មានរឿងមិនចេះចប់! ក្រោយផ្ទុះការរិះគន់ខ្លាំងពេក ទ្រាំលែងបាន អ្នកច្នៃឈុតគោព្រៃ ចេញមកបង្ហោះសារដាក់ទៅវិញផាំងៗឱ្យមហាជនបញ្ឈប់ទង្វើនេះជាបន្ទាន់
រាជធានីភ្នំពេញ ៖ កាលពីកន្លងទៅ មហាជនដែលនិយមប្រើប្រាស់បណ្ដាញសង្គមជាច្រើននាំគ្នាប្រតិកម្មយ៉ាងខ្លាំងគ្មានសំចៃមាត់ ឲ្យមានការកែតម្រូវ និងសំណូមពរឲ្យមានការដកចេញទៅលើឈុត «គោព្រៃ» ដែលជាឈុតតំណាងខេត្តមណ្ឌលគីរី ជាឈុតតំណាងជាតិ របស់ Miss Grand Cambodia 2022 សម្រាប់ការចូលរួមប្រកួតប្រជែង Miss Grand International 2022 នៅប្រទេស Indonesia ដែលឈុតនេះ ត្រូវបានមហាជននាំគ្នារិះគន់យ៉ាងខ្លាំង។
ដោយឡែក បើយើងក្រឡេកមកមើល ទោះបីជាមានការរិះគន់ខ្លាំងប៉ុណ្ណាក៏ដោយ ក៏ស្ថាប័ន Miss Grand Cambodia ហាក់គ្មានការប្រែប្រួលអ្វីនោះឡើយ ពោលគឺមានតែឌឺអ្នកគាំទ្រថែម ចំពោះកម្មវិធីមួយនេះកាន់តែខ្លាំងឡើង រហូតស្ទើរតែអ្នកគាំទ្រគ្មានសល់តែម្ដង។ មិនតែប៉ុណ្ណោះទេ ក្នុងការបង្ហោះនោះ បើយោងតាម ផេកផ្លូវការ Miss Grand Cambodia ក៏បានបញ្ជាក់ថា ឈុត «គោព្រៃ» នេះដែរ គឺជាឈុតដែលបង្ហាញអត្តសញ្ញាណជាតិរបស់ខ្មែរទៀតផង ហើយការបញ្ជាក់នេះ ក៏រឹតតែធ្វើអោយមហាជនពាសពេញបណ្ដាញសង្គមផ្ទុះកំហឹង និងមិនពេញចិត្តកាន់តែខ្លាំង ដោយពួកគេមានការលើកឡើងចំៗថា «ឈុតនេះ គ្មានអត្តសញ្ញាល្អអ្វីគ្រប់គ្រាន់ ក្នុងការយកទៅតំណាងជាតិលើឆាកអន្តរជាតិឡើយ»។
យ៉ាងណាមិញ សម្រាប់ឈុតនោះផងដែរ គឺមានឈ្មោះថា «កាហ្វេសែនមនោរម្យភូមិភាគឦសាន្ត» ដែលធ្វើឡើងក្នុងគោលបំណងចង់បង្ហាញពីខេត្តនៅប៉ែកឦសាន្តនៃប្រទេសកម្ពុជា ដែលជាទឹកដីសម្បូរទៅដោយកាហ្វេមានឈ្មោះល្បីល្បាញមិនធម្មតា និងតួឈុតច្នៃបង្ហាញឱ្យឃើញពីសត្វគោព្រៃ ដែលជាសត្វតំណាងឱ្យសត្វចតុបាទ នៅក្នុងប្រទេសកម្ពុជាទាំងមូលតែម្ដង។
មិនតែប៉ុណ្ណោះ ដ្បិតតែមានការកែសម្រួលក៏ពិតមែន តែមហាជនហាក់នៅតែសម្ដែងការមិនពេញចិត្តដដែល ដោយនាំគ្នាបានចូលទៅខមិនបញ្ចេញមតិលើកឡើងគ្មានប្រណីព្រោងព្រាតផ្សេងៗគ្នា ក្រោយលេចចេញនៅរូបភាពបែកធ្លាយនៃឈុតនោះ ពាសពេញហ្វេសប៊ុក ។
ជាក់ស្ដែង អ្វីដែលរឹតតែផ្ទុះការភ្ញាក់ផ្អើលនិងមិនចង់ជឿទៅវិញនោះ ថ្មីៗនេះ ស្រាប់តែលោកទឹកគ្រឿង ដែលជាអ្នកច្នៃឈុតតំណាងជាតិគោព្រៃ មានឈ្មោះពេញ «កាហ្វេសែនមនោរម្យភូមិភាគឦសាន្ត» មិនដឹងថា មានរឿងអ្វីនោះទេ នៅសុខៗក៏បានចេញមុខមកប្រតិកម្មខ្លាំងៗ ដោយបានបង្ហាះសារនៅលើគណនីហ្វេសប៊ុកផ្ទាល់របស់ខ្លួន ដោយក្នុងនោះលោកបានសរសេររៀបរាប់បែបនេះថា «ឈប់ជាបន្ទាន់ រាល់ការខមមិនឈុតទាំងនេះ ប្រាប់ឱ្យខ្ញុំរៀនមើលរបៀបច្នៃរបស់គេ សម្រាកបានសម្រាកទៅ ដល់អ៊ីចឹងពេកទៅដូចទើបចេញពីព្រៃមកម៉េចទេ។ ចង់ប្រាប់ថា ឈុតទាំងអស់នឹងគឺកើតចេញពីការខំប្រឹងប្រែងរបស់ក្រុមខ្ញុំទាំងអស់ហ្នឹង អ្នកអើយ»។
ក្រោយបានឃើញដូច្នេះ ក៏មានអ្នកចូលទៅខមិនថា «ភ្នែកគេពេញប្រទេសថាអាក្រក់ហើយ នៅមិនទទួលយកការិះគន់គេទៀត» «ស្អាតគេថាស្អាត មិនស្អាតគេថាមិនស្អាត ធ្វើអោយគេមើល តែគេមើលគេថាហើយ មិចចង់តែបានការសរសើរឬ? ទស្សនិកជនច្រើន ធម្មតាទេ រងការរិះគន់ច្រើន តែគួរមានការបកស្រាយឆ្លើយក្នុងន័យសម្របសម្រួល មិនមែនបែបឌឺដងវ៉ៃបកយកតែត្រូវទេ»។ អ្នកខ្លះទៀតក៏បានលើកឡើងថា «បងកុំតបកុំត ប្រឹងប្រែងបន្តដំណើរទៅមុខនេះជាជោគជ័យរបស់បង ហើយដែលអាចធ្វើអោយគេមានចិត្តក្តៅក្រហាយបានបែបនេះ រឹងមាំ ហើយខំយកការតិះដៀលនេះជាកម្លាំងចិត្តវិញ បងដឹងហើយ ខ្មែរខ្លះមិនចោលឡើយ វប្បធម៌ក្តិចត្រួយហ្នឹង គឺត.ជំនាន់មកហើយ» «ពូកែរិះគន់ចឹង ឲ្យពួកនឹងមកច្នៃម្តងទៅ ព្រោះពួកនឹងប្រហែលជំនាញខាងច្នៃណាស់ហើយទៅ»៕
ចែករំលែកព័តមាននេះ