មនុស្សជិត៣០នាក់តម្រៀបស្ករគ្រាប់ជាង១ម៉ឺនគ្រាប់ ដើម្បីបំបែកកំណត់ត្រាពិភពលោក
អាហ្វ្រិកខាងត្បូង ៖ អង្គការសប្បុរសធម៌ជួយសង្គ្រោះសត្វក្នុងទឹកក្នុងប្រទេសអាហ្វ្រិកខាងត្បូងបាន
អាហ្វ្រិកខាងត្បូង ៖ អង្គការសប្បុរសធម៌ជួយសង្គ្រោះសត្វក្នុងទឹកក្នុងប្រទេសអាហ្វ្រិកខាងត្បូងបានបំបែកឯតទគ្គកម្មពិភពលោក Guinness World Record តាមរយៈការតម្រៀបស្ករគ្រាប់ចំនួន ១១.៦០២ គ្រាប់។
អង្គការបានប្រមូលអ្នកស្ម័គ្រចិត្តចំនួន ២៧នាក់មកពីស្ថានីយ៍ទី ៥របស់ខ្លួនដើម្បីព្យាយាមបំបែកបំណត់ត្រានេះនៅទីលាន Durban Beachfront Promenade។
ស្ថាប័ន Guinness Record បានប្រកាសថា អ្នកស្ម័គ្រចិត្តបានធ្វើការតម្រៀបស្ករគ្រាប់ជាខ្សែបន្ទាប់ដែលមានចំងាយជាងកន្លះម៉ាយស៍។
ការសាមគ្គីនោះទទួលបានកំណត់ត្រាពិភពលោកសម្រាប់ការតម្រៀបស្ករគ្រាប់វែងបំផុតក្នុងលោក។ កំណត់ត្រាមុនគឺស្ករគ្រាប់ចំនួន ៩.៩៩៩គ្រាប់ ។
វិទ្យាស្ថានសង្គ្រោះសត្វខាងលើបាននិយាយថា ស្ករគ្រាប់ដែលត្រូវគេប្រើដើម្បីបំបែកកំណត់ត្រានោះនឹងត្រូវធ្វើការចែកចាយនៅក្នុងព្រឹត្តិការណ៍សហគមន៍ និងការធ្វើបទបង្ហាញរបស់សាលារៀន៕ (យោងតាមប្រភព៖ UPI)
ចែករំលែកព័តមាននេះ