រាជធានីភ្នំពេញ ៖ ផលិតកម្មរ៉េដភីកឆើបានសម្រាំងស្នាដៃថ្មីរបស់ខ្លួនរំលេចលើទីផ្សារម្តងទៀតហើយ ដែលស្នាដៃថ្មីនេះ ពិតជាមានការទាក់ទាញពីអ្នកគាំទ្រ ដែលជាអ្នកជួយលើកទឹកចិត្ត ព្រមទាំងឱកាដបង្ហាញស្នាដៃរបស់តារារលកក្រោយ ពង្រីកសមត្ថភាពលើផ្នែកសិល្បៈ ។
រាជធានីភ្នំពេញ ៖ ផលិតកម្មរ៉េដភីកឆើ បានសម្រាំងស្នាដៃថ្មីរបស់ខ្លួនរំលេចលើទីផ្សារម្តងទៀតហើយ ដែលស្នាដៃថ្មីនេះ ពិតជាមានការទាក់ទាញពីអ្នកគាំទ្រ ដែលជាអ្នកជួយលើកទឹកចិត្ត ព្រមទាំងឱកាដបង្ហាញស្នាដៃរបស់តារារលកក្រោយ ពង្រីកសមត្ថភាពលើផ្នែកសិល្បៈ ។
ភាពយន្តខ្នាតធំថ្មីនេះ គឺរឿង «ផ្ទះសសរកណ្តាល» បានប្រកាសសម្ពោធចាក់បញ្ចាំងជាផ្លូវការហើយ បន្ទាប់ពីផលិតអស់ជាច្រើនខែ ។ កម្មវិធីនេះ ត្រូវបានធ្វើឡើងនៅល្ងាចថ្ងៃទី៦ មីនា នៅក្នុងបរិវេនផ្សារទំនើបស្ទឹងមានជ័យថ្មី ក្រោមវត្តមានមន្ត្រីក្រសួងវប្បធម៌ និងវិចិត្រសិល្បៈ សិល្បករ ផលិតករជាច្រើនរូបចូលរួម ។
រឿង «ផ្ទះសសរកណ្តាល» គឺជារឿងកំប្លែង និងភ័យរន្ធត់ ដែលត្រូវបានចំណាយការផលិតប្រមាណ៣ខែ និងក្រោមទុនប្រមានជាង៤ម៉ឺនដុល្លារអាមេរិក ។ នេះបើតាមការបញ្ជាក់របស់លោក ឌៀម សុវណ្ណារ៉ា ចាងហ្វាងផលិតកម្មRed Picture ។
លោកបន្តថា ភាពយន្តនេះ ខុសប្លែកពីរឿងមុនៗ ដោយផលិតកម្មបានជម្រើស បានតារាសម្តែងថ្មីដែលមានសមត្ថភាពខ្ពស់មកសម្តែងជាមួយនឹងតារាជើងចាស់ជាច្រើន ។ លោកថា រឿងនេះបានផុ្តល់ឱកាសច្រើនដល់តារាសម្តែងថ្មី ដើម្បីទទួលបានការសម្តែងមួយកាន់តែល្អជាងមុន ។ លោកថា រឿងនេះតម្រូវចិត្តមនុស្សគ្រប់វ័យ ពិសេសអ្នកនិយមភាពយន្តភ័យរន្ធត់ កំប្លែង និងមនោសញ្ចេតនា។
នាយពាក់មី ក៏បានបញ្ជាក់ថា រឿងថ្មីនេះ ពិតជាចម្លែកអារម្មណ៍ ដោយសារមានការផ្លាស់ប្តូរសជាតិសម្តែង ពិសេសតារាសម្តែងថ្មីដែលមានទេពកោសល្យ ។ លោកថា ក្នុងរឿងនេះលោកក៏ដូចជាងតារាសម្តែងល្បីជាច្រើនមិនមានសាច់រឿងច្រើនក្នុងការសម្តែងទេ ប៉ុន្តែជាភាពយន្តដែលសម្រិតសម្រាំង និងមានឈុតឆាកថ្មីៗគួរឲ្យចាប់អារម្មណ៍។
តំណាងនាយកដ្ឋានភាពយន្ត បានថ្លែងកោតសរសើរចំពោះផលិតកម្ម Red Picture ដែលតែងតែព្យាយាមយកនូវអ្វីដែលថ្មីសម្រាប់បម្រើអារម្មណ៍ទស្សនិកជន។ លោកថា ក្រៅពីរឿងដែលមានគុណភាព ផលិតកម្មក៏បង្កប់នូវអត្ថន័យអប់រំ និងបញ្ជាក់ពីអត្តសញ្ញាណជាតិខ្មែរ នៅក្នុងរឿងផងដែរ។
ចែករំលែកព័តមាននេះ