាលស្រុកកំពង់រោទិ៍ បានសហការជាមួយកម្លាំងនគរបាលប៉ុស្តិ៍រដ្ឋបាលឃុំញរ បានធ្វើកោសល្យវិច្ច័យលើស.ពជនរងគ្រោះរួច ជាលទ្ធផលសមត្ថកិច្ចបានសន្និដ្ឋានថា ឈ្មោះ កឹម សាន ពិតជាស្លា.ប់ដោយសារគ្រោះថ្នាក់ធម្មជាតិ (រន្ទះបាញ់) ពិតប្រាកដមែន។ ក្រោយពីបានពិនិត្យសាកស.ពជនរងគ្រោះរួច កម្លាំងជំនាញ នៃអធិការនគរបាលស្រុកកំពង់រោទិ៍ ក៏បានប្រគល់ស.ពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ