ប្រិយមិត្តពុកម៉ែបងប្អូន ក៏ដូចជាមហាជនដែលតែងតែនិយមតាមដានរឿងភាគថៃ ប្រាកដជាបានស្គាល់ កុមារីតូចច្រឡឹក វ័យ១០ឆ្នាំ ឃ្យូតគួរអោយស្រលាញ់ មានទាំងសមត្ថភាព
ប្រទេសថៃ ៖ ប្រិយមិត្តពុកម៉ែបងប្អូន ក៏ដូចជាមហាជនដែលតែងតែនិយមតាមដានរឿងភាគថៃ ប្រាកដជាបានស្គាល់ កុមារីតូចច្រឡឹក វ័យ១០ឆ្នាំ ឃ្យូតគួរអោយស្រលាញ់ មានទាំងសមត្ថភាព ទេពកោសល្យក្នុងវិស័យសិល្ប: និងមានចំណេះដឹងខ្ពស់មិនធម្មតា ដែលជាតារាសម្ដែងស្រីថៃឈ្មោះនាងតូច «Inter Rungrada» ជាក់ជាមិនខានឡើយ។
នាងតូច Inter ជាក្មេងស្រីតូចមួយរូប មានវ័យត្រឹម១០ឆ្នាំប៉ុណ្ណោះ តែនាងតូចមានដុងខាងផ្នែកសិល្បៈខ្ពស់ ដោយនិយាយចំពោះសមត្ថភាពក្នុងការសម្ដែងរបស់នាងតូចវិញ គឺអាចសម្ដែងបានគ្រប់ទម្រង់មិនថាតួរបែបណានោះឡើយ រហូតផ្ទុះការកោតសរសើរពេញៗមាត់ពីសំណាក់មហាជនទាំងក្នុង និងក្រៅប្រទេស ជាពិសេសអ្នកគាំទ្រកម្ពុជាជាច្រើន ក៏ជាហ្វេននាងតូច Inter ដែលតែងតែតាមដានជានិច្ចរាល់ការសម្ដែងរបស់តារាស្រីតូចច្រឡឹងរូបនេះ។
យ៉ាងណាមិញ តារាសម្ដែងស្រីវ័យ១០ឆ្នាំ របស់ប្រទេសថៃរូបនេះ ត្រូវបានមហាជនហៅថា ជាសេដ្ឋីនីវ័យក្មេងដែលមានទ្រព្យស្ដុកស្ដម្ភ ព្រោះសមត្ថភាពក្នុងការរកចំណូលរបស់តារាស្រី Inter លើសពីក្មេងទូទៅមួយចំនួនមិនអាចធ្វើបានដូចជានាងតូចឡើយ។ ចំពោះការងាររបស់កុមារីដ៏ស្រស់ស្អាត Inter ទទួលបានការកោតស្ញប់ស្ញែងជាខ្លាំង ពីសំណាក់អ្នកគាំទ្រ។
Inter អាចរកចំណូលបានរាប់លានដុល្លារក្នុងមួយឆ្នាំៗ ដោយគ្រាន់តែតម្លៃខ្លួនសម្ដែងរបស់នាង គឺហក់ដល់ខ្ទង់ ៧ លានបាទឯណោះ។ ជាពិសេស Inter ជាអ្នកតំណាងឱ្យផលិតផល របស់ក្រុមហ៊ុនធំៗជាច្រើនទៀតផង។ នាងតូច Inter បានប្រឡូកចូលក្នុងវិស័យសិល្បៈតាំងតែអាយុ៥ឆ្នាំមកម្ល៉េះ ខណៈបច្ចុប្បន្ននាងតូចមានអាយុ១០ឆ្នាំ ពោលគឺមានន័យថា ក្មេងស្រីរូបនេះបានចូលប្រឡូកក្នុងវិស័យសិល្បៈរយៈពេល៥ឆ្នាំតែប៉ុណ្ណោះ តែអាចសាងកេរ្តិ៍ឈ្មោះអោយល្បីល្បាញទូទាំងប្រទេស ពិសេសជាប់ឈ្មោះជាសេដ្ឋីនីវ័យក្មេង។
inter ជាក្មេងស្រីតូចមួយរូប ដែលស្រលាញ់ការងារខ្លាំង ជាពិសេសនាងចំណាយពេលច្រើនខ្លាំងមែនទែនទៅលើមុខជំនួញរកស៊ី ក៏ដូចជាការងារសិល្បៈ និងការរៀនសូត្រ។ ក្មេងស្រីវ័យ១០ឆ្នាំរូបនេះ មិនចំណាយពេលឥតប្រយោជន៍អោយខាតពេលវេលាចោលទទេៗឡើយ។ ជាទូទៅក្នុងមួយសប្ដាហ៍ច្បាស់ណាស់អ្នកធ្វើការងារ ត្រូវមានពេលឈប់សម្រាក់មួយថ្ងៃ ឬពីរថ្ងៃ គឺថ្ងៃសៅរ៍ និងអាទិត្យ ។ ចំណែកឯ នាងតូច Inter វិញ ក្នុងមួយសប្តាហ៍ ធ្វើការចំនួន៧ថ្ងៃពេញតែម្ដង ដោយមិនខ្ចីសម្រាកសៅរ៍ ឬអាទិត្យ ដូចមនុស្សធំទូទៅមួយចំនួនឡើយ។
នាងតូច Inter ចេញពីផ្ទះម៉ោង៨ព្រឹកចូលផ្ទះម៉ោង១០យប់ឯណោះ ពិសេសបានឆ្លៀតរៀនថែមទៀតផង។ ទោះជារវល់ចំពោះការងារយ៉ាងណាក្ដី តារាសម្ដែងស្រីវ័យក្មេងរបស់ថៃរូបនេះ មិនភ្លេចឡើយការសិក្សារបស់នាង។
និយាយចំពោះការសិក្សាវិញម្ដង ក្រៅពីមានអាជីពជាតារាសម្ដែងពោរពេញដោយទេពកោសល្យ និងជាតារាល្បី អាចរកចំណូលបានលើសពីក្មេងទូទៅមួយចំនួនក៏ពិតមែន តែអូនតូច Inter ក៏ជាសិស្សពូកែម្នាក់ក្នុងថ្នាក់រៀន។ ជារៀងរាល់ខែ រាល់ឆមាស នាងតូចរូបនេះតែងទទួលបានចំណាត់ថ្នាក់ល្អ រហូតមិនដែលលួសខែឡើយ។
គួរបញ្ជាក់ផងដែរថា បច្ចុប្បន្ននេះ នាងតូចវ័យ១០ឆ្នាំ Inter Rungrada កំពុងតែក្តោបបានទីផ្សារសិល្បៈក្នុងប្រទេសថៃបានយ៉ាងច្រើនស្ទើរតែមិននឹកស្មានដល់ ដែលធ្វើឱ្យឪពុកម្តាយរបស់នាងមានមោទកភាព និងមានក្ដីសុខក្រុមគ្រួសារយ៉ាងខ្លាំង ខណៈសុភមង្គលក្នុងក្រុមគ្រួសារ និងស្នាមញញឹមរបស់ឪពុកម្ដាយ គឺកើតចេញពីភាពអស្ចារ្យរបស់ inter ដែលជាចំណែកមួយរកប្រាក់ចំណូលជ្រុមជ្រែងគ្រួសារ៕
ចែករំលែកព័តមាននេះ