អតីតបវរកញ្ញាមីយ៉ាន់ម៉ា ចេញពីថៃហើយ និងកំពុងស្វែងរកសិទ្ធិជ្រកកោននៅប្រទេសមួយ
ថៃ ៖ នាង Han Lay ជាតារាបង្ហាញម៉ូដ និងជាអតីតបវរកញ្ញាមីយ៉ាន់ម៉ា ចូលរួមប្រកួត Miss Grand
ថៃ ៖ នាង Han Lay ជាតារាបង្ហាញម៉ូដ និងជាអតីតបវរកញ្ញាមីយ៉ាន់ម៉ា ចូលរួមប្រកួត Miss Grand International ឆ្នាំ ២០២០ នៅថៃ និងបានជ្រកកោនក្នុងប្រទេសថៃ បន្ទាប់ពីរិះគន់របបយោធាមីយ៉ាន់ម៉ា ពេលនេះបានចាកចេញពីទីក្រុងបាងកកហើយ និងកំពុងធ្វើដំណើរទៅកាន់ប្រទេសកាណាដា កន្លែងដែលនាងត្រូវគេរំពឹងថា នឹងស្វែងរកសិទ្ធិជ្រកកោននៅទីនោះ។ នេះបើយោងតាមមន្ត្រីអន្តោប្រវេសន៍ថៃថ្លែងប្រាប់ CNN។ គួររំលឹកថា អតីតបវរកញ្ញាមីយ៉ាន់ម៉ា នាង Han Lay ត្រូវថៃហាមមិនឱ្យចូលក្រុងបាងកកវិញ
កញ្ញា Han Lay វ័យ ២៣ឆ្នាំ បានទាក់ទាញចំណាប់អារម្មណ៍យ៉ាងខ្លាំងកាលពីឆ្នាំមុនអំឡុងការថ្លែងរបស់នាងនៅក្នុងកម្មវិធី Miss Grand International ឆ្នាំ ២០២១ ធ្វើឡើងក្នុងប្រទេសថៃ នៅពេលអំពាវនាងឱ្យពិភពលោកជួយប្រទេសរបស់នាង ចំពេលមានការបង្ក្រាបបង្ហូរឈា.មពីរបបយោធា។
នាងត្រូវគេគំរា.មសម្លា.ប់បន្ទាប់ពីការថ្លែងនោះ និងបានសម្រេចចិត្តមិនវិលត្រឡប់ទៅស្រុកកំណើតវិញឡើយបន្ទាប់ពីការប្រកួត។
ប៉ុន្តែនាងទំនងជាប្រឈមនឹងការគំរា.មកំហែងនៃការនិរទេស ក្រោយពេលវិលត្រឡប់ទៅកាន់ប្រទេសថៃវិញកាលពីថ្ងៃពុធសប្តាហ៍មុន បន្ទាប់ពីធ្វើដំណើរទស្សនៈកិច្ចក្នុងប្រទេសវៀតណាម។ នាងត្រូវបានបញ្ឍប់ដោយមន្ត្រីថៃនៅព្រលានយន្តហោះអន្តរជាតិ Suvarnabhumi នៅទីក្រុងបាងកក។ មន្ត្រីទាំងនោះនិយាយថា ពួកគេរកឃើញមានបញ្ហានៃលិខិតឆ្លងដែនរបស់នាង។
លោក Archayon Kraithong អនុប្រធានការិយាល័យអន្តោប្រវេសន៍ថៃបានប្រាប់ CNN នៅថ្ងៃពុធ ទី ២៨ កញ្ញានេះថា កញ្ញា Han Lay បានចាកចេញពីទីក្រុងបាងកកនៅយប់ថ្ងៃអង្គារ។ គោលដៅចុងក្រោយរបស់នាងគឺកាណាដា។
Han Lay ធ្លាប់ប្រាប់ CNN ថានាងកំពុងស្វែងរកសិទ្ធិជ្រកកោននយោបាយនៅក្នុងប្រទេសកាណាដាទោះបីចង់បន្តនៅថៃក៏ដោយ។
លោក Phil Robertson នាយករងប្រចាំតំបន់អាស៊ីនៃអង្គការឃ្លាំងមើលសិទ្ធិមនុស្សបានថ្លែងថា «Han Lay គឹជាជនរងគ្រោះនៃសកម្មភាពនយោបាយរបស់របបយោធាមីយ៉ានម៉ាដែលធ្វើឱ្យនាងក្លាយជាមនុស្សគ្មានលក្ខណៈជាពលរដ្ឋនៅពេលនាងត្រឡប់ទៅកាន់ប្រទេសថៃពីវៀតណាមកាលពីសប្តាហ៍មុន»។
សូមបញ្ជាក់ថា ស្ថានភាពក្នុងប្រទេសមីយ៉ាន់ម៉ាបន្តធ្លាក់ចុះបន្ទាប់ពីរដ្ឋប្រហារយោធាឆ្នាំ ២០២១។ ក្រុមសិទ្ធិមនុស្សបាននិយាយថា ការរំលោ.ភសិទ្ធិមនុស្សនៅតែកើតមានឡើង ហើយការប្រហារជីវិតរបស់រដ្ឋបានត្រឡប់មកវិញ ខណៈដែលជម្លោះនៅទូទាំងប្រទេសបានផ្ទុះឡើង។
មនុស្សរាប់លាននាក់នៅតែបន្តទប់ទល់នឹងរបបយោធាដែលកំពុងកាន់អំណាចដឹកនាំដោយ Min Aung Hlaing ដែលបានសម្លា.ប់បាតុករគាំទ្រលទ្ធិប្រជាធិបតេយ្យរាប់រយនាក់៕ (យោងតាមប្រភព៖ CNN)
ចែករំលែកព័តមាននេះ