រាជធានីភ្នំពេញ ៖ ខ្សែភាពយន្តរឿង«ទឹកចិត្តម្តាយសម័យថ្មី»បានដាក់សម្ពោធកាលពីល្ងាចថ្ងៃទី១ មីនា ឆ្នាំ២០១៧នៅរោងភាពយន្តមេជើស៊ីណើភ្លិចបាយសែលកាត ក្នុងបរិវេណផ្សារទំនើបអីុអនម៉ល រាជធានីភ្នំពេញ ។
នាឱកាសនោះមានវត្តមានរដ្ឋមន្ត្រីក្រសួងព័ត៌មានខៀវ កាញារីទ្ធ;ម្ចាស់ផលិតកម្មថោន;ក្រុមការងារផលិតម្ម;តារាសម្តែងក្នុងសាច់រឿងនិងភ្ញៀវកិត្តិយសជាច្រើននាក់ ។
ទំហំនៃទឹកចិត្តអ្នកម្តាយពិតជាមិនអាចកាត់ថ្លៃបានមែន ម្តាយសុខចិត្តរែកពន់គ្រប់យ៉ាង ម្តាយសុខចិត្តទទួលបាបគ្រប់យ៉ាងជំនួសកូន អត្ថន័យទាំងអស់ បង្ហាញនៅគ្រប់រោងកុនចាប់ពីថ្ងៃទី២ ខែមីនា ឆ្នាំ២០១៧ ។ ខ្សែភាពយន្តរឿង«ទឹកចិត្តម្តាយសម័យថ្មី»ចង់បញ្ជាក់ពីក្តីទុក្ខព្រួយអ្នកម្តាយគ្រប់រូបមានដូចជា ៖ ទឹកចិត្តអ្នកម្តាយ ក្នុងគ្រួសារ ត្រកូលអ្នកមាន ។ ទឹកចិត្តអ្នកម្តាយក្នុងគ្រួសារមធ្យម ។ ទឹកចិត្តអ្នកម្តាយក្នុងគ្រួសារត្រកូលអ្នកក្រ ។ ទោះបីជាស្ថិតក្នុងជីវភាពបែបណាក៏ដោយ ម្តាយសុទ្ធតែមានទឹកចិត្តអាណិតស្រលាញ់កូនដូចគ្នាទាំងអស់ ។ ខ្សែភាពយន្តនេះមានគ្រប់រសជាតិ ដែលកើតមានជាក់ស្តែងក្នុងសង្គមបានសម្រិតសម្រាំងជាពិសេសសម្រាប់ទស្សនិកជន ដោយស្នាដៃអ្នកដឹកនាំរឿង អ្នកស្រី ពាន់ ភួងបុប្ផា ដែលជាខ្សែភាពយន្តខ្នាតធំកម្រិត៤.៥Kលំដាប់អន្តរជាតិ ។
ទស្សនិជនមួយចំនួនដែលត្រៀមចូលទស្សនាខ្សែភាពយន្តខ្នាតធំរឿង«ទឹកចិត្តម្តាយសម័យថ្មី»និយាយថា«ចាំដាក់កន្សែងទៅតែម្តងទៅ ខ្ជិលទិញក្រដាស»;«ត្រៀមចិត្តសម្រាប់យំតែម្តង»;«មិនបាច់ទេថាតួមិនទាន់យំផង ឯងក្រៅហូរទឹកភ្នែកបាត់» ។ «គ្រាន់តែមើលtrailerចង់យំបាត់ហើយ» ។ ខ្លះទៀតថា«មើលទៅទំនងល្អមើលហើយមានន័យទៀត ចាំឆ្លៀតនាំកូនទៅមើលដែរហើយ» ។ «អ្នកស្រីស្វែង សុជាតា សម្តែងសមខ្លាំងណាស់ ចេញគាត់មកទឹកភ្នែកហូរទប់មិនជាប់» ។ «ទៅមើលយកកន្សែងទៅឱ្យហើយ» «ដឹងតែទៅមើលហើយគាំទ្រពេញទំហឹង» ។
ក្នុងខ្សែភាពយន្តរឿង«ទឹកចិត្តម្តាយសម័យថ្មី»ចូលរួមសម្ដែងដោយអ្នកនាងអម្ពរ ទេវី;អ្នកនាងស៊ឹម សូលីកា;អ្នកនាងស្វែង សុជាតា;អ្នកនាងសុខ សុម៉ាវតី;កញ្ញាឌុច លីដា;លោក ទេព រិនដារ៉ូ;លោកមាស យិតឧស្សាហ៍;លោកប៊ុត សារ៉ាវុធ និងអ្នកស្រីឌី សាវ៉េត ជាដើម ៕
ចែករំលែកព័តមាននេះ